Vikan - 26.04.1979, Síða 23

02 — Langlinumiðstöðin.
fengið verðlaunaskjal frá Bandaríkjunum
fyrir bestu þjónustuna.
— Sumt af starfsfólkinu úti hefur líka
borið sig eftir að læra íslensku, og við
munum sérstaklega eftir einum íLondon,
sem var orðinn þó nokkuð sleipur í málinu,
þó hann kæmi aldrei hingað. En hann
hafði afskaplega gaman af að æfa sig á
okkur. Hins vegar höfum við fengið starfs-
félaga í heimsókn, bæði frá Finnlandi og
Kanada.
Hefðarfólk og
kvikmyndahetjur
— Það kemur ósjaldan fyrir, að beðið er
um frægt fólk, svo sem kóngafólk, forseta
og kvikmyndastjörnur. Nú upp á síðkastið
hefur t.d. helst verið beðið um goðið John
Travolta. Þetta er ósköp hættulítið, allt
þetta fólk hefur leyninúmer og er ógjörn-
ingur að ná í það. Hins vegar er sérstakur
sími í Hvíta húsinu, sem tekur við svona
samtölum, þar er vörður við símann, og
fólk kemst aldrei lengra. Það hefur þess
vegna ósköp lítið upp á sig að hringja
þangað, þá er fólk fær óviðráðanlega
löngun til að spjalla við Carter. Eiginlega
ekkert nema gífurlegan kostnað. Við gefum
samt samband við þennan síma, ef beðið er
um Carter, og oftast er það svo, að er við
tilkynnum fólkinu, að Hvita húsið sér á
línunni, verður það gripið skelfingu og
afpantar samtalið.
Bundnar
þagnarheiti
— Þar sem við getum heyrt þau símtöl,
sem fram fara, erum við bundnar algjöru
þagnarheiti um það, sem við heyrum. Það
er ekki svo að skilja, að við hlustum á
samtölin, heldur verðum við oft að grípa
inn í, sérstaklega ef skilyrði eru slæm og illa
heyrist, enda er þá tekið tillit til þess við
gerð reikningsins. Eins grípum við stundum
inn í, ef samtalið varir óeðlilega lengi, því
þá getum við ekki varist því að hugsa til
þess, hvert upplitið verði á fólkinu þegar
það fær reikninginn.
— Eftir að sjálfvirka sambandið tekur
við, verður starf okkar óneitanlega miklu
ópersónulegra, því þá hringir fólk bara
sjálft í númerin. Og þetta getur orðið
ýmsum hættulegt, sem ekki gera sér grein
fyrir kostnaðinum. Þess vegna finnst
okkur ekki úr vegi, að kynna hér nokkur af
gjöldunum:
Bandaríkin
Ástralía
Þýskaland, Spánn,
Austur-Evrópa
Luxemburg og
Frakkland
Norðurlönd utan Danmerkur,
ogEngland kr. 580ámín.
Danmörk kr. 550 á mín.
kr. 1.800 á mín.
kr. 1.200 ámín.
kr. 680ámín.
kr. 630ámín.
Lágmarksgjald er 3 mínútur. Við viljum
líka gjarnan benda á, að það borgar sig í
flestum tilfellum að biðja sérstaklega um þá
manneskju, sem maður vill tala við. Að
vísu er tekið einnar mínútu gjald fyrir það,
en þá losnar fólk líka við að bíða kannski
mun lengur í símanum, meðan leitað er að
viðkomandi, ef annar svarar. Og sé við-
komandi ekki heima, er hægt að halda slíku
samtali opnu í heilan sólarhring. Fólk ætti
því aldrei að biðja um sjálft númerið, nema
það sé visst um, að enginn annar svari í
símann.
Rangar hugmyndir
um Reykjavík
— Enn er heldur ekki beint síma-
samband til Færeyja, og enn eru margir
staðir það fámennir þar, að það nægir að
gefa upp nafnið á persónunni, sem beðið er
um. Er hún þá jafnvel sótt á milli húsa, eins
og gert var hérna í gamla daga. Enda var
einu sinni hringt til okkar frá Færeyjum og
sagt: „Hún hefur að vísu ekki síma, en hún
býr i næsta húsi við símstöðina. Getið þið
ekki bara farið og náð í hana?”
— Einn af starfsmönnum
talsambandsins í Kaupmannahöfn spurði
okkur lika einu sinni að því, hvort
Reykjavík væri ekki það lítil, að það nægði
bara fyrir okkur að fara út á tröppur og
kalla!
— Að lokum viljum við svo gjarnan geta
þess, að hér ríkir frábær starfsandi, sem
sýnir sig best í því, að okkur helst alveg sér-
staklega vel á starfsfólki. Flestar, sem af
einhverjum ástæðum þurfa að hætta,
koma venjulega til okkar aftur.
17. tbl. Vlkan 23