Fréttablaðið - 07.11.2009, Side 72

44 7. nóvember 2009 LAUGARDAGUR
ÞEIR ERU ÓBORGANLEGIR!
Bakkabræður eru með þekktustu þjóðsagnapersónum Íslendinga.
Sögur af heimskupörum þeirra hafa gengið mann fram af manni
og skemmt börnum á öllum aldri. Öllum börnum er nauðynlegt
að kynnast þessum óborganlegu bræðrum sem svo rækilega
hafa greypt sig inn í þjóðarvitund Íslendinga.
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
Hvaða bók er á náttborðinu?
Himnaríki og helvíti eftir Jón
Kalman Stefánsson. Ég táraðist
yfir henni í gær.
Draumadagurinn í stuttu máli?
Nógur svefn, góður matur og
ferðalög til framandi slóða – helst
með tímavél.
Uppáhaldsstaðurinn á jörð-
inni? Æskustöðvarnar og ættar-
óðalið Dagverðareyri við Eyja-
fjörð.
Hvenær varstu hamingjusöm-
ust? Ég mótmæli því að þessi
spurning sé í þátíð og trúi því að
það allra besta sé enn ókomið.
Hvers konar tónlist hefur mest
áhrif á þig? Mér finnst voðalega
notalegt að hlusta á djass og
gömul dægurlög. Ellý Vilhjálms
lætur mér líða vel og ég kemst í
jólaskap í hvert sinn sem ég heyri
í Hauki Morthens.
Hvert er versta starf sem þú
hefur nokkurn tímann gegnt? Öll
störf hafa sína kosti og galla en
líklega hefur mér aldrei fundist
ég jafn leiðinleg og þegar ég var
flokkstjóri í unglingavinnunni
á Akureyri eitt sumar, öskrandi
„haldið áfram að vinna“ á ein-
hver krakkagrey í moldarbing í
rigningu.
Hvað heldur fyrir þér vöku?
Hugsanir sem oftast geta vel
beðið til morguns.
Hvenær fékkstu síðast hláturs-
kast? Þegar ég þurfti að borga 45
krónur danskar fyrir pylsu og kók
í Kaupmannahöfn fyrr í vikunni.
Þetta var svona „á ég kannski
frekar að fara að gráta“-hlátur-
skast.
Ertu með einhverja kæki? Ég á
það til að þefa af hlutum. Bókum,
vörum í verslunum og þess háttar.
Tel mig hafa einstaklega gott þef-
skyn en þetta getur verið vand-
ræðalegt.
Hvað ætlaðir þú að verða þegar
þú yrðir stór? Ég hef alltaf átt í
mesta basli með að svara þessari
spurningu. Sagði stundum lista-
maður, stundum rithöfundur,
stundum leikari, stundum bóndi,
stundum blaðamaður, stundum
grafískur hönnuður og stundum
eitthvað allt annað. Viðraði þetta
vandamál á dögunum við rúmlega
níræða ömmu mína sem fannst
þetta ekki flókin spurning. Hún
sagði að maður yrði aldrei neitt
annað en maður sjálfur og ég
þyrfti bara að finna mér eitthvað
sem ég gæti hugsað mér að starfa
við. Það verður varla vandamál.
Hvernig hljómar síðasta SMS
í símanum þínum? „Já endilega
kíkiði :)“
Þú finnur töfralampann og
getur fengið þrjár óskir uppfyllt-
ar. Hverjar? Að geta flogið. Að
lánin mín breyttust í stóra inni-
stæðu í bankanum og svo myndi
ég óska eftir friði á jörð svona til
að vera ekki allt of eigingjörn.
Ef þú gætir breytt einhverju
í fortíð þinni, hvað myndi það
vera? Að hafa ekki notað góðærið
til þess að ferðast um heiminn í
stað þess að fjárfesta í steypu og
bílaláni.
Áttu þér einhverja leynda nautn
sem þú vilt deila með okkur? Nei.
þá yrði hún ekki leynd lengur.
Uppáhaldsorðið þitt? Skrímsli.
Hvaða þrjá staði gætir þú heim-
sótt, aftur og aftur? Kaupmanna-
höfn, kirkjugarðinn við Suðurgötu
í Reykjavík og verslunina Frúna í
Hamborg á Akureyri.
Hver er leiðin út úr kreppunni?
Að læra af mistökunum.
Hvað gerist að loknu þessu jarð-
lífi? Örugglega eitthvað rosalega
spennandi. Annars væri það ekki
svona mikið leyndarmál.
Tárast yfir Himnaríki og helvíti
ÞR
IÐ
JA
G
R
Á
Ð
A
N
FULLT NAFN: Þórgunnur Oddsdóttir
GÆLUNAFN: Tóta
STJÖRNUMERKI: Hrútur
FÆÐINGARÁR OG HVAÐ GERÐIST MERKILEGT ÞAÐ ÁR? 1981.
Díana og Karl Bretaprins gengu í hjónaband og tvö núll voru
tekin af íslensku krónunni.
Þegar Þórgunnur
Oddsdóttir var lítil
dreymdi hana meðal
annars um að verða
listamaður og rithöf-
undur. Draumurinn er
nú orðinn að veruleika,
en nýverið kom út eftir
hana barnabókin Kári
litli og klósettskrímslið.
Hólmfríður Helga Sig-
urðardóttir fékk Þór-
gunni í þriðju gráðu
yfirheyrslu.
ÞÓRGUNNUR ODDSDÓTTIR, BARNABÓKAHÖFUNDUR
OG MYNDLISTARNEMI Hún hlustar mest á djass og
gömul dægurlög og kemst í jólaskap í hvert sinn sem
Haukur Morthens er settur á fóninn.
Auglýsingasími
– Mest lesið
FR
ÉT
TA
B
LA
Ð
IÐ
/V
IL
H
EL
M