Fréttablaðið - 15.10.2009, Side 62

46 15. október 2009 FIMMTUDAGUR
bio@frettabladid.is
Pedro Almódovar hefur gnæft yfir
spænska kvikmyndagerð undan-
farna tvo áratugi. Og nýjasta mynd
hans, Broken Embraces, er í ætt við
önnur verk leikstjórans þar sem heit-
ar ástríður og svik koma töluvert
við sögu. Ein af eftirlætisleikkon-
um Almódovars, Penelope Cruz, er í
aðalhlutverki en myndin er ein af tíu
kvikmyndum sem tilnefndar eru til
áhorfendaverðlauna evrópsku kvik-
myndaakademíunnar. Hún segir frá
hinum blinda leikstjóra Mateo sem
rifjar upp hvernig hann missti sjón-
ina fyrir nokkrum árum. Þá var
hann ráðinn til að leikstýra kvik-
mynd fyrir aldraðan milljarðamær-
ing en í aðalhlutverki var hjákona
hans. Leikstjórinn fellur fyrir hjákon-
unni og milljarðamæringurinn ræður
son sinn til að njósna um skötuhjúin.
Myndin verður frumsýnd um helgina.
Önnur mynd sem verður einnig
tekin til sýninga hér á landi er Gamer,
framtíðartryllir, en söguþráðurinn
minnir nokkuð á hina frægu Running
Man þar sem ríkisstjóri Kaliforníu,
Arnold Schwarzenegger, lék aðalhlut-
verkið. Gerard Butler leikur mann
sem er fastur í ofbeldisfullum tölvu-
leik og reynir að brjótast út úr honum
enda á hann lífið að leysa. Leikstjórar
myndarinnar eru þeir Mark Neveldine
og Brian Taylor, hinir sömu og gerðu
Crank-myndirnar tvær með Jason
Statham í aðalhlutverki. - fgg
Spænski risinn og framtíðartryllir
SPÆNSK SNILLD Penelope Cruz fer með
aðalhlutverkið í nýrri mynd Pedros Almódovar,
Broken Embraces.
Stóra fréttin í Hollywood um þessar mundir er sú
að leikarinn Chris Pine sé í viðræðum við Para-
mount-kvikmyndaverið um að taka að sér hlutverk
Jacks Ryan í næstu kvikmynd um þennan banda-
ríska njósnara sem Tom Clancy á heiðurinn að. Pine
er kannski ekki heimsþekkt nafn en stjarna hans
reis nokkuð með nýjustu Star Trek-mynd-
inni þar sem Pine fór með hlutverk
hins goðsagnakennda kafteins, James
T. Kirk.
Þessar fréttir koma engu að síður
nokkuð á óvart enda hafa þunga-
vigtarleikarar á borð við Harri-
son Ford, Alec Baldwin og Ben
Affleck leikið þennan leyniþjón-
ustumann. Kvikmyndaspekúl-
antar telja að með þessu útspili
vilji Paramount-kvikmyndaverið
hleypa nýju blóði í þennan leyni-
þjónustumann sem oftar en ekki
hefur verið kallaður svar Banda-
ríkjanna við James Bond.
Fréttin er hins vegar enn
merkilegri í ljósi þess að ekki er
einu sinni búið að velja bók eftir
Clancy til að kvikmynda eftir.
En nokkrar eru á lausu. Ein virð-
ist þó meira spennandi en aðrar,
Rauða kanínan þar sem Ryan
kemst á snoðir um að Sovétmenn
ætli sér að myrða sjálfan páfann.
Ekki hefur verið ákveðið hvenær
verður ráðist í næstu kvikmynd en
aðdáendur Ryans og Clancy ættu að
geta tekið gleði sína á ný. - fgg
Pine leikur Ryan
Sam Raimi er í óða önn að und-
irbúa fjórðu myndina um Köngu-
lóarmanninn Peter Parker. En
leikstjórinn hefur fleiri járn í eld-
inum því hann hyggst gera kvik-
mynd eftir hinum ofurvinsæla
tölvuleik, Warcraft, sem tölvu-
nördar hafa stundað af miklum
móð.
Raimi hefur fengist við ýmsar
tegundir kvikmynda í gegnum
árin en aldrei áður gert kvikmynd
eftir tölvuleik. Í samtali við MTV-
sjónvarpsstöðina sagðist Raimi
ætla að vanda vel til handrits-
ins og hefði því ákveðið að ráða
Robert Rodat til verksins. Rodat
þessi þykir nokkuð flinkur í sínu
fagi en hann á heiðurinn að hand-
ritum mynda á borð við Saving
Private Ryan og The Patriot.
Raimi kvikmyndar Warcraft
KVIKMYNDAR WARCRAFT Leikstjórinn Sam Raimi undirbýr fjórðu myndina um
Köngulóarmanninn en ætlar líka að kvikmynda tölvuleikinn Warcraft.
NORDICPHOTOS/GETTY
> AUGLÝSIR FYRIR ARMANI
Megabeibið Megan Fox hefur
samþykkt að auglýsa fyrir Emp-
orio Armani-undirfatalínuna á
næsta ári. Tekur hún við keflinu
af Victoriu Beckham sem nýtt
andlit línunnar. Fótboltakappinn
Cristiano Ronaldo tekur sömu-
leiðis við af David Beckham sem
nýi Armani-maðurinn.
HEITUR Chris Pine er orðaður við hlutverk njósn-
arans Jacks Ryan. NORDICPHOTOS/GETTY
Íslenska kvikmyndin Jó-
hannes verður frumsýnd
í dag en þetta er fyrsta
kvikmynd leikstjórans,
Þorsteins Gunnars Jónsson-
ar. Kvikmyndin fékk enga
styrki úr kvikmyndasjóði
Kvikmyndamiðstöðvar en
náði engu að síður á leiðar-
enda.
„Ég hef upplifað ýmislegt, en get
ekki sagt að það hafi verið í lík-
ingu við þennan dag í lífi Jóhann-
esar. Mér hefur ekki verið hent út
úr íbúð nöktum, eltur af ofbeld-
ismanni og fíkniefnalögreglunni
um leið, og lent í rassíu frá sér-
sveitinni svo eitthvað sé nefnt. Að
minnsta kosti ekki á sama degin-
um,“ segir Þorsteinn leikstjóri
þegar hann er spurður að því
hvort hann hafi einhvern tímann
upplifað dag í sínu lífi þar sem
allt fer úrskeiðis. Eins og gerist
hjá Jóhannesi í samnefndri kvik-
mynd. Hún er um margt söguleg,
þó fyrst og fremst vegna þess að
hún er fyrsta kvikmynd Ladda
þar sem hann er í aðalhlutverki.
Allir lögðust á eitt
Þorsteinn er að upplagi Árbæing-
ur. Hann ákvað snemma að ger-
ast kvikmyndagerðarmaður,
nam fræðin við Kvikmyndaskóla
Íslands og hélt síðan út til London
og stúderaði leiklist við Central
School of Speech and Drama í
London. Þar las hann bók Helga
Ingólfssonar, Andsælis á auðnu-
hjólinu, og fékk strax þá hugmynd
að færa hana yfir á hvíta tjaldið.
Hann lagðist strax í handritagerð
þegar náminu í London var lokið,
svo var bara komið heim og þá
átti að gera bíómynd.
En rétt eins og margir ungir
íslenskir kvikmyndagerðarmenn
eru veggirnir margir og sumir
virðast nánast ókleifir. Jóhann-
es er ein fárra mynda sem gerð
er án styrkja úr kvikmyndasjóði
Kvikmyndamiðstöðvar Íslands.
Þorsteinn segist ekki hafa neina
eina skýringu á því af hverju
myndin fékk engan styrk. „Ég
skal ekki segja af hverju þessi
mynd fékk ekki styrk. En það er
að sjálfsögðu ekki hægt að ætl-
ast til þess að fá kvikmynda-
styrk þegar maður er nýkominn
heim úr námi. En við ákváðum
að kýla bara á þetta. Heimska?
Jú, kannski er þetta blanda af
heimsku og dirfsku. En það var
mikið af góðu fólki sem vann í
þessu verkefni og gerði þetta
mögulegt, það lögðust allir á eitt
og það er kannski ekkert síðra en
að hafa styrki.“
Mikill heiður
Óhætt er að fullyrða að Þorsteinn
hafi fengið fljúgandi start á kvik-
myndaferlinum. Auk Ladda leika
Stefán Karl Stefánsson, Her-
dís Þorvaldsdóttir og fleiri þjóð-
þekktir Íslendingar aðalhlut-
verkin í myndinni. Að ógleymdri
sjálfri alheimsfegurðardrottning-
unni, Unni Birnu. „Það kom rosa-
lega skemmtilega á óvart að þetta
fólk vildi allt taka þátt. Og frábær
heiður fyrir mig sem byrjanda að
vinna með þessum leikurum.“
Þorsteinn bætir því við að hann
hafi hins vegar fyrst talað við
Ladda, þeir hafi náð vel saman og
eftir það byrjaði boltinn að rúlla.
Og leikstjórinn á varla orð til að
lýsa þessum vinsælasta gaman-
leikara þjóðarinnar. „Ég held að
það sé ekki hægt að finna meira
„professional“ mann og þægi-
legri til að vinna með, sem hent-
aði mjög vel þar sem þetta er mín
fyrsta mynd. Hvað leikarahæfi-
leika hans varðar get ég sagt frá
því að í einni senunni sem var
tekin upp síðast, datt mér í hug
rétt fyrir töku að hann myndi
gráta í atriðinu. Ég laumaði því
að honum að ef það væri mögu-
leiki þá væri það frábært. Ég kall-
aði „gjörðu svo vel“ og hann grét
í atriðinu. Fólkið á settinu varð
eiginlega bara slegið. Ég held að
það sé ekki algengt að karlleikar-
ar geti bara grátið svona á „q-i“,
einn tveir og þrír.“
Vantar léttmeti
Þorsteinn kveðst líta þannig á að
mikil þörf sé fyrir svona „létt-
ari“ myndir um þessar mundir og
bendir meðal annars á glimrandi
aðsókn á Algjöran svepp og Leit-
ina að Villa en síðast þegar fréttist
höfðu yfir tuttugu þúsund manns
séð myndina. „Ég held reyndar að
vegna ástandsins í þjóðfélaginu
hafi þetta verkefni náð að verða
að veruleika. Allir virtust vera til-
búnir að vera með og taka þátt í
einhverju skemmtilegu, þótt það
væri kannski á öðruvísi forsend-
um heldur en gengur og gerist.“
freyrgigja@frettabladid.is
Blanda af heimsku og dirfsku
STOLTUR LEIKSTJÓRI Fyrsta kvikmynd Þorsteins Gunnars verður frumsýnd í dag.
FRÉTTABLAÐIÐ/STEFÁN
Föstudagur – fylgstu með!
- Allt um tísku, förðun og fegurð.
Hönnuðurinn Eygló Margrét Lárusdóttir
klæðir Tinnu Bergs.