Vikan - 22.07.1965, Side 7
Við höfum alltaf reynt hérna á
Vikunni að fylgjast með nýjum
gerðum bifreiða eins og þú veizt,
ef þú hefur lesið bílaprófunina
og fleiri greinar um bíla. Auk
þess hafa oft komið þættir um
sögu ýmissa bifreiðategunda.
Myndir af þessum bifreiðum, sem
þú nefnir ættirðu að geta fengið
hjá þeim umboðum sem með þær
hafa að gera. Jeppinn hlaut af-
burðagóða dóma á styrjaldarár-
unum, sem herbíll, og var þess
vegna prófaður sem landbún-
aðarverkfæri, enda hefur hann
hentað sérlega vel til þeirra
starfa. Ég er hræddur um, að þeir
hjá General Motors vilji heldur
meira en gagnfræðapróf, senni-
lega þarf verkfræði- eða tækni-
menntun til að komast að í teikn-
ingu hjá þeim. Annars sakaði
ekkert að þú skrifaðir þeim út
(á ensku auðvitað) og atliugaðir
möguleikana á að komast í verk-
smiðjurnar hjá þeim. Þú gætir
hugsað um það, meðan slátturinn
stendur yfir.
AFBRÝÐISEMI
Kæra Vika.
Áður en ég hitti manninn minn
og giftist honum, hafði ég verið
trúlofuð tvisvar sinnum áður.
Eftir að ég kynntist honum, hef-
ur hann verið sá eini rétti fyrir
mig. Ég hef sagt honum allt' af
létta um fortíð mína, og hann
segist vera glaður yfir því, að ég
hafi lagt spilin á borðið. Svo mað-
ur gæti freistazt til að halda, að
allt væri í lagi, en það er það
ekki. Maðurinn minn er haldinn
af mikilli afbrýðisemi venga for-
tíðar minnar og notar hvert tæki-
færi til að minna mig á, að fortíð
mín sé ekki „hrein“. Þetta getur
jafnvel komið fyrir, svo að aðrir
heyri til. Nú langar mig til að
spyrja þig, hvort það sé rangt
af mér að tala um þetta við föð-
ur minn og biðja hann um að tala
alvarlega við manninn minn, en
hann hefur alltaf borið mikla
virðingu fyrir honum. Eins og
málin standa nú, held ég þetta
ekki út mikið lengur. Ég þarf
virkilega á hjálp að halda, mað-
urinn minn fer ekki eftir því,
sem ég segi.
Anna.
Auðvitað áttu að tala við föð-
ur þinn um þetta, það er alls
ekki rangt, heldur nauðsynlegt.
Það er maðurinn þinn, sem fer
rangt að ráði slnu með því að
taja þannig um þig í áheym
annarra. Ef þessi sjúklega af-
brýðisemi hans verður ekki
stöðvuð í tíma, tekur þú þá
áhættu, að hjónaband ykkar fari
út um þúfur, svo að ég ræð þér
eindregið að tala við föður þinn
eins fljótt og þú getur. Gangi
þér vel.
AUMIR FÆTUR
Kæra Vika.
Upp á síðkastið hef ég fengið
najög þykkt hornkennt lag undir
fæturna og fylgja því mikil
eymsli eftir daginn. Ég fer reglu-
lega í heitt fótabað og við það
mýkist húðin og er ágæt dálitla
stund, en eftir dálitla stund fer
allt í sama farið aftur. Getur þú
ekki gefið mér gott ráð við
þessu?
Ein fótsár.
Byrjaðu á að kaupa þér eina
örk af sandpappír númer 60 eða
IV2. Brjóttu hann eftir hnifskafti
eða einhverju svipuðu, og klipptu
síðan af það, sem ekki þarf. Því
næst strýkur þú fram og til baka
með hnífskaftinu, þar sem þú
hefur harða húð. Þú getur valið
á milli, hvort þú gerir þetta fyr-
ir eða eftir 10 mínútna fótabað.
Gerir þú það eftir baðið, gættu
þess þá vel að þurrka fæturna
vandlega með þurru handklæði,
áður en þú byrjar slípunina.
Að endingu smyrðu fæturna
vel með feitu kremi, t.d. vaselíni.
Gott ráð er einnig að skipta oft
um skó, gjarnan 5 sinnum á dag.
Ef þú átt skó, sem klemma eða
meiða, þá gerðu eitt, HENTU
ÞEIM! Næsta skipti, sem þú
kaupir skó, fáðu þér þá einhverja,
sem falla rétt að fæti, það er að
segja ekki támjóa og ekki með
mjög háum hæl. Þar sem þetta
er nú að komast í tízku aftur,
ætti ekki að vera ýkja erfitt að
finna skó, sem er þægilegt að
ganga í auk þess að vera fallegir,
Nútíma kona notar
Yardley fegrunarvörur
Yardley fegrunarvörur eru fram-
leiddar fyrir yður samkvæmt
nýiustu tækni og vísindum, eftir
margra óra rannsóknir og til-
raunir í rannsóknarstofum Yardl-
ey í London og New York.
Yardley veit að þess er vænst
af yður, sem nútíma konu, að
þér lítð sem bezt út, ón tillits
til hvar þér eruð eða hvernig
yður líður.
Þess vegna býður Yardley yður
aðeins hin réttu andlitsvötn og
krem, hvernig svo sem húð yðar
er og Yardley tízkul itirnir í
varalitum, augnskuggum og
make up, sem fara yður bezt.
BIÐJIÐ UM YARDLEY í NÝJUSTU
PAKKNINGUNUM.
Innflytjandi GLÓBUS h.f.
VIKAN 29. tbl. rj