Vikan - 22.09.1977, Blaðsíða 22

0
VAMPYRFILM AS OC
NORSK FILM A S viser

Tf ' - 'M 'fW**
RECI: jESPl'N THORSlrENSON
fjölskyldumynd
i Stjörnubíói verður bráðlega
sýnd norsk mynd, sem heitir
Pabbi, mamma, börn og bíll.
Myndin er byggð á einni af sögum
hins vinsæla norska barnabóka -
höfundar Anne-Cath Vestley, en
þessi og fleiri af þeim hafa komið
út á íslensku. Höfundur handrits
og leikstjóri er Espen Thorsten-
son. Sjálf leikur Anne-Cath
Vestly líka eitt af hlutverkunum.
i myndinni fáum við að kynnast
öllum krökkunum, sem pabbi og
mamma eiga, og það er enginn
smáhópur, því að þau eru hvorki
meira né minna en átta talsins —
skemmtilegir og ærslafullir krakk-
ar. Maren er elst, orðin tólf ára, en
yngstur er Matti minnstur —.
Þau eiga heima í borginni, þar
sem þau búa hjá pabba og
mömmu — eðlilega — í ósköp lítilli
íbúð, því að þau verða að láta sér
nægja eldhús og eitt herbergi,
sem er jafnframt stofa og svefn-
herbergi fyrir allan skarann. Á
hæðinni fyrir neðan býr Hulda, og
þótt hún sé ágæt á margan hátt,
þá er hún ekki alltaf ánægð með
ærsl krakkanna.
Pabbi vinnur fyrir sér með því
að aka vörubíl, og þá er það
auðvitað mjög bagalegt, ef bílnum
er stolið — eins og kemur raunar
fyrir einn daginn. Þetta er heldur
lítill vörubíll, grænn á lit. Ekki
kemur annað til mála en að hefja
leit að honum, og þá er kostur að
eiga mörg börn til að taka þátt í
leitinni, enda gera börnin það, allt
frá því elsta til hins yngsta.
Þeim tekst brátt að finna bílinn,
en þá er hann orðinn rauður. Þeim
tekst líka að finna þann, sem gerði
sig sekan um þílþjófnaðinn, en sá
maður heitir Henrik og hann
verður góður vinur fjölskyldunnar.
Svo kemur amma til bæjarins.
Allt er nýtt fyrir henni og það verður
að segja hverja sögu eins og hún
gengur: Amma hegðar sér ek':i
alltaf eins og venja er hjá borgar-
fólki. En krakkarnir eru henni þá
hjálplegir og þau fara meðal
annars í ferð um borgina með
henni.
Þegar að því kemur, að amma
ætli heim aftur, á hún ekki fyrir
fargjaldinu. Hún hafði nefnilega
notað peningana í annað, sem
henni fannst nauðsynlegra að
kaupa. En henni kemur ekki til
hugar að gefast upp, og leggur á
ráðin með krökkunum. Morgun-
inn eftir stendur hún svo á vegar-
brúninni til þess að komast áfram
,,á puttanum."
En það gengur ekki vel að
komast áfram þannig, og þess
vegna verður amma fegin, þegar
gamalkunnur, rauður vörubíll birt-
ist með átta börn á pallinum, til
þess að aka henni aftur á elli-
heimilið.
22 VIKAN38. TBL'.