Fréttablaðið - 12.11.2009, Blaðsíða 78

62 12. nóvember 2009 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. eyja, 6. öfug röð, 8. siða, 9. ætt, 11.
tveir eins, 12. gervitennur, 14. hopp,
16. í röð, 17. stúlka, 18. bergmála, 20.
tveir eins, 21. í miðju.
LÓÐRÉTT
1. að lokum, 3. guð, 4. sæegg, 5.
þvottur, 7. gagn, 10. veiðarfæri, 13.
hjör, 15. hreyfist ekki, 16. úrskurð, 19.
ólæti.
LAUSN
LÁRÉTT: 2. krít, 6. on, 8. aga, 9. kyn,
11. uu, 12. stell, 14. stökk, 16. de, 17.
mey, 18. óma, 20. rr, 21. mitt.
LÓÐRÉTT: 1. loks, 3. ra, 4. ígulker, 5.
tau, 7. nytsemi, 10. net, 13. löm, 15.
kyrr, 16. dóm, 19. at.
„Ég get oftast ekki borðað
á morgnana þannig að
morgunmaturinn samanstendur
af súperdós, kaffi og sígarettu.“
Heimir Héðinsson, plötusnúður og
nemandi í grafískri hönnun.
„Margir af viðskiptavinum okkar
halda lömbum sem gæludýrum
enda eru þau ljúf og góð,“ segir
bóndinn Brianna Schneider.
Brianna og Doug, eiginmað-
ur hennar, rækta íslenskt sauðfé
á bænum Bridosha í Michigan í
Bandaríkjunum. Hún segir ullina
og kjötið njóta vaxandi vinsælda,
en lítur sjálf á rollurnar sem gælu-
dýr á vissan hátt. „Við erum alltaf
með litlar eða meðalstórar hjarðir.
Jafnvel þótt rollurnar sem henta
ekki til undaneldis fari til slátr-
arans, þá gefum við þeim öllum
nöfn ásamt mikilli athygli og alúð,“
segir Brianna.
Ari og Gunnar eru á meðal
íslenskra nafna sem rollurnar fá
hjá Doug og Briönnu. Þá eru sumar
nefndar eftir tískuhönnuðum eins
og Dior, Coco og Chanel, en ástæð-
an fyrir því, að sögn Briönnu, er sú
að ullin er hátískuvara. „Þær eiga
skilið viðeigandi nöfn!“ segir hún
og bætir við að ullin sé sérstaklega
mjúk og njóti því vaxandi vinsælda
hjá þeim sem vinna meðal annars
úr henni klæðnað.
Brianna segir nokkur bóndabýli
í Bandaríkjunum rækta íslenskt
sauðfé sem nýtist á ýmsan hátt.
„Ég held að vinsældirnar séu að
aukast vegna fjölbreytileika ull-
arinnar,“ segir hún. „Svo vill fólk
eins og ég og eiginmað-
ur minn kyn sem þarf
ekki mikið að sjá um.
Það er mjög auðvelt
að eiga við íslensku
sauðkindina og hún er fal-
legt skraut á beitiland-
inu. Svo er kjötið stór-
kostlegt, með mildara
bragði en önnur
kyn.“
Kynið sem Bri-
a nna og Doug
rækta er frá Yeom-
an-býlinu í Kanada,
en þar ræktar Stef-
anía Dingum íslenskt
sauðfé. Allt íslenskt
sauðfé sem ræktað er
í Bandaríkj-
unum kemur
þaðan, en Bri-
anna veit ekki
frá hvaða bæ
á Íslandi sauð-
féð er upprunalega. Hún segir að
íslenska sauðféð sé sannkallaður
fjársjóður. „Okkur finnst blessun
að vera með lítinn hluta af Íslandi
hjá okkur,“ segir hún. „Við erum
að læra meira um Ísland, en það
byrjaði allt með þessum æðislegu
kindum. Ég hef mikinn áhuga á að
fara til Íslands einn daginn.“
atlifannar@frettabladid.is
BRIANNA SCHNEIDER: ÍSLENSKA ROLLAN ER FJÁRSJÓÐUR
Rækta íslenskar rollur sem
gæludýr í Bandaríkjunum
RÆKTA ÍSLENSKT SAUÐFÉ Doug og Brianna eru reyndar ekki með íslenskar kindur
á þessari mynd, þó að þau líti á þær sem gæludýr.
ÍSLENSKAR
KINDUR Virkilega
fallegar skepnur.
„Það að nota tyggjó til að „tyggja
burt lystina“ er þekkt aðferð meðal
þeirra sem þjást af átröskun og
þess vegna finnst mér þessi aug-
lýsing ekki alveg við hæfi,“ segir
Alma Geirdal, baráttukona gegn
átröskunum.
Auglýsing fyrir Extra-tyggi-
gúmmíið ber slagorðið „tyggðu
burt lystina“ og hefur þessi fyrir-
sögn farið nokkuð fyrir brjóstið
á almenningi þar sem hún þykir
hvetja til óheilbrigðra megrunar-
aðferða. Alma segir svona auglýs-
ingar vera til vitnis um hversu lítið
fólk veit um átröskun.
Alma bendir á að fyrir jól sé
mikið um auglýsingar sem aug-
lýsi megrunarvörur svo fólk passi
í jólafötin og geta þær virkað mjög
hvetjandi á átröskunarsjúklinga.
„Ég held að fólk átti sig oft ekki á
tengingunni þarna á milli og þess-
ar auglýsingar hitta á auman blett
hjá fólki sem þjáist af átröskun.
Munurinn á átröskunarsjúklingum
og öðrum fíklum er að við verðum
að lifa með okkar fíkn. Við getum
ekki lagt matinn á hilluna heldur
neyðumst við til að borða og ná ein-
hverjum tökum á fíkninni.“
Páll Hilmarsson, framkvæmda-
stjóri markaðssviðs Innness, sem
flytur inn Extra-tyggigúmmíið,
segir inntak auglýsingarinnar hafa
átt að beina sjónum fólks að tann-
heilsu. „Við biðjumst innilegrar
afsökunar á þessu, meiningin var
auðvitað ekki að særa neinn. Aug-
lýsingin átti að koma í veg fyrir
nart á milli mála og stuðla þannig
að aukinni tannheilsu.“ - sm
Beðist afsökunar á auglýsingu
Skólína hjónanna Hugrúnar Árna-
dóttur og Magna Þorsteinssonar,
Kron, hefur heldur betur slegið í
gegn frá því fyrsta pörin komu í
verslanir fyrir ári. Nú fást skórn-
ir í verslunum í löndum á borð við
Kína, Japan og Taívan auk fjölda
verslana í Evrópu.
„Þetta hefur gengið alveg
ótrúlega vel hjá okkur
miðað við hvað við höfum
verið að í stuttan tíma. Þetta
hefur gengið hratt fyrir sig
og nú, ári seinna, er línan
komin í nokkra tugi versl-
ana bæði í Asíu og
Evrópu þannig
að maður getur
ekki verið annað
en ánægður,“ segir
Hugrún um vinsældir skólínunn-
ar. Hjónin sitja þessa dagana við
teikniborðið og hanna haustlínu
næsta árs. Hugrún segir vinn-
una ganga vel og að hugmyndirn-
ar mokist út úr
þeim. Hjónin
senda frá sér
tvær skólínur
árlega, eina
fyrir haust-
ið og aðra
fyrir sum-
arið. „Þessa
dagana sitj-
um við sveitt heima og teiknum
og teiknum. Þegar maður byrj-
ar á svona verkefni þýðir ekkert
að hætta, maður verður að standa
sína plikt og skila af sér bæði
haust- og sumarlínu árlega. Sem
betur fer vinnum við hjónin vel
saman þannig að hugmyndirnar
mokast út úr okkur,“ segir Hug-
rún og hlær.
Aðspurð segir hún það vera
skemmtilega upplifun að rek-
ast á fólk á götum úti sem klætt
er í skó úr Kron-línunni. „Það er
alltaf gaman að sjá fólk klæðast
hönnun manns og maður verður
svolítið stoltur. Það þýðir líka að
maður sé að gera eitthvað rétt og
það er mikil hvatning,“ segir hún
að lokum. - sm
Kron í Kína, Japan og Taívan
VINSÆLIR HÖNNUÐIR Hjónin Hugrún
og Magni hanna saman skólínu undir
nafninu Kron. Skórnir eru nú til sölu
víða í Asíu og Evrópu.
FRÉTTABLAÐIÐ/VÖLUNDUR
LISTAVERK Skórnir
frá Kron líkjast
helst listaverki.
MYND/SAGA SIG
FALINN SJÚKDÓMUR Alma Geirdal segir
fólk ekki vita mikið um átröskun.
FRÉTTABLAÐIÐ/ANTON
VEISTU SVARIÐ
Svör við spurningum á síðu 8
1 Ólafur Þór Gunnarsson er
varamaður Guðfríðar Lilju.
2 Boltinn hrökk af tá
Kristjáns Sigurðssonar.
3 42 hafa verið ráðnir
án auglýsinga.
Jón Gnarr lætur sér
ekki leiðast þótt hann
sé hættur að vinna á
auglýsingastofu. Hann
undirbýr nú stofnun
stjórnmálaflokksins Besti
flokkurinn og hefur
birt stefnuskrána. Í
henni segir meðal
annars að flokkurinn ætli að hjálpa
heimilunum í landinu, bæta kjör
þeirra sem minna mega sín, stöðva
spillingu, auka gegnsæi og láta
þá svara til saka sem bera ábyrgð
á hruninu. Þá berst flokkurinn
fyrir að hafa ókeypis í strætó fyrir
námsmenn og aumingja, ókeypis
tannlæknaþjónustu fyrir börn og
aumingja og ókeypis í sund fyrir alla.
Hmm … Hljómar kunnuglega.
Hljómplötuútgáfan Borgin fer nú
mikinn og kemst næst Senu sem
afkastamesta útgáfa ársins. Hjaltalín-
platan Terminal og sólóplata Snorra
Helgasonar úr Sprengjuhöllinni eru
væntanlegar og til að fylgja
þeim eftir fara Hjaltalín
og Snorri á tónleikatúr
og spila á tíu stöðum frá
og með 18. nóvember.
Sigríður Thorlacius og
Heiðurspiltar verða
einnig með í för.
Þrátt fyrir útgáfu-
magnið gengur
illa að fá tónlistina
spilaða á Bylgjunni. Þar á bæ vilja
menn einhverra hluta vegna ekki
spila tónlist með Hjaltalín, Sigríði
og Snorra. Lög með Hjálmum, sem
Borgin gefur einnig út, eru hins
vegar spiluð í botn á Bylgjunni.
Blaðamaðurinn og ljósmyndarinn
Dagur Gunnarsson hefur síðan
um síðustu áramót elt Ármann
Guðmundsson og félaga í Ljótu
hálfvitunum um allar trissur með
upptökuvélina sína og er ætlun-
in að gera heimildarmynd um
þessa galgopa frá Húsavík. Filmað
hefur verið á æfingum, á tónleik-
um, í hljóðveri, á skrautlegum
tónleikaferðum þar sem bandið
lenti í hinum ýmsu ævintýrum og
táfýlu og í hinum ýmsu
spurningakeppnum
sjónvarpsins. Dagur
klippir nú myndina
saman í frístundum en
ætlar að setja allt á fullt
eftir áramót og koma
helst með myndina í
vor. - drg
FRÉTTIR AF FÓLKI
Aðeins eitt verð
1.190, - kr/kg
Fiskikóngurinn • Sogavegi 3 • sími 587 7755
Ath! Sama hvað það er.
Allur ferskur fi skur, allir fi skréttir
....allur fi skur í fi skborði.
Tilboðið gildir alla vikuna.