Fálkinn - 14.12.1956, Blaðsíða 53
JÓLABLAÐ FÁLKANS 1956 V
Mar krei**^
afeiní
l heinti
/
37'-
GILLETTE 1957
Gillette
raksturinn endist allan daginn
MerhisdfiBteli listamanns
Á þessum vetri á hinn vinsæli
listamaður Eggert GuSmundsson
fimmtugsafmæli og jafnframt eru á
næsta ári 30 ár liðin frá upphafi
listamannsferils hans. Á iþessum
merku tímamótum í ævi listamanns-
ins er i ráði að efna til mikillar sýn-
ingar á verkum hans, en þau eru
mjög fjölbreytt, enda þótt málverk og
teikningar hans séu þekktust, því að
hann 'hefir gjörva hönd lagt á margt.
Þegar komið er inn á heimili þeirra
hjóna Eggerts Guðmundssonar og frú
Edith, í Hátúni 11, blasa við lista-
verk af ýmsu tagi, málverk, teikn-
ingar, líkön, haglega gerðir gripir af
ýmsu tagi o. m. fl.
Þarna eru gamlar og þekktar mynd-
ir, eins og „Jarðarför bóndans", sem
hlaut mjög góða dóma á sýningum
erlendis, m. a. hjá Gandrup í Aarlius
i Stiftstidende, nokkrar hinna þekktu
andlitsmynda Eggerts, sem vöktu
feykilega athygli, jafnvel svo, að hon-
um var líkt við „portrætmálarann
Diirer, og myndir, sem enn eru í
deiglunni. Meðal hinna ófullgerðu
mynda er málverk i heitum litum af
áströlsku söngkonunni Geörgie Lee,
sem sungið hefir að undanförnu á
Hótel Borg við góðar undirtektir, en
henni kynntust þau hjónin í Ástrnlíu.
Þá er lítill vafi á því, að líkön gam-
alla bæja og minja héðan úr Reykja-
vík og verkfæra alls konar, sem 'hann
gerir úr leir, tré, pappa o. fl. á cftir
að hafa mikilsverða þýðingu fyrir
menningarsögu Reykjavíkur, enda er
í ráði, að þessi listaverk renni inn
í byggðasafn höfuðborgarinnar. Meðal
gömlu bæjanna eru t. d. Hliðarhús,
Sölvhóll, Höfn og Byggðarendi. Og
svo er tilbúið líkan af Skólavörðunni
og sýnisiiorn af hlóðaeldhúsi.
Meðal hinna listrænu smámuna,
sem eru óteljandi í stofu listamanna-
hjónanna, er sérstaklega einn, sem
dregur að sér atliygli öðrum fremur.
Það er lítil kengúrumynd, skorin i
tré. Þetta er raunar vindlingahylki,
þar sem vindlingurinn kemur út um
kviðpokann, þegar ýtt er á rófuna.
Hugmynd, sem er sérstök í sinni röð,
að minjagrip fyrir Ástraliu.
Listamannsferill Eggerts Guð-
nuindssonar hefir oft verið rakinn í
ýmsum blöðum, og hér verður aðeins
stiklað á stóru.
Eggert byrjaði fyrst að mála 15
ára gamall, og tvítugur að aldri liélt
liann fyrstu sýninguna. Hann fékk
lofsamlega dóma, og m. a. skrifaði
Björn Björnsson á svofelldan hátt um
sýninguna: — Allmargir menn hugsa
svo: Einn listamaðurinn ennl Hvar
mun þetta enda? Eggert Guðmunds-
son er aðeins tvítugur og hefir notið
litils háttar tilsagnar. Myndir þær,
er hann sýnir, eru allar gerðar á
þessu ári, í tómstundum, því að hann
vinnur fyrir sér með hinni og ann-
arri erfiðisvinnu, eftir því sem til
næst.
Hinar góðu viðtökur, sem Eggert
hlaut urðu til þess, að hann fór til
listnáms erlendis. Meðal annars
dvaldist iiann á fjórða ár i Múnchen.
Þá hefir Eggert viða farið og haldið
sýningar, m. a. viða í Danmörku,
Bretlandi, Ástralíu og viðar auk sýn-
inga hér heima. Hlaut liann jafnan
góða dóma þar sem hann sýndi
verk sin og var sýnd ýms viður-
kenning. Komu þau hjónin m. a. fram
í sjónvarpi í Lundúnum 1936 i sam-
handi við sýningu, er Eggert héU
þar. Þá keypti kgl. landfræðifélagið
danska myndina „Nótt á Þingvöllum"
af honum til að gefa Kristján X.
Danakonungi á 25 ára ríkisstjórnar-
afmælinu.
Það vakti talsverða athygli, þegar
Eggert lagði upp í ferð til Ástraliu
með fjölskyldu sína árið 1951 og
dvaldist þar alllengi. Hélt hann þar
m. a. sýningar og málaði myndir. Kona
hans hélt marga fyrirlestra um ís-
land, t. d. i iandfræðifélaginu í Bris-
lane og fyrir 1200 stráka lióp í Mel-
bourne.
Komið hafa út tvær myndablokkir
eftir Eggert, og sú þriðja kemur út
núna fyrir jólin.
Auk þess sem Eggert fæst mikið
við að mála myndir, teiknar hann
mikið, enda frægur fyrir þær myndir
sínar. Er hann ekki við eina fjölina
felldur á því sviði fremur en í lista-
starfi sínu yfirleitt, þvi að hann hefir
hlotið fjölbreytta hæfileika í náðar-
gjöf. Eitt áhugamál lians er að koma
íslendingasögunum í „teiknimynda-
seríur“ með texta. Þá hefir hann gert
„seriu“ af för sonar síns til Ástraliu.
Hér hefir aðeins verið hrugðið upp
dreifðum svipmyndum frá starfi Egg-
erts, og margt er ótalið. Hann hefir
unnið margt afreksverkið á sviði
þjóðlegrar listar, sem vert væri að
geta, svo sem annast uppsetningu
gamals eldhús og hjalls og gömlu
vararinnar á Reykjavikursýningunni
og búið til víkingaskip fyrir hátiða-
höld sjómannadagsins. G.