Vikan - 01.03.1979, Blaðsíða 6

að ná valdi á þessum sjúkdómi og lifa
eðlilegu lífi.
— Fyrsti íslendingurinn kom hingað til
meðferðar fyrir u.þ.b. fjórum árum. Þetta
var ættingi íslenskrar konu, búsettrar hér í
Bandaríkjunum, og hún sagði honum frá
Freeport. Honum farnaðist vel, og sá
árangur vakti athygli landa, sem áttu við
sama vandamál að striða.
— Síðan höfum við haft u.þ.b. 400
íslendinga til meðferðar, og ég held, að
árangurinn sýni sig best í því sem nú er að
gerast á íslandi í þessum málum. En þar á
ég við hin öflugu félagssamtök, SÁÁ og
Freeportklúbbinn. Þessi samtök inna af
höndum ómetanlegt starf í baráttunni gegn
þessum sjúkdómi, sem hefur svo sorglegar
afleiðingar í för með sér, bæði fyrir
þjóðfélagið og manneskjuna sjálfa. Milli
okkar er náin samvinna, og ég leyfi mér að
spá því, að innan fimm ára hafi þeim tekist
að byggja upp prógramm, fyllilega
sambærilegt við okkar, og það besta utan
Bandaríkjanna.
Grunnhyggin afstaða
— Því hefur verið fleygt á íslandi, að það
i sé dýrt að senda fólk til meðferðar erlendis.
Þetta er ákaflega grunnhyggin afstaða.
Þjóðfélagið tapar árlega fleiri milljónum
vegna skertrar starfsorku áfengissjúklinga,
og margir eru algjörir öryrkjar af völdum
drykkjusýki. Að ekki sé minnst á
eyðilagðar fjölskyldur. Sá hópur, sem hætt
hefur að drekka á íslandi, sparar þjóð-
félaginu mikla peninga, miklu meiri en
meðferðin hefur kostað.
— Sem geðlæknir snerta mig þó mest hin
mannlegu sjónarmið. Drykkjusýkin veldur
ekki aðeins bæði andlegum og líkamlegum
vítiskvölum hjá sjúklingnum sjálfum,
heldur og öllum hans nánustu.
— Ég hef verið fenginn til að byggja upp
prógrammið okkar hér í Rheinbeck, en það
tekur eitt ár. Freeport keypti Rheinbeck
fyrir tveimur árum, og tíminn sem leið þar
til við opnuðum var notaður til að endur-
byggja staðinn. Umhverfið skiptir miklu
máli i endurhæfingu sjúklinga okkar, þetta
fólk er oft búið að tapa sjálfsvirðingunni og
mikilvægt er að hjálpa því til að halda
mannlegri reisn. Rheinbeck er síðasti
liðurinn sem vantaði til þess að Freeport
gæti sinnt öllum þáttum prógrammsins
okkar.
Veritas Villa er frábrugðin Rheinbeck að
því leyti til, að þar er ekki um neina beina
læknaþjónustu að ræða. Fólk dvelur þar í 1
til 2 mánuði eftir veru sína á Freeport og
tekur þar þátt í AA fundum og umræðu-
hópum, en þar starfa engir sérfræðingar.
Þetta er mjög gott prógramm, en takmarkað.
Hér starfa aftur á móti sérfræðingar eins og
geðlæknir, sálfræðingur og félags-
fræðingur, og við höfum t.d. sérhæft okkur
í að hjálpa fólki með tvöfalt vandamál,
Dr. Herzlln ásamt konu sinni, Normu.
þ.e.a.s. það er háð bæði áfengi og lyfjum,
en það verður æ algengara.
íslenskir læknar ósparir
á valíum
— Er ég tók til að starfa að þessum
málum, var það aftur á móti aðskilið. Nú
nota flestir eitt eða fleiri lyf með áfenginu,
það algengasta er valíum. Því miður virðast
læknar á íslandi ósparir á valíum,
en ég vildi óska, að þeir hættu því. Hér
leggjum við ríka áherslu á að nota engin
lyf, því það vinnur á móti því að fólk nái
fullri heilsu.
— Er við fáum nýjan sjúkling, byrjar
félagsfræðingur á því að kynna honum
húsreglurnar, útskýrir fyrir honum við
hverju við búumst af honum og hvers
hann geti vænst af okkur. Þannig
komum við strax í veg fyrir allan
misskilning. Prógrammið okkar er afar
strangt, og þýðir ekkert að koma hingað
með því hugarfari að slá slöku við. Starfs-
fólk okkar leggur mikla vinnu í það að
hjálpa hverjum sjúklingi, og við ætlumst til
þess sama af honum.
— Prógramm okkar hefst klukkan 6:50 á
morgnana, og síðan er haldið áfram allan
daginn. Fyrstu vikuna, sem fólk dvelur hjá
okkur, tekur það þátt í sérprógrammi, svo
nefndu undirstöðuprógrammi, því að það
þýðir ekkert að setja það strax í hóp með
lengra komnum.
— Meira að segja hvíldartíminn er skipu-
lagður, hér kemst enginn undan þvi að
stunda einhverja íþrótt eða göngu 1 1/2
tíma á dag. Það er ekki síður mikilvægt að
byggja upp líkamlega krafta.
— Sjúklingurinn nýtur meðferðar bæði
sem einstaklingur og í hópum, og við
leggjum ríka áherslu á að greiða úr öllum
6 Vikan 9. tbl.