Vikan - 26.05.1965, Blaðsíða 7

HVAT ES MEÐ DRAUGUM?
Herra ritstjóri!
í blaði yðar 11 tbl. ‘65 er löng
grein eftir Geir Vilhjálmsson sál-
fræðing um „draugagang“ eða
dularfull fyrirbrigði, og er svo að
sjá sem greinarhöfundur sé
a.m.k. ekki sannfærður um ó-
raunveruleik slíkra fyrirbæra, og
telji einstrengingslega afneitu’-
þeirra óskynsamlega. Segir hann
ýmis dæmi slíkra fyrirbæra, sem
góðar heimildir eru fyrir og á-
þekk eru hvert öðru. Styðja þær
frásagnir hver aðra og þá vitan-
lega einnig þann skilning, að fyr-
irbærin á bænum Saurum í fyrra-
vor hafi getað verið raunveruleg,
og satt það sem frá þeim var sagt.
Enda virðist mér greinarhöfund-
ur segja þær til stuðnings slík-
um skilningi. Samt verður hon-
um það á, að fara að bollaleggja
um það berum orðum í fjöllesnu
blaði, hvort um svik hafi verið
að ræða af hendi heimilisfólks-
ins, óefað þó meir af athyglis-
leysi en vilja á að leggja illt til
þessa fólks. Honum virðist að-
eins hafa sézt yfir það, að allar
þessar „tilgátur“ og dylgjur
gagnvart Saurafólkinu, voru úr
lausu lofti gripnar, og að í öllu
því sem fram kom um málið var
ekki eitt einasta atriði, sem gæti
gefið ástæðu til grunsemda gagn-
vart hlutaðeigendum. Eina ástæð-
an, sem þeir sem þannig töluðu,
gátu haft fyrir máli sínu, var sú
að fyrirbærin væru óhugsanleg,
gætu ekki gerzt. En hvar eru nú
forsvarsmenn þeirra sannfæring-
ar?
Osló 15. apríl.
Þorsteinn Guðjónsson.
NIÐUR MEÐ SÆLGÆTISÁTIÐ.
Kæra Vika'
Nú á dögum er mikið rætt um
sjúkdóma og mataræði og fólk
þykist yfirleitt vita hvaða matar-
tegundir eru hollar og hverjar
óhollar. Hitt er svo annað mál,
hvort fólk tekur nokkuð tillit til
hollustu eða óhollustu í sínum
daglegu venjum. Flestir vita að
sælgæti er óhollt börnum, a.m.k.
ef þau fá mikið af því. En hver
hugsar um það? Alls staðar sjást
börn með sælgpeti og sum börn
eyða 10—15 kr. daglega í sæl-
gæti auk þess sem þau borða
kökur heima hjá sér oft á dag.
Svo eru biðstofur tannlækna full-
ar af krökkum með svartar og
brenndar tennur. Kæra fullorðna
fólk, þetta er allt okkar að kenna.
Það erum við, sem eigum að hafa
vit fyrir krökkunum. En ekki
betra að gefa sér tíma til að lesa
sögu fyrir litlu greyin en að
senda þau út í búð með aura,
svo við getum haft frið? Er ekki
betra að eyða meiri tíma og
minni peningum í börnin? Og
kæru afar og ömmur, frændur og
frænkur, getið þið ekki líka reynt
að hugsa skynsamlega? Ef ykk-
ur langar til að gleðja börnin
með því að stinga einhverju upp
í þau, þá munið eftir að búðirn-
ar eru oftast fullar af ávöxtum.
í nágrannalöndum okkar er haf-
in barátta gegn sælgætisáti
barna. Við öpum svo margt eftir
útlendingum hvort sem er, get-
um við ekki tekið t.d. Dani og
Norðmenn til fyrirmyndar um
skynsamlegri lifnaðarhætti og
venjur? Við eigum heimsmet í
tannskemmdum, eigum við endi-
lega að reyna að halda því?
Svo þakka ég Vikunni allt gott
og bið henni blessunar.
Mamman.
AF HVERJU HRINGIR HANN?
Kæra Vika!
Ég er 16 ára gömul stúlka, og
var með strák í tvö ár áður en
við hættum svo að vera saman.
Nú er hann með annarri stelpu,
en hringir oft til mín — stund-
um allt að þrisvar í viku — og
vill hitta mig. Samt var það hann
sem sleit sambandi okkar. Mér
þykir mjög vænt um hann, en
vil ekki hitta hann, því ég ótt-
ast að það fari allt sömu leið.
En af hverju er hann alltaf að
hringja í mig?
Óhamingjusöm.
Það virðist sannarlega líka
vera erfitt fyrir hann að hætta
að hugsa um þig. Ég held að
þú ættir að segja honum eins
og satt er, að þú sért of hrifinn
af honum til að vilja hitta hann
aðeins einstöku sinnum, og að
skilyrði fyrir því að þið hittist
aftur sé að hann hætti alveg að
vera með hinni stúlkunni.
Kannske það sé í rauninni
slíkt skilyrði, sem hann vil fá.
Ef hann hæíttir ekki að vera
með henni, skaltu heldur ekki
hitta hann. Það er tilgangslaust,
og þú verður aldrei Iaus við hann
aftur.
VINSÆLAR UTANLANDSFERÐIR með íslenzkum fararstjórum.
Margra ára reynsla og ótvíræðar vinsældir tryggja farþegum okkar skemmti-
legt og snurðulaust ferðalag undir leiðsögn reyndra fararstjóra sem mörg
ár 1 röð hafa farið sömu ferðirnar, viðurkenndar og vinsælar af þeim
mörgu sem reynt hafa.
Við auglýsum sjaldan því hinir fjölmörgu ánægðu viðskiptavinir, komnir
heim úr SUNNUFERÐUM eru okkar bezta auglýsing.
Nú þegar hafa margir pantað far í þessar helztu hópferðir sumarsins.
LONDON - AMSTERDAM - KAUPMANNAHÖFN, 4. júlí og 17. septem-
ber. 12 dagar kr. 11.800,00.
Stutt og ódýr ferð, sem gefur fólki tækifæri til að kynnast þremur vinsæl-
um stórborgum Evrópu, sem þó eru allar mjög ólíkar. Milljónaborgin Lond-
on tilkomumikil og sögufræg höfuðborg heimsveldis með sínar frægu
skemmtanir og tfzkuhús. Amsterdam heillandi og fögur með fljót sín og
skurða, blómum skrýdd og létt í skapi. Og „Borgin við Sundið“, Kaup-
mannahöfn þar sem Islendingar una sér bezt á erlendri grund. Borg 1 sumar
búningi með Tívoli og fleiri skemmtistaði. Hægt að framlengja dvölina í
Höfn. Fararstjóri: Jón Helgason.
EDINBORGARHÁTÍÐIN 23. september 7 dagar kr. 7.210,00.
Flogið til Glasgow og dvalið í viku í hinni undurfögru höfuðborg Skot-
lands, Edinborg á frægustu listahátíð álfunnar, sem þar er árlega haldin
um þetta leyti. Farið í skemmtiferðir um skozku hálöndin, þar sem lands-
lagsfegurð er víðfræg. Hægt að framlengja dvölina og fara til London.
Fararstjóri: Gunnar Eyjólfsson, leikari.
PARÍS - RÍNARLÖND - SVISS, 27. ógúst. 21 dagur kr. 18.640,00.
Þessi vinsæla ferð hefir eins og flestar hinar verið fullskipuð ár eftir ár.
Fólki gefst kostur á að kynnast nokkrum fegurstu stöðum Evrópu í rólegri
ferð. Flogið til Parísar. Dvalið þar í borg fegurðar og gleði sólríka sumar-
daga. Flogið til Rínarlanda og ekið um hinar fögru og sögufrægu Rínar-
t>yggðir. Verið á vínhátíðinni, þar sem drottningin er krýnd. Að lokum er
dvalið í hinu undurfagra Alpafjallalandi Sviss í Luzern, þar sem tindar
Alpafjalla speglast í vötnum. Farið í ökuferðir og siglt. Skroppið í skemmti-
ferð yfir til Ítalíu. Hægt að verða eftir á heimleið í London, eða Kaup-
mannahöfn. Fararstjóri: Jón Helgason.
ÍTALÍA í SEPTEMBERSÓL. 3. september. 21 dagur kr. 21.300,00.
Flogið til Milano, og ekið þaðan um fegurstu byggðir Ítalíu, með 3—4 daga
viðdvöl í Feneyjum, hinni „fljótandi ævintýraborg" og listaborginni Florenz.
Fimm dagar í Róm og gengið á fund Páfans. Fjórir dagar í Sorrento við
hinn undurfagra Napoliflóa. Farið til Capri og annarra frægra og fagurra
staða. Siglt með Michelangelo, splunkunýju, stærsta og glæsilegasta hafskipi
ítala (43 þús. smál.) frá Napoli til Cannes á Frakklandsströnd. Þar er dvalið
1 3 daga í baðstrandarbænum Nizza, áður en flogið er heim með viðkomu að
vild, í Kaupmannahöfn, eða London. Fararstjóri: Thor Vilhjálmsson.
ÍTALÍA OG SPÁNN, 21. september, 21 dagur kr. 24.860,00.
Þessi óvenjulega ferð gefur fólki kost á því að kynnast fegurstu stöðum
Ítalíu og Spánar og hefir slík ferð ekki áður verið á boðstólum hérlendis.
Flogið til Feneyja og dvalið þar í hinni undurfögru „fljótandi" ævintýra-
borg, sem stundum er kölluð „drottning Adriahafsins". Flogið þaðan til
Rómar og dvalið í nokkra daga í „borginni eilifu", þar sem margt er að
skoða. Ekið suður til Napcli og dvalið á Capri, áður en siglt er með hinu
nýja og glæsilega hafskipi ítala, Michelangelo (43 þús. smálesta) lúxusskip
búið öllum lífsins þægindum. Komið til Gibraltar á þriðja degi og ekið um
hina undurfögru Sólströnd Andalusiu til baðstrandarbæjarins Torremolinios,
þar sem dvalið er i fjóra daga. Ekið siðan eina fegurstu leið Spánar til
Madrid með viðkomu í Granada hinni fornu höfuðborg Máranna á Spáni,
þar sem hallir þeirra og skrauthýsi standa enn. Að lokinni dvöl í Madrid er
flogið til London, þar sem hægt er að framlengja ferðina. Fararstjóri:
Jón Helgason.
ÆVINTÝRAFERÐIN TIL AUSTURLANDA, 8. október, 20 dagar verð kr.
19.850,00.
Þessi ótrúlega ódýra Austurlandaferð var farin fullskipuð með 35 farþeg-
um í fyrra og komust miklu færri en vildu. Verðið er svona lágt vegna
samvinnu við enzka ferðaskrifstofu, sem hefir á leigu lúxushótel, í Egypta-
landi, sem starfrækt er í fyrrverandi höllum Faruks konungs. Flogið til
Amsterdam. Dvalið þar í sólarhring, áður en flogið er til Cairo. Þar er
dvalið í viku og farið í skoðunarferðir um Nílardal. Síðan getur fólk valið
um vikudvöl á baðströndinni í Alexandriu, eða ferðalags til „Landsins helga"
Jerúsalem. Betlehem og fleiri sögustaða Biblíunnar, auk Damaskus og Lib-
anon. Dvalið í tvo daga í London á heimleið og hægt að framlengja dvölina
þar. Fararstjóri: Guðni Þórðarson.
í SUNNUFERÐUM eru eingöngu notuð góð hótel. Engar langar þreyt-
andi bilferðir, flogið og siglt lengstu leiðirnar og ekið aðeins þar sem lands-
lagsfegurð er mest. í öllum tilfellum er hægt að framlengja dvölina erlendis.
Kjörorð okkar er: Aðeins það bezta er nógu gott fyrir okkar farþega. Við
gefum sjálfum okkur ekki einkunn, en spyrjið þá mörgu sem reynt hafa
SUNNUFERÐIR. Margir velja þær aftur ár eftir ár. — Kynnið ykkur verð
og gæði annarra ferða — og vandið valið. Biðjið um nákvæma ferðaáætlun
og pantið snemma.
Ferðaskrifstofan SUNNA Bankastræti 7. — Sími 16400.