Fréttablaðið - 09.10.2009, Page 37

FÖSTUDAGUR 9. OKTÓBER 2009 11geðhjálp ●
Reykjavíkurborg hefur nú tekið
að sér málefni fatlaðra frá ríkinu
og segir Jóna Rut Guðmundsdótt-
ir að sóknarfærin séu með nýrri
hugmyndafræði og aðferðafræði
þjónustunnar að efla sérhæfðan
stuðning og stoðþjónustu.
Jóna Rut, sem er verkefnisstjóri
Straumhvarfa, segir að um tals-
vert skeið hafi verið stefnt að yf-
irfærslu málefna fatlaðra frá ríki
til sveitarfélaga. „Í upphafi ársins
2007 leitaði félagsmálaráðuneyt-
ið eftir því að komið yrði af stað
tilraunaverkefni þar sem Reykja-
víkurborg tæki það að sér að veita
alla þjónustu við geðfatlaða Reyk-
víkinga í átaksverkefni ríkisins.
Velferðarsvið Reykjavíkurborgar
hefur búið sig undir að taka við
allri þjónustu við geðfatlaða sem
veitt er af hendi Svæðisskrifstofu
málefna fatlaðra í Reykjavík.“
Hvað með aðra þætti sjálfstæðs
lífs eins og sérhæfðan stuðning og
stoðþjónustu sem lýtur að atvinnu,
menntun, endurhæfingu og frí-
stundum? Mun Reykjavíkurborg
sjá um þá? „Starfshópur var skip-
aður til þess að meta þjónustuþörf
og koma með tilögur. Við fengum
staðfestingu á því sem mig grun-
aði, að eingöngu þrjátíu prósent
þessara notenda sækja atvinnu,
nám eða skipulagt félagsstarf
einu sinni í viku eða oftar. Ég tel
raunhæft að með nýrri hugmynda-
fræði og aðferðafræði þjónustunn-
ar sé hægt að auk þetta hlutfall
upp í sjötíu prósent.“
Er þetta verkefni unnið í sam-
vinnu við geðfatla og þá hvern-
ig? „Í allri uppbyggingu á þessu
stóra verkefni höfum við á Vel-
ferðarsviði kallað til lykilaðila í
málefnum geðfatlaðra; notendur
sjálfa, aðstandendur, hagsmuna-
aðila og þjónustusamstarfsaðila.
Um sextíu aðilar tóku þátt í ellefu
starfshópum. Við leggjum áherslu
á að byggja á fyrri styrkleikum en
ætlum að fara nýjar leiðir þar sem
unnið verður á markvissan hátt
með valdeflingu, notendasamráði
og hjálp til sjálfshjálpar.“
- uhj
Ný sóknarfæri næstu ár
Jóna Rut segir að skilningur samfélagsins skipti máli í verkefni á borð við Straum-
hvörf. FRÉTTABLAÐIÐ/GVA
Einar Njálsson, sérfræðingur í félags-og tryggingaráðuneyti,
segir breytingar hafa orðið á verkefninu í takt við ný sjónarmið
í málefnum fatlaðra. Bankahrunið hafi þó haft áhrif á
framkvæmdina.
Aðspurður segir Einar grunnmarkmið verkefnisins þó vera
óbreytt. „Hugmyndir hafa þróast og viðhorf til þjónustunnar
hafa breyst frá því fjárhagslegur grunnur verkefnisins var lagð-
ur. Framkvæmdin tekur mið af þessum breytingum. Upphaflegt
kostnaðarmat gerði til dæmis ráð fyrir að hluti íbúanna byggi
í hefðbundnu sambýli og að í einhverjum tilvikum deildu tveir
eða fleiri íbúar íbúð. Þessi sjónarmið eru ekki í takt við tímann.
Fasteignabóla liðinna missera hafði veruleg áhrif á nýtingu fjár-
magns, enda eru 75 prósent húsnæðisins sem verkefnið þarf á að
halda á höfuðborgarsvæðinu.“
Nú var gerður þjónustusamningur við Reykjavíkurborg og
fleiri sveitarfélög um yfirtöku þeirra á uppbyggingu Straum-
hvarfa. Hvers vegna? „Samningurinn við Reykjavík markar viss
tímamót í samskiptum ríkis og sveitarfélaga. Segja má að með
honum sé stigið fyrsta skrefið til flutnings málaflokksins frá ríki
til sveitarfélags. Meðal annars er verið að hraða uppbyggingu á
vegum verkefnisins í þágu notandans. Á svipuðum grunni hefur
verið samið við fleiri sveitarfélög.“
Hvernig hefur verkefnið gengið að þínu
mati? Hvar stendur verkefnið núna og
hver er framtíðarsýnin? „Í dag er staðan
þannig að tekið hefur verið í notkun nýtt
húsnæði eða gengið frá samningum um
nýtt húsnæði og séhæfða þjónustu fyrir
130 geðfatlaða einstaklinga af þeim 160
sem verkefnið tekur til.
Fagleg framtíðarsýn verkefnisins er skýr
en hvenær við getum haldið áfram með fram-
kvæmdir veltur á því hve hratt okkur tekst
að vinna á þeim efnahagsvanda sem við
búum við í augnablikinu.“ - uhj
Hrunið hefur sín áhrif
Einar Njálsson segir faglega framtíðarsýn
Straumhvarfa skýra en framkvæmdin velti
á lausn efnahagsvandans.
BIOVÖRUR