Vikan - 01.03.1979, Blaðsíða 34

Forsætisráðherra
glottir út í annað
Kceri draumráöandi!
Mig langar að biðja þig að reyna að
ráða erfiðan draum sem mig dreymdi í
nótt. Hann er á þessa leið:
Maðurinn minn og ég vorum komin
niður í bæ og hann leggur bílnum
sínum móts við dyrnar á gamla
símstöðvarhúsinu. Þegar ég kem út sé
ég þúsund króna seðil í göturæsinu. Ég
bið manninn minn að láta hann í úlpu-
vasa sinn og hann gerir það. Svo
göngum við áfram í áttina að Kirkju-
stræti og styðjum hvort annað, af því
það er krap á götunni. Þá sjáum við
tvo fimm þúsund króna seðla fyrir
fótum okkar. „ Voða/egt er að sjá
hvernig fólkið fer með peningana
sína. ” Hann tekur þá og lætur líka í
úlpuvasa sinn. Þá sjáum við meiri
peninga undir einum bílnum. Það eru
þúsund króna seðlar, mikið stærri um
sig heldur en venjulega. Ég fer að
telja, þá eru tveir bunkar í klemmu
með tíu þúsundum og fjórir lausir. Við
förum að reyna að rúlla þessu upp í
pakka og við erum ekkert hrifm. Þetta
er eins stórt um sig og stofuborðið.
„Þessu verðum við nú bara að koma á
Lögreglustöðina. ” SVo göngum við
áfram með peningapakkann á milli
okkar. Þá dynur yfir haglél með roki
og við ætlum að leita skjóls. Þá erum
við komin að dyrum Alþingishússins.
Ég geng að þeim og tek í húninn. Það
er eins og við förum inn með pakkann
og hann verður sífellt fyrirferðarmeiri
og égfyrirverð mig svofyrir að standa
þarna. Þá er eins og opnist veggur á
móti okkur til vinstri við dyrnar og ég
sé alla þá, sem nú skipa ríkisstjórn
íslands. Fyrir þeim gengur forsætis-
ráðherra föstum öruggum skrefum og
glottir út í annað, en ég þykist sjá að
hann sé reiðubúinn að mæta hverjum
vanda. Svo ganga aðrir í tvöfaldri röð.
Nœstur menntamálaráðherra, hann
glottir, en það glott er frosið og kalt.
Þar næstur sjávarútvegsráðherra, ekki
brosir hann, en ég þykist sjá að hann
vilji gera alla hluti vel, þar næst
gengur viðskiptaráðherra, hann er
alvarlegur mjög og þykist ég sjá að
hann vilji hvergi hopa. Nokkru aftar
gengur iðnaðarráðherra ogfæ ég
ekkert ráðið af svip hans, né hinna,
sem fjœr ganga. Allir eru þeir mjög vel
klæddir ogþeir yngri menn vel á sig
komnir. Enginn kemur og skiptir sér af
okkur. Við ætlum að bíða þarna
meðan élinu linnir. Það opnast dyr
34 Vikan 9. tbl.
Mig
dreymdi
móti útidyrunum og þeir ganga allir
þar inn. Þá fara að koma alþingismenn
og ganga allir inn um sömu dyr og
staldra ekki við. Ég fer að verða
rólegri og fmnst að þessir menn eigi
lítið meira erindi en við, sem erum
bara að bíða af okkur óveðrið. Svo fer
ég að svipast um, hvort ég sjái ekki
annað fólk. Þá sé ég mann, sem við
þekkjum og getum kallað M. Ég
ávarpa hann, og snýr hann sér~þá við.
Þá sé ég að það er yngri bróðir hans,
sem við getum kallaðÁ. Ég bið hann
afsaka misgripin. Hann sagði það vera í
lagi og hann þekkti mig. Ég segi
honum erindi okkar og af hverju við
erum þarna komin. Hann segir: „Það
tekur því ekki að vera að fara með
þetta niðrá stöð. Það er ekki þess virði
fyrir þann, sem á það. Hirtu þetta bara
manneskja, þið getið barafleygtþví í
skottið á leiðinni heim. ” Þá fer ég að
hugsa að það séum við sem ólumst
upp í,,kreppunni", sem höfum
brenglað verðmœtamat, við „sem sáum
ekki aur” skiljum ekki gang mála í
dag.
Þegar hér er komið flnn ég að
maðurinn minn er að ýta við mér og
ég heyri hann segja: „Er ekki kominn
tími til að fá sér kaffl?” Ég lít á
klukkuna. Hún er 8.30, ég er
dauðþreytt og segi honum drauminn
meðan ég er að jafna mig.
Með fyrirfram þökk.
Gulla
Ýmsir óvæntir atburðir eru í vændum
og þið hjónin eigið sennilega i vök að
verjast á fleiri en einu sviði. Ykkur
hlotnast óvæntir peningar, en ættuð þó
að fara varlega í fjármálum, því ekki er
allt sem sýnist og mikil vaxtabyrði gæti
komið mjög illa við ykkur á næsta ári.
Dökkt ástand í fjármálum og aðrir
erfiðleikar valda miklum og þungum
deilum á heimili ykkar og meðal
ættingjanna, en þið ættuð að geta yfir-
unnið þá með sameiginlegu átaki.
Draumurinn er ekki sem bestur fyrir
ríkisstjórnina, líklega verða álögur á
launþega auknar og þeir mega gæta sín
á að fjarlægjast ekki almenning um of,
því glati þeir trausti hans nú er valt að
treysta þvi að vel takist í framtiðinni.
Lítil skorpin kerling
Samstarfsstúlku mína dreymdi eftir-
farandi: Ég undirrituð var stödd
heima hjá henni og bar hún fram
kaffl. Vantaði mig þá sykur og bað um
mola. Þá sagði hún mér að ná í sykur-
pakkann fram í eldhús, en þegar til
kom reyndist hann fullur af lakkríspill-
um. Kallaði ég til hennar að ekki væri
sykur í pakkanum en mér væri alveg
sama. Ég hellti innihaldi pakkans í skál
og kom þá í Ijós lítil skorpin kerling á
botni pakkans. Héldum við í fyrstu að
þetta væri lík, en við nánari athugun
reyndist þetta vera stytta, sem vantaði
á hnakkann, auk þess sem tvö svöðu-
sár voru á andlitinu. Varð draugurinn
ekki lengri.
Með fyrirfram þökk fyrir birtinguna.
G.K.
Líklega munuð þið lenda í miklum
gleðskap innan tíðar, þar sem margir
kunningjar verða saman komnir. Þar
ættuð þið að ganga hægt um gleðinnar
dyr, því ekki er allt sem sýnist og
einföldustu atvik geta haft dýpri rætur
og afleiðingar langt fram í tímann.
Kind reyndi að bíta
mig
Kæri draumráðandi!
Mig langar að biðja þig að ráða
þennan draum fyrir mig. Mér fannst
ég vera ber niður í mitti og það var
hvít kind að reyna að bíta í brjóstið á
mér. Ég reyndi að verja mig með
höndunum og sveigja mig frá, en ég
komst ekkert. Við það vaknaði ég.
Með fyrirfram þökk fyrir birtinguna.
A.H.
Einhver veikindi munu baga þig á
næstunni og þú munt fá slæmar fréttir,
sem koma þér mjög á óvart en þú sættir
þig við með tímanum.