Vikan - 04.06.1970, Blaðsíða 4

Krákan er því leið, að hún segir
jafnan satt.
íslenzkur málsháttur.
0 fólk í fréttunum
*
Meira en 100.000 myndir og lýsingar af honum hafa verið sendar um
gervöll Bandaríkin, og hann er talinn í hópi „ellefu-menningana“
sem FBI er hvað mest á höttum eftir. Venjulega telur listinn aðeins
10 menn, en það kemur fyrir að þeim 11. er bætt við og þykir það
heilmikil upphefðu — fyrir skúrkinn. Maðurinn sem um ræðir í
þetta skiptð er Hubert Geroid Brown, sem fleiri þekkja sennilega
sem herskáa blökkumannaleiðtogann H. Rap Brown, 26 ára gamall
og hefur ekkert til hans spurst í 2 mánuði. Ekkert var þó aðhafst í
því fyrr en fyrir nokkrum vikum síðan, er hann lét ekki sjá sig við
réttarhöld sem haldin voru „honum til heiðurs" í Ellicott City,
Maryland, þar sem hann hafði verið ákærður fyrir íkveikju og æs-
ing tii óeirða. „Brown er sennilega vopnaður og verður að teljast
hættulegur,“ segir á auglýsingunni frá FBI, og starfsmaður þeirrar
sömu stofnunar bætti því við að hann væri „stórkostleg ógnun við
þjóðfélagið." Að meðaltali líða 138 daga frá því FBI auglýsir eftir
mönnum og þangað til þeir nást. Sennilegast er að Brown sé í útlegð
— annaðhvort i Alsír, Peking, Moskvu eða Havana.
Það ætlaði hreint allt af göflunum að
ganga í London ekki alls fyrir löngu þeg-
ar söngvarinn, dansarinn, leikarinn og allt
það, Frank Sinatra, sem nú er orðinn 54
ára gamall, hélt þar skemmtun upp á
gamla mátann, en í London hafði hann
ekki skemmt síðan árið 1963. í rauninni
voru skemmtanirnar tvær, og Frankie Boy
er svo vinsæll þar ytra, að tveimur mán-
uðum áður en hann kom til landsins, var
uppselt á báðar. Til London kom hann í
einkaþotu sinni og flaug svo inn í borgina
í þyrlu. Þá þurfti hann að hugsa fyrir því
hvar hann gæti boðið fylgdarliði sínu í mat. Einhver stakk upp á
því að fara á stað sem nefnist „Claridge‘s“. — Er bar þar? spurði
Sinatra og þegar svarið var já, fóru ailir til „Claridge‘s“. Svo var
skemmtun í um kvöldið og þar söng hann öll gömlu lögin sín, þar á
meðal „Chicago“, „Moonlight in Vermont“ og „I’ve Got the World
on a String“. Fagnaðarlætin voru gífurleg og í heilar 5 mínútur stóðu
allir í húsinu og hylltu stjörnuna. Gagnrýnendur blaðanna voru stór-
hrifnir og það var Margrét prinsessa líka, en henni var boðið til
búningsherbergis Sinatra til að heilsa upp á hann. Hún spurði hann
hvort allt umstangið færi ekki í taugarnar á honum?“ „Nei,“ svaraði
hann. „Það eru mörg ár síðan ég lét fjarlægja allar taugar úr mér.“
Tveir ljósmyndarar biðu fyrir
utan hús Harry S. Trumans, fyrr-
verandi forseta Bandaríkjanna,
þegar hann kom heim úr búðar-
ferð ásamt konu sinni. Þegar for-
setinn gamli sá þá gekk hann
hægt og rólega fram innkeyrsl-
una svo þeir gætu myndað að
vild. „Þið verðið að vinna fyrir
ykkur, ungu menn,“ sagði HST.
A einni myndinni mátti greina
bílinn sem ber númerið 5-745, eða
7. maí, 1945 og það var dagurinn
sem Þýzkaland valdi til að yfir-
lýsa uppgjöf sína í síðarí heims-
styrjöldinni.
4 VIKAN 23-tbl-
'mm
96 ára hjúkrunarkona
Austurríki getur státað af því
að eiga elztu starfandi hjúkrun-
arkonu í heimi. Hún heitir Lili-
an Carlin og er orðin hvorki
meira né minna en 96 ára. Hún
ætti samkvæmt settum reglum
að vera hætt störfum fyrirlöngu,
en hún hefur aftur og aftur feng-
ið undanþágu til þess að halda
áfram, sérstaklega vegna áskor-
ana frá sjúklingunum. Þeim
finnst lífskraftur gömlu konunn-
ar með eindæmum, og það hef-
ur sýnt sig að þeir sjúklingar,
sem hún hefur hjúkrað, kom-
ast fyrr til fullrar heilsu en
aðrir. Frú Carlin hefur starfað
sem hjúkrunarkona í 68 ár. Hún
var sæmd heiðursmerki fyrir
■''askl°ga framgöngu í heims-
styriöldinni, þ.e.a.s. heimsstyrj-
öldinni fyrri 1914—1918.
★
Kvensami
höfrungurinn
Það hefur löngum verið vitað,
að höfrungar eru skynsamar
skepnur. Hins , vegar hefur ekki
komið fram fyrr, að þeir hefðu
auga fyrir kvenlegum yndis-
þokka. Á hinu fræga veitinga-
húsi í París, Rauðu myllunni sem
Lautrec gerði frægt á sínum
tíma, er tjaldið dregið . frá á
miðnætti og blasir þá við gest-
unum risastórt fiskaker. Inni í
því er fáklædd þokkadís ásamt
höfrungi. Og það skiptir engum
togum: Fyrr en varir byrjar
höfrungurinn að klæða skvís-
una úr því litla, sem hún hefur
utan á sér - að sjálfsögðu við
mikil fagnaðarlæti viðstaddra.
★
STUTT
OG
LAG-
GOTT
Sjómenn eiga ekki að
kvarta yfir of mikilli
vinnu. Ef þeir halda svona
áfram fá þeir langa fríið
eftir örfá ár. Jú, það hlýtur
að fara saman: Fiskleysi og
frí.