Vikan - 23.12.1965, Blaðsíða 7

HÆGRI EÐA VINSTRI.
VIKAN, Reykjavík!
HvaSa prump er þetta með
hægri handar akstur? Höfum við
ekki næga óreiðu eins og er með
öll okkar umferðarmál? Eru ekki
sífellt að verða slys og bana-
slys og guð veit hvað, bara með
okkar gamla vinstri handar sy-
stemi, sem allir þekkja þó? Þarf
enn að auka slíkt með valdboði
ofan frá um nýtt kerfi, sem allir
myndu ruglast á, ósjálfrátt ef
ekki af fávísi? Við, þessi gömlu
jálkar, sem erum búnir að
keyra árum saman án þess nokk-
uð hafi komið fyrir okkur, höf-
um ósjaldan bjargað bæði sjálf-
um okkur og öðrum með því að
rykkja ósjálfrátt til vinstri, þeg-
ar eitthvað hefur gerzt óvænt.
Hvernig færi það nú, ef við ætt-
um allt í einu að fara að rykkja
til hægri? Við myndum eftir sem
áður rykkja til vinstri, og allir
sjá, hvernig þá færi. Nei, við
höfum nóg af slysum eins og er,
þótt hægri handar hrærigrautur
fari ekki að hvolva yfir okkur
hörmungunum.
Virðingarfyllst,
Bíl Stjóri, Reykjavík.
Bæði vinstri handar og hægri
handar akstur hefur nokkuð til
síns máls, og skal hér ekki gert
upp á milli handa. En í sambandi
við upptekningu hægri aksturs á
islandi hefur komið fram sú á-
kveðna tillaga, að allir verði að
gangast að nýju undir hæfnis-
próf, og væri því strangt og vel
framfylgt, myndu margir þeirra,
sem nú fljóta á gömlum verð-
leikum, detta út úr, einfaldlega
fyrir vankunnáttu og skort á að-
lögunarhæfni. Sú sía myndi
koma að verulegu leyti í veg
fyrir umferðaróhöpp af völdum
skiftingarinnar, og draga mjög
úr þeim slysum af völdum van-
þekkingar og virðingarleysi fyr-
ir lögunum, sem nú vaða uppi.
Og hvernig fer fyrir okkur, þeg-
ar við þurfum að aka erlendis?
Oftast nær erum við mjög fljót
að átta okkur, og allt fer vel.
Hví mundi ekki það sama verða
uppi á teningnum hér heima?
KÖLD HITAVEITA.
Kæra Vika!
Ég veit svo sem, að ég ætti að
snúa mér eitthvað annað með
mitt nöldur, en það liggur eitt-
hvað svo beint við að skrifa þér,
að ég læt það eftir mér. Mér
finnst nefnilega þessi hitaveita
okkar hér í Reykjavík vera til
háborinnar skammar og alls ekki
sæmandi hverahitaðri menning-
arþjóð. Um leið og frostið fer
niður fyrir tvö — þrjú stig, er
allt orðið skítkalt, og ekkert
gert við því. Núna hefur frostið
staðið í hátt í þrjár vikur, og
hér er allt ískalt milli klukkan
tvö og ellefu! Maður gæti jafn-
vel látið sér detta í hug, að ein-
hver samvinna væri milli hita-
veitunnar og rafveitunnar, því
rafveitan græðir einhver ósköp
á öllum þeim rafmagnsofnum,
sem maður verður að láta standa
á fullu blússi þennan tíma, til
þess að halda einhverri heilsu.
En hvað finnst þér, Vika sæl?
Finnst þér forsvaranlegt, að
teygja og teygja hitaveituna út
um alla tranta og trissur, án þess
að nokkur hafi nægilegan hita
og nægilegt vatn?
Guðrún.
Nei, þetta er ekki gott. í fyrra
kom frost snemma í nóvember,
og þá lýstu forráðamenn hita-
veitunnar yfir því, að kuldinn
hefði komið þeim á óvart! Ég
gæti trúað, að þeir hefðu þá ekki
orðið síður hissa núna!
LÍTIÐ SPENNANDI ÞING.
Kæri Póstur!
Tókuð þið eftir því í útvarps-
fréttunum um daginn, að þegar
síðasta umræðan um fjárlaga-
frumvarpið fór fram, endaði með
því að ekki var nema svo sem
handfylli af þingmönnum við-
statt umræðurnar undir lokin.
Og hluti af þessari handfylli sat
og dottaði í flokksherbergjunum
hér og þar um alþingishúsið. Það
fer ekki mikið fyrir áhuganum
hjá þessum blessuðum mönnum,
sem þjóðin hefur kjörið til að
sjá um landsmálin!
Með kærri kveðju.
Gunnar G.
Ekki tókum við nú eftir þessu,
en trúum því fjarska vel. Þeir
hafa vitað sem var, að stjórnar-
liðið myndi kjósa rétt og hinir
líka, nema hvað þeir mundu fara
Hina leiðina, svo það var til-
gangslaust að eyða púðri með því
að rífast fram á síðustu stund.
GENÉVE
VÖNDUÐ ÖR A GÖÐU VERÐI
Sigurður Jónasson
Laugoveg 10, Bergslaðastrætismegin.

LAUGAVEGI 59. simi 23349
VIKAN 51. tÞl. rj