Vikan - 01.12.1966, Blaðsíða 58

eoimicran®íPí díp i
ðfcilnUaiJHi m 1
HVERFISGÖTU 50. - SÍMI 18830.
Eins manns svefnsófi
Stærð 145x75 cm.
lengist með bakpúðunum í 185 cm.
Sængurfatageymsla undir dýnunni.
Stólar fást í stíl.
í síðasta blaði var gefinn matseðill fyrir hátiðlegt miðdegisverðarboð og lýst
var forréttinum, súpunni og steikinni. Hér verður haldið áfram og byrjað á
sósunni, sem fylgja á steikinni.
Madeirasósa.
Afgangurinn af steikarsoðinu settur í pott og suðan látin koma upp. 1—2
matsk. af kjötkrafti settar í og jafnað upp með smjörbollu úr 50 gr. smjön
og 50 gr. hveiti. Þegar sósan hefur soðið í 6—8 mfn. er glasi af madeira hellt
í og 25 gr. af smjöri brætt í og þeytt vel í á meðan.
Kartöflukúlur.
Kartöflurnar eru beztar stórar og mélmiklar. Þær eru skornar 1 sneiðar og
settar í saltlaust vatn og soðnar þar til þær eru meyrar. Hellið vatninu frá og
látið dampa vel af þeim. Merjið þær meðan þær eru heitar og hrærið 4 eggja-
rauðum, 50 gr. af smjöri, salti og pipar saman við. Þegar maukið er næstum
kalt eru gerðar úr því litlar kúlur, sem velt er fyrst upp úr hveiti, síðan úr
léttþeyttri eggjáhvítu og raspi. Kúlurnar soðnar í ókryddaðri svínafeiti, tekn-
ar upp með gataskeið og fyrst settar í sigti og síðan á pappír, sem dregur
vel í sig fitu.
Gulrótarstengur.
Gulræturnar flysjaðar og skornar i stengur. Soðnar í svolillu kjötsoði með
lauksneiðum. Saltaðar, þegar þær eru meyrar. Vatninu hellt frá og gulræt-
urnar skornar fallega með grænmetishníf og síðan hitaðar upp í smjöri.
Tómatar. Provencalc.
Tómatarnir verða að vera hæfilega þroskaðir, ekki of linir. Þeir eru skorn-
ir í tvennt og settir í eldfast fat. Stór laukur og 1 búnt persilja saxað smátt
og soðið í nokkrar mínútur í 2 matsk. af smjöri og 1 matsk. olíu. Mörðum
hvítlauk bætt í og 2 matsk. af raspi. Þessu er hellt yfir tómatana og allt hit-
að í ofni við góðan hita í 10—12 mín.
Þegar steikin og grænmetið er borið fram, er bandið tekið utan af steikinni
og hún sett á fat með kartöflukúlunum og gulrótarstöngunum og tómötunum
raðað utan með. Fatið skreytt með nokkrum salatblöðum og persiljuvöndum.
■> ■ . ííí,..Utrll
Ananas Savoy.
Látið safann renna af einni stórri dós með ananashringjum og látið sneið-
arnar þorna dálítið á pappír, en síðan eru þær settar á bökunarplötu. Hjúp-
súkkulaði brætt í vatnsbaði og helit yfir sneiðarnar og mörðu nougat stráð
yfir áður en súkkulaðið stífnar. Setjið sneiðamar á fallegt fat, setjiö
af vanilluís á hverja og eina aprikósu þar ofan á og e.t.v. eitt rautt kokkteilber.
Makkarónukonfekt.
Ca. 250 gr. kransakökumassi (e.t.v. hægt að kaupa hann i bakaríi), hrærður
með 2 eggjahvítum. Maukið á að vera fremur þykkt. Sett yfir lítinn hita
og hrært þar til massinn er volgur. Gerðar litlar kúlur, sem settar eru á
smurða plötu eða sprautað með kökusprautu á plötuna, ýtið lauslega ofan
á hverja kúlu, svo að þær verði flatari. Skreytt með hálfum valhnetukjama
og hálfu rauðu og hálfu grænu kokkteilberi. Bakað við mikinn hita (250 gr.)
í 5—6 mínútur.
Hægt er að undirbúa sumt af þessu daginn áður. Sveppina, sem notaðir
voru ofan á steikina, má hreinsa og saxa og geyma í plastpoka í isskáp, kartöfl-
umar má sjóða og merja og búa til kúlumar, setja síðan í skál og þekja með
málmpappír. gulræturnar má sjóða og skera og geyma i plastpoka. Ananas-
sneiðarnar má þekja með súkkulaðinu og nougatinu og konfektið má baka
daginn áður og geyma í þéttri dós. í fyrra blaðinu var bent á, hvernig mætti
flýta fyrir sér við matinn, sem þar var lýst.
------------------ .
58 VIKAN 4“- tbl