Vikan - 29.07.1971, Qupperneq 27

HUS OG
HÚSBÚNAÐUR
TILHNEIGING TILAÐ GERA HLUTINA EINFALDA OG ÓDÝRA
Vikan ræðir við sænska arkítektinn Olie Pira, sem hannað hefur Pira-System.
„Athyglisverðast finnst mér, hvað allir virðast hafa það jafngott hérna“, sagði
arkitektinn. „Og lífskjörin virðast vera ótrúlega góð. Þegar maður hugleiðir,
að á þessu eylandi er hvorki til skógar né málmar, þá er það næstum ótrúlegt.
Og ég hef einnig fundið annað: Meðal íslendinga verður maður var við ferskan
baráttuvilja, eitthvað sem maður gæti kallað „Islansk spirit". Ég held að maður
finni þennan kraft síður heima í Svíþjóð.“
„Dettur þér nokkuð í hug, hvers vegna það gæti verið; á þessi margfræga
velferðastefna ef til vill einhvern þátt í því“?
„Jú, við getum sagt það. Þegar kaupgjald er borið saman í þessum löndum
þá kemur í ljós, að Svíi fær ef til vill þrisvar sinnum hærri laun en íslending-
ur, miðað við krónutölu. Sg hef verið að reyna að gera mér grein fyrir raun-
verulegu verðgildi, en það er mjög flókið og erfitt. Sannleikurinn er sá, að þessi
háu laun hjá okkur, virðast koma fyrir lítið. Kostnaðurinn við áð lifa er svo
gífurlegur; matur, húsnæði og fatnaður, þetta hefur rokið upp úr öllu valdi.
Og svo er skattstiginn óhóflegur. Skattayfirvöld hafa heimild til að taka allt
að 80% af hæstu tekjum, en af góðum miðlungstekjum borga menn kannski
60% í skatta. Þessi skattpíningarpólitík hefur orðið til þess að drepa niður allan
áhuga; menn tala um að það sé ástæðulaust að vera að puða fyrir ríkið“.
„En samt stefnir allt til sífellt aukinna ríkisafskipta".
„Það hefur að minnsta kosti gert það. Svíar eru samt mjög andsnúnir komm-
únisma og það er skoðun margra, að háþróuð félagshyggja eða sósíalisering sé
Framháld á bls. 41.
Olle Pira, arkitekt. Hann kom hingað til lands fyrr í
sumar ( boði Hús og skip hf., Hátúni 4A. Aðalerindi
hans til íslands var að gaeta réttar síns gagnvart ís-
lenzkum aðilum, sem gerzt hafa sekir um stælingar
og stuldi á verkum hans og meira að segja nafni.
með fótskemli,
lesgrind og borði,

Hægindastóll
af Olle Pira.
hannaður
/
Legubekkur með hillu, hannaður af Olle Pira.
Pira-Systemið, sem kennt er við Olle
Pira, er einfalt kerfi. Uppistöðurnar
eru úr málmi, en hillurnar úr tré. Það
er fljótlegt að breyta því, og í rauninni
má segja, að það sé partur af þeirri
viðleitni í sænskum húsgagnaiðnaði
að hafa hlutina einfalda og ódýra.
26 VIKAN 30. TBL.
30. TBL. VIKAN 27