Vikan - 01.03.1979, Blaðsíða 62
PÓSTLRIM
Auglýsingar
aftan á plakötin
Kœra Vika!
Ég þakka allt gamalt og gott
í Vikunni, sem mér fmnst fint
blað. En nú ætla ég að skrifa
um eitt atriði blaðsins, sem mér
og öðrum finnst óhagstætt. Ég
er ein af þeim sem safna
plakötum úr Vikunni (og hengi
öll upp á vegg). En þegar ég
tek plakötin úr. þá fer kannski
hálf saga úr eða eitthvaö því-
umlíkt. Og svo þegar maður
ætlar að lesa Vikuna seinna þá
vantar bara hluta úr sögu eða
einhverju öðru. Þá ætla ég að
biðja þann sem ræður yfir
þessu að láta auglýsingar aftan
á eða jafnvel skrifa um þá sem
eru á plakatinu hinum megin
líka eins og gert var fyrst.
Svona er þetta með gáturnar
líka, þá klippir maður oft úr
eitthvað merkilegt. Ég ætla
ekki að hafa þetta raus lengra.
VirðingarfyUst Eyja
Þetta hefur verið okkar höfuð-
verkur líka, en vandamálið
virðist illleysanlegt. Þó er líklegt
að okkur takist að leysa þetta
hvað plakötin varðar en
erfiðara reynist með gáturnar
En við reynum hvað við getum
og vonum að lesendur hafi
biðlund og geri sér grein fyrir að
erfitt er að gera svo öllum líki.
Ægilegur áhugi
á Færeyjum
Kæri Póstur!
Ég hef ægilegan áhuga á
Færeyjum, bæði landi og þjóð,
og þess vegna langar mig að
spyrja þig hvort þú getir birt
heimilisfang einhvers blaðs I
Færeyjum. Mig langar að
eignast pennavini í Færeyjum.
Er hægt að kaupa plakötin
sem verið hafa í Vikunni öðru-
vísi en að kaupa Vikuna, hún
ersvo dýr. Ogsvo að lokum:
Hvernig er skriftin og staf
setningin? Éger 13 ára.
Með kærri kveðju.
Villi.
Skrifaðu færeyska blaðinu Nu
og athugaðu hvort þeir birta
ekki nafnið þitt. Heimilisfangið
hefur Pósturinn því miður ekki
en það ætti að nægja að skrifa
bara: Færeyska vikublaðið Nu,
Þórshöfn Færeyjum. Plakötin í
Vikunni eru ekki seld sér-
stakiega, svo þú verður líklega
að kaupa Vikuna alla til þess að
eignast plakötin. Annars er tals-
vert ódýrara að kaupa Vikuna,
ef þú ert áskrifandi. Skriftin og
stafsetningin er ósköp eðlileg
miðað við aldur en gæti þó verið
betri.
Svo hrikalega
feimin
Kæri Póstur!
Mig langar fyrst til að þakka
Vikunni fyrir skemmtilegt efni,
og mig langar til að bjóða
henni gleðilegt ár, og ég vona,
að hún verði eins góð og árið
1978. En nú er kominn tími til
að byrja á því, sem ég œtlaði
að segja. Þannig er mál með
vexti, að ég er svo hrikalega
feimin. Dœmi get ég nefnt um
það. Þegar ég er á balli, þá get
ég bara alls ekki komið mér á
dansgólfið til að dansa, þótt
mig langi til þess, því eins og
ég sagði, þá er ég mjög feimin.
Kæri Póstur, getur þú gefið
mér gott ráð? Mér líður svo illa
út af þessu, að ég veit bara
ekki, hvað ég á að gera. Svo er
ég líka mjög feimin í skólanum,
og það er það allra versta. Ég
vona að þú getir gefið mér gott
ráð. Svo að lokum, hvað þýða
nöfnin Ólöf, Sigrún, Áslaug og
Selma?
Lengi lifi Pósturinn, bœ, bæ.
Ein nervös.
P.s. Er einhver skóli til hér á
íslandi, sem getur læknað
feimni? Hvar þá?
Pósturinn var að láta Helgu fá
bréfið vegna þess að þú hafði
ekki skrifað nafnið þitt undir
þegar hann sá aumur á þér. Þú
hlýtur að vera hrikalega feimin
fyrst þú þorir ekki einu sinni að
skrifa nafnið þitt á blað. Því
i verður Pósturinn að brjóta sínar
eigin starfsreglur og svara í þetta
sinn. Feimni getur átt sér
margar orsakir og tekið langan
tíma að yfirvinna en ef þú bara
gefst ekki upp ætti sigurinn að
nást. Drífðu þig í dansskóla og
taktu sjálfri þér tak. í hvert
skipti, sem þig langar að segja
eitthvað, en þorir það ekki,
skaltu þvinga sjálfa þig til að
opna munninn. Sennilega
roðnarðu og allt sem þú ætlaðir
að segja kemur öfugt út en þú
kemst yfir það með tímanum.
Um að gera að leggja ekki árar í
bát. Skrifaðu svo Póstinum
aftur og segðu hvernig gengur
og við skulum vona að þá hafir
þú kjark til að setja nafnið þitt
undir bréfið. Feimnisvarnar-
skólar hafa því miður ekki risið
hér á landi enn sem komið er.
Ólöf merkir sú sem erfir
forfeður sína, Sigrún leyndarmál
sigurs, Áslaug goðbjört og
Selma er nafn sem Pósturinn
veit engin deili á hvað uppruna
varðar.
Ég er með kennara
Kæri Póstur!
Ég skrifa þér nú af því að ég á við mikið vandamál að
stríða. Éger 14 ára, að verða 15, og það vill svo til að ég er
ástfangin af 38 ára gömlum manni. Ég var með honum í
sumar og er enn. Ég sé hann svona vikulega, því hann býr
frekar langt frá mér og við höfum ekki mörg tækifæri til að
vera saman. En það er eitt sem er alverst. Hann er kennari
í sama kaupstað og ég bý í. Hann kennir að vísu ekki í
sama skóla, sem betur fer, en margar vinkonur mínar og
vinir eru nemendur hans. Ég veit oft ekki hvernigégáað
koma fram við þau þegar þau tala um skólann og
kennarana og þar á meðal hann. Þau vita öll að ég var hjá
honum í vinnu í sumar, en ekki meira. Þó á ég eina
vinkonu í sama skóla, sem ég treysti fyrir þessu. Henni
finnst hann of gamall (eins og mér) en annars sé ekkert
athugavert við þetta. Þessi maður hefur komið heim og
talað við mömmu og hefur oft alveg verið að glopra út úr
sér að við höfum verið saman. Mömmu líkar ekki við hann
og ég hef heyrt sögur um hans ástarmál. Hann er skilinn og
á tvö börn, strák jafngamlan mér og tíu ára stelpu. Ég frétti
hjá mömmu að hann hefði verið með stelpu fyrir nokkrum
árum og hann hefði kjaftað því um allan bæ. Nú er svo
komið að ég veit ekki hvaða álit ég á að hafa á honum og
hvar ég stend í hans lífi.
Oft hefur mér fundist hann nota mig, en hann segir að svo
sé ekki. Hann elskar mig ekki, en ég veit að honum þykir
mjög vœnt um mig. Ég er Hka hrœdd um að hann fari að
kjafta um mig og sig, en ég er undir lögaldri svo að hann
má passa sig en ekki ég. Ég bið þig, elsku Póstur, að koma
með tillögu. Þetta er kannski einstakt atvik og erfitt að ráða
fram úr þessu, en ég bið þig fyrir aíla muni að birta bréfið.
Jóna Jóns.
P.S. Þetta er ekkert gabb, því ef þú lest bréfið tvisvar, kemstu
að því að þetta er skrifað frá hjartanu.
Því miður, Pósturinn varð strax sannfærður um að þetta væri
ekkert gabb. Til hvers heldur þú sambandi við mann, sem er
miklu eldri en þú og þú ert þar að auki sannfærð um að hann
elskar þig ekki? Líklega elskar þú hann ekki heldur, ef dæma á
eftir því hvernig þú hugsar til hans. Hvað ætlar þú annars að
græða á því að þú skulir vera undir lögaldri en hann ekki? Það
væri langbest fyrir þig að hætta að hugsa um hann, segja
engum frá þessu og bíða eftir auknum þroska. Þá hefur þú alls
engan áhuga á gömlum kennara og ungir menn á þínum aldri
hljóta þá að hafa meira aðdráttarafl fyrir þig.
62 Vlkan 9.tbl.