Fréttablaðið - 15.10.2009, Qupperneq 51

FIMMTUDAGUR 15. október 2009 35
UMRÆÐAN
Ragnhildur Jóhanns-
dóttir skrifar um lokun
St. Jósefsspítala
Mikið hefur verið fund-að í Heilbrigðisráðu-
neytinu um starfsemi
Kragasjúkrahúsanna frá
því haustið 2008. Til að
gera langa sögu stutta ákvað nefnd
á vegum Guðlaugs Þ. Þórðarsonar
fyrrum heilbrigðisráðherra að loka
skurðdeild St. Jósefsspítala Hafnar-
firði, flytja átti hluta starfseminn-
ar til Keflavíkur. Mikil mótmæli
urðu við þeirri ákvörðun. Í febrúar
2009 var haldinn fjölmennur fundur
í Hafnarfirði þar sem margir tóku
til máls, og varst þú ein af
mörgum sem mótmæltu
þessari ákvörðun.
Ögmundur Jónasson tók
við sem heilbrigðisráðherra
og ný von vaknaði. Ekkert
gerðist nema skýr skilaboð
um niðurskurð sem tekið
var alvarlega af stjórn
spítalans. Allir starfs-
menn voru mjög meðvitað-
ir og tóku þátt í þeim nið-
urskurði. Þegar leið á sumarið var
12 skurðlæknum sagt upp aðstöðu á
skurðdeildinni. Starfsemin minnk-
aði og líkja má ástandinu við hægt
andlát.
Á haustmánuðum voru loksins
kallaðir fagaðilar frá Kragasjúkra-
húsunum til ráðgjafar á vinnufund í
heilbrigðisráðuneytinu, undir stjórn
Huldu Gunnlaugsdóttur, forstjóra
Landspítala - Háskólasjúkrahúss.
Þar var okkur ætlað að koma með
tillögur og ræða hlutverk Kraga-
sjúkrahúsanna og samvinnu þeirra
við LHÍ.
En annað sýndi sig, ákveðið hafði
verið að loka skurðdeild St. Jósefs-
spítala um næstu áramót. Engar til-
lögur eða sérálit voru leyfðar á þess-
um vinnufundi, einungis að finna
leið til að loka.
Það þarf vart að nefna hvaða
áhrif þetta hefur haft á starfsfólk
spítalans og skjólstæðinga okkar.
Öll starfsemi er í uppnámi.
Ef af þessari lokun verður er
það aðför að heilbrigði kvenna. Hjá
okkur er mikil starfsemi í kven-
lækningum ásamt öðrum sérgrein-
um. Í þessu bréfi viljum við leggja
sérstaka áherslu á kvenlækningar.
Til okkar koma meðal annars konur
með ýmis vandamál í grindarbotni
t.d. vegna þvagleka, legsigs og enda-
þarmssigs. Mikil fagleg þekking og
áratuga reynsla fer forgörðum ef
þessari starfsemi verður hætt. Hvað
er dýrmætast í öllum fyrirtækjum?
Þekkingin og reynslan.
Það er nokkuð ljóst að einung-
is hluti af þessum aðgerðum sem
framkvæmdar eru á St. Jósefsspít-
ala verður framkvæmdur á Lands
spítala. LHÍ á að þjóna sínu hlut-
verki sem hátæknisjúkrahús fyrir
alla landsmenn. Þá faglegu þekk-
ingu sem til er á Kragasjúkrahús-
unum á að nýta til að styrkja Land-
spítalann með því að sinna þeim
skjólstæðingum sem ekki þurfa á
hátækniþjónustu að halda.
Þann 10. okt. síðastliðinn átti að
tilkynna endanlega ákvörðun um
hlutverk Kragasjúkrahúsanna.
Enn á ný er skipt um heilbrigðisráð-
herra, engin stefnumótun er sjáan-
leg og allir bíða í óvissu.
Það er merkilegt að þegar konur
eru við völd, forsætisráðherra, heil-
brigðisráðherra og forstjóri Lands-
spítala þá er vegið að heilbrigði
kvenna. Er máttur Guðlaugs Þórs
Þórðarsonar kannski enn ríkjandi
í þessari ákvörðun/tillögu? Hver er
sparnaðurinn?
Við höfum óskað eftir fundi með
þér og vonumst til að fá að hitta þig
áður en ákvörðun er tekin um fram-
tíð skurðdeildar St. Jósefsspítala
Hafnarfirði.
Höfundur er deildarstjóri á St.
Jósefsspítala.
Opið bréf til heilbrigðisráðherra
RAGNHILDUR
JÓHANNSDÓTTIR
UMRÆÐAN
Þorleifur Gunnlaugsson skrif-
ar um virkjanamál
Það er ekki algengt að embættis-menn eða starfsfólk opinberra
fyrirtækja blandi sér í stjórnmála-
umræðuna. Nú hefur stjórnar-
formanni Orkuveitunnar, framsókn-
armanninum
Guðlaugi Sverr-
issyni tekist
að fá forstjóra
Orkuveitunnar,
Hjörleif Kvaran
með sér í pólit-
ískan leiðang-
ur. Þeir félag-
ar sendu frá sér
yfirlýsingu síð-
astliðinn laug-
ardag þar sem
þeir segja það „ótækt að búa við
það að fulltrúi ríkisstjórnarinnar
leitist við að draga úr fjárhagsleg-
um trúverðugleika þessa fyrirtæk-
is í almannaeigu“. Tilefnið virðist
vera viðtal við ráðherrann sem birt-
ist í Fréttablaðinu þann sama dag
þar sem hún lýsir þeirri staðreynd
að mun stærri ljón væru í veginum
fyrir Helguvíkurálveri en fárra
vikna töf á línuframkvæmdum. Að
Century Aluminium hafi ekki enn
þá náð að fjármagna álverið og að
íslensk orkufyrirtæki væru mjög
skuldug og eigi jafnvel erfitt með
að endurfjármagna núverandi lán,
hvað þá að leggjast í frekari fjár-
festingar til virkjanaframkvæmda.
En orkuþörfin fyrir Helguvík er á
við framleiðslu Kárahnjúkavirkj-
unar.
Þarna var ráðherrann ekki að upp-
ljóstra um nokkuð annað en það sem
allir vita sem eitthvað fylgjast með
umfjöllun fjölmiðla um orkumál.
Hjörleifur Kvaran upplýsti sjálf-
ur um þessa stöðu í Fréttablaðinu
daginn áður. Staðreyndin er hins-
vegar sú að evrópskir lánadrottnar
Orkuveitunnar þurfa ekki að lesa
Fréttablaðið til að komast að þessu
og þeir gera lítið með fullyrðingar
framsóknarmanna um að „Orku-
veita Reykjavíkur geti staðið undir
umræddum framkvæmdum og
lánum þeim tengdum“. Lánadrottn-
arnir vilja beinharðar staðreynd-
ir og það sem fyrst. Eiginfjárstaða
Orkuveitunnar er aðeins 15% og það
er fyrst og fremst vegna þess sem
illa gengur að fá lán. Svandís Svav-
arsdóttir er einfaldlega að benda á
að það vanti bæði orku og álver og
fullyrðingar framsóknarmanns um
að hún sé „að bregða fæti fyrir verk-
efni, sem tiltekið er í Stöðugleika-
sáttmálanum“ breyta þar engu um.
En að Hjör leifur Kvaran, forstjóri
orkufyrirtækis í almannaeigu, ráð-
inn af kjörnum fulltrúum skuli taka
þátt í þeirri vegferð er vægast sagt
vafasamt.
Höfundur er borgarfulltrúi
Vinstrihreyfingarinnar - græns
framboðs.
Embættis-
maður í
pólitík
ÞORLEIFUR
GUNNLAUGSSON