Vikan - 01.03.1979, Blaðsíða 8

ENDURHÆFING EFTIR FREEPORT
Silfurvatn i
nðgrenni
Rheinback
Lodge.
Ekki skortir
heldur
gróðurínn i
nógrenni
Rheinbeck
Lodge.
því að ástandið sé nú ekki svo slæmt. En
drykkjan var orðin að vandamáli hjá mér,
aðeins 13 ára gömlum. Þetta byrjaði bara
með fikti, kunningi stal áfengi frá föður
sínum ... Sama gamla sagan.
— Ég hef áður reynt að hætta. Ég lenti í
hjónaskilnaði 1976 og tók eftir það feiknar-
lega rispu. Hún endaði með því að ég fór á
Vífilsstaði, en ég veit eiginlega ekki með
hvaða hugarfari það var. Að visu viður-
kenndi ég allt sem þar fór fram en ég held
að ég hafi ekki meðtekið það af fullri
einlægni.
— Síðan flúði ég land, staðráðinn í að
koma aldrei aftur heim. Ég fór til Færeyja
og dvaldist þar í tæp tvö ár.
— En ég kom heim aftur — og fór beint
á Vifilsstaði. í þetta skiptið var ég
staðráðinn i að standa mig. Og stóð við
það, þar til u.þ.b. mánuði áður en ég kom
hingað. Þá datt ég í það, og skyndilega var
eins og ég hefði í einu vetfangi brotið allt
það niður sem mér hafði tekist að byggja
upp. Allt var farið að ganga svo vel, en nú
sótti aftur í sama farið — bara enn verra.
— Ég var síðan rúma viku í Reykjadal
og rúma viku á Freeport áður en ég kom
hingað.
Raunveruleg hjálp
— Ég hef verið í meðferð hjá
geðlæknum og sálfræðingum í fjöldamörg
ár en aldrei fengið neitt út úr því. Hér er
allt tekið miklu fastari tökum. Manni er
kennt að þekkja sjálfan sig, maður neyðist
til að horfast í augu við sjálfan sig án
nokkurra hjálparlyfja. Heima er alltof
algengt að manni séu bara gefnar pillur,
sem eru ekkert annað en önnur tegund af
lífsflótta og algjört eitur fyrir áfengis-
sjúklinga. Þær gefa svipaða vímu,
svokallað „þurrt fyllirí”, meira að segja fólk
sem aldrei hefur bragðað áfengi hagar sér
eins og áfengissjúklingar.
— En hér hef ég fengið raunverulega
hjálp og er bjartsýnn á að ég gangi héðan
út með nægan styrk til að takast á við lífið
eins og það er.
Þeir félagar voru báðir sammála um að
sú starfsemi sem fram fer hér heima, við að
byggja upp prógramm svipað og það sem
Freeport býður upp á, sé afar mikilvæg.
— Við viljum gjarnan leggja hönd á
plóginn eftir að við komum heim, sögðu
8 ViKan 9. tbl.