Fréttablaðið - 12.11.2009, Blaðsíða 54

38 12. nóvember 2009 FIMMTUDAGUR
menning@frettabladid.is
ath kl. 20.30.
Tveir spaugsamir píanist-
ar hittast í Salnum í kvöld
þar sem Jón Ólafsson
rekur garnirnar úr Magn-
úsi Kjartanssyni um feril
hans og tónsmíðar.
Uppnám er í bókabransanum
eftir að JPV forlag gaf út sérstakt
litprentað hefti sem kallað var
Bókatíðindi. Þótti mörgum smærri
bókaútgefendum að sér vegið.
Ekki hefur tekist að ná samstöðu
um fyrirkomulag sölulista með
aðkomu allra hagsmunaaðila en
þó kom það öllum á ávart að JPV,
sem stærst er á íslenskum bóka-
markaði, skyldi birta, meðal ann-
ars hér í blaðinu, sölulista sem
tók einungis til útgáfurita JPV.
Keðjan Eymundsson, sem
er stærsta net bókaverslana í
landinu, sendir vikulega frá sér
sölulista og í gær birtust tölur
liðinnar viku: þar trónir Arnaldur
Indriðason efstur með sín Svörtu-
loft, Kristín Marja Baldursdóttir er
í öðru sæti með nýja skáldsögu,
Karlsvagninn, en Jón Kalman í því
þriðja. Bakarinn vinsæli Jói Fel og
Óskar Guðmundsson sitja í fjórða
og fimmta sæti og er sjónarmun-
ur á þeim; bakarinn hefur selt
einu eintaki meira þessa viku
en sagnfræðingurinn en Jói er
höfundur brauða- og kökubókar
Hagkaupa sem nýkomin er á
markað.
Athygli vekur að skáldverkalist-
inn í kiljum er setinn af norræn-
um höfundum í efstu sætunum:
Ástandsbarn Camillu Läckberg
er þar söluhæst, en síðan koma
í þremur sætum bækur Önnu B.
Ragde og loks rekur Stieg Larsson
lestina. Norðmaður og tveir
Svíar vinsælastir á kiljulistanum
íslenska - hver hefði trúað því
fyrir fáum árum?
Norræn skáldverk söluhæst
BÓKSALA Anna B. Ragde er
fyrirferðarmikil á kiljulista
Eymundsson frá síðustu viku.
> Ekki missa af...
Sýningum fer að ljúka á
Sannleika Péturs Jóhanns
og Sigurjóns Kjartanssonar í
Borgarleikhúsinu og Friedu
Brynhildar Guðjónsdóttur í
Þjóðleikhúsinu.
Í dag kl. 18 verður opnuð
Sögusýning − Íslensk gra-
fík í 40 − í sal Íslenskrar
grafíkur í Tryggvagötu 17,
Hafnarhúsinu gamla við
Miðbakka, en gengið er
hafnarmegin inn í húsið.
Sýningunni er ætlað að
varpa ljósi á sögu grafík-
listar á Íslandi í máli og
myndum.
Þetta er önnur sýningin sem Íslensk
grafík setur upp þessi dægrin en 7.
nóvember var opnuð sýning í Nor-
ræna húsinu þar sem 40 íslenskir
myndlistarmenn komu saman með
ný verk í tilefni af afmæli félagsins
og voru öll unnin út frá hugtakinu
þrykk. Þar mátti sjá hefðbundna
grafík á pappír en einnig fram-
sækna nútímavædda þrykktækni
með nýjum útfærslum og framsetn-
ingu. Megintilgangur sýningarinn-
ar er að gefa mynd af því sem er í
deiglunni í íslenskri grafík í dag.
Sýningarstjóri er Aðalsteinn Ing-
ólfsson sem einnig ritar í sýningar-
skrá sem kom út af þessu tilefni.
Í sal félagsins, sem er í húsnæði
með verkstæði sem félagsmenn
hafa aðgang að, eru einkum verk
frá fyrri árum.
Félagið Íslensk grafík (einnig
kallað Grafíkfélagið) var stofn-
að í núverandi mynd árið 1969 en
var upprunalega stofnað árið 1954.
Meginliðurinn í starfsemi félags-
ins hefur lengst af verið sýningar-
hald af ýmsu tagi, einkum sýning-
ar á verkum félagsmanna innan
lands og utan og útgáfa kynningar-
rita um íslenska grafíklistamenn
og verk þeirra. Það hefur líka
gefið út möppur með verkum
félagsmanna og þannig stuðlað
að aukinni dreifingu grafíklistar.
Félagið hefur sömuleiðis staðið að
kynningu á erlendri grafík hér-
lendis. Í félaginu eru í dag yfir 70
listamenn. Þeir einir eru meðlim-
ir sem lokið hafa minnst fjögurra
ára námi frá viðurkenndum lista-
skóla og hafa starfað að listsköpun
í minnst tvö ár.
Eldra félagið stofnuðu nokkrir
myndlistarmenn í þeim tilgangi
að vinna að kynningu og eflingu
grafíklistar hérlendis. Þetta voru
Hafsteinn Guðmundsson, Jóhann-
es Jóhannesson, Jón Engilberts,
Jón Þorleifsson, Kjartan Guð-
jónsson, Benedikt Gunnarsson
og Veturliði Gunnarsson. Starf-
semi félagsins lagðist fljótlega
niður enda félagsmenn fáir og lítil
aðstaða til að vinna listgrafík hér
á landi á þeim tíma.
Árið 1969 var núverandi félag
stofnað undir sama nafni. Aðal-
hvatamaður þess og fyrsti formað-
ur var Einar Hákonarson. Ekki eru
bein tengsl milli félaganna tveggja
önnur en þau að nokkrir af með-
limum hins fyrra gengu í hið síð-
ara við stofnun þess. Einnig var
tekið upp merki gamla félags-
ins sem Jón Engilberts teiknaði á
sínum tíma.
Sýningin stendur í Hafnarhúsi
til janúarloka og er sérstaklega
gerð með því markmiði að miðla
þekkingu um grafík til skóla og
annara hópa sem hafa áhuga á
slíkri fræðslu. Sýningin er opin
fimmtudaga til sunnudaga kl.
14.00-18.00. Sýningin í Norræna
húsinu varir til 5. desember.
pbb@frettabladid.is
Tvær grafíksýningar
MYNDLIST Þrykk eftir Kjartan Guðjónsson á sögusýningu Íslenskrar grafíkur í Hafnar-
húsinu. MYND ÍSLENSK GRAFÍK
Á laugardag boða Leikminjasafn Íslands og Listahá-
skóli Íslands til málstofu um íslenska leiklistarfræði.
Málstofan, sem er haldin í samvinnu við Þjóðminja-
safn Íslands og Hugvísindasvið Háskóla Íslands,
verður í fundarsal Þjóðminjasafnsins við Suðurgötu
og hefst kl. 14. Þar munu eftirtaldir fræðimenn flytja
stutt erindi:
Ólafur J. Engilbertsson, sagnfræðingur og leik-
myndahöfundur: „Rétt landslag eða róttæk list?“
– sögunni miðlað á sviðinu.
Ingibjörg Björnsdóttir listdanskennari: „Aus-
druckstanz“ á íslensku leiksviði – Um dansarann
Ellen Kid.
Magnús Þór Þorbergsson, lektor við leiklistar-
deild Listaháskóla Íslands: „Hvað eigum við að kalla
instructör?“ Nokkrar hugleiðingar um stöðu leik-
stjórans í íslensku leikhúsi á 3. áratug síðustu aldar.
Jón Viðar Jónsson, forstöðumaður Leikminjasafns
Íslands: Að dæma eða ekki að dæma. Hugleiðingar
um tilvistarvanda íslenskrar leiklistargagnrýni á
fyrri hluta síðustu aldar.
Trausti Ólafsson leiklistarfræðingur: Nýjársnótt-
in: Gleðileikur Indriða Einarssonar og íslenskir sam-
tímaviðburðir.
Björn G. Björnsson, leikmyndahöfundur: Hvernig
geymist leiklist?
Umræðum stýrir Dagný Kristjánsdóttir, prófess-
or við HÍ.
Hér á landi er starfandi stór hópur fólks sem hefur
menntast í leiklistarfræðum, þótt fáir leggi stund á
skipulegar rannsóknir. Flestir þeirra fræðimanna
sem taka þátt í málstofunni eru á kafi í rannsóknum.
Af þeim er Jón Viðar Jónsson afkastamestur, en Ingi-
björg Björnsdóttir hefur undanfarin misseri unnið
ritun íslenskrar danssögu sem Árni Ibsen hafði lagt
drög að er hann veiktist og varð að láta af því verki.
Verður fróðlegt að heyra greinargerð hennar um
stuttan feril Ellen Kid sem var fyrri kona Jóhanns
Briem og menntaður dansari en lést langt fyrir aldur
fram. Magnús Þorbergsson vinnur nú að doktorsrit-
gerð um leikstjóra hér á landi á þriðja áratugnum
en hún hófst með ætlun um að kanna feril Indriða
Waage. - pbb
Leiklistarsaga á þingi
INGIBJÖRG BJÖRNSDÓTTIR listdanskennari vinnur við rann-
sóknir á íslenskri danssögu og heldur erindi um Ellen Kid á
þingi um leiklistarsögu á laugardag. FRÉTTABLAÐIÐ/GVA
20 ár frá því Múrinn féll
Þýski sendiherrann býður öllum áhugasömum þýskra bókmennta og
atburðarins 9. nóvember 1989 að koma þann 12. nóvember 2009
kl. 19.00 í Túngötu 18, 101 Reykjavík, á rithöfundalestur þriggja þýskra
rithöfunda. Renatus Deckert, Annett Gröschner og Thomas Rosenlöcher
munu lesa úr bókinni “In der Nacht als die Mauer fi el” (Um nóttina
þegar múrinn féll) og síðan svara spurningum viðstaddra.
Aðgangur ókeypis.
20 Jahre Mauerfall
Der deutsche Botschafter lädt alle an deutscher Literatur und den
Ereignissen des 9.November 1989 Interessierten am 12. Novem-
ber 2009 um 19.00 Uhr in die Tungata 18, 101 Reykjavik, zu einer
Dichterlesung dreier deutscher Autoren ein. Renatus Deckert, Annett
Gröschner und Thomas Rosenlöcher werden aus dem Buch „In
der Nacht als die Mauer fi el“ lesen und sich dann den Fragen der
Teilnehmer stellen.
Eintritt frei.
Samtök um sorg og sorgarviðbrögð
nydogun@nydogun.is
Makamissir
SÉRA Bragi Skúlason sjúkrahússprestur fl ytur fyrirlestur um makamissi í kvöld
12. nóvember kl. 20 í safnaðarheimili Háteigskirkju á vegum Nýrrar dögunar.
Fyrirspurnir, umræður, kaffi . Allir velkomnir.
Hringdu í síma
ef blaðið berst ekki