Vikan - 24.05.1979, Side 20

íslendingar hafa hundelt
tófuna í rúm 1100 ár og
Á síðari árum hefur loks runnið upp fyrir
mannskepnunni öll sú röskun og eyðing á
náttúrunni sem hún hefur sjálf verið völd að
allt frá upphafi vega, með þeim afleiðingum
að jörðin gerist æ óbyggilegri fyrir sömu
dýrategund.
Stofnuð hafa verið hin margvíslegustu
félög til verndar náttúrunni gegn hættu-
legasta óvini sínum, manninum, allt frá
eigin börnum niður í svokallaðar óæðri
dýrategundir og gróður.
Eitt hið óvenjulegasta slíkra félaga er þó
sennilega Hið íslenska tófuvinafélag sem
stofnað var 1. október 1977. Við báðum því
forseta félagsins, Sigurð Hjartarson, að
segja okkur frá tildrögum og helstu mark-
miðum félagsins.
nú viljum við
snúa dæminu við,
segir Sigurður Hjartarson, forseti Hins
íslenska tófuvinafélags, í spjalli við Vikuna.
— Tildrög eru auðvitað ljós. Tófan
hefur frá upphafi byggðar verið álitin rétt-
dræp í íslensku þjóðfélagi með öllum til-
tækum ráðum. En verði tófunni útrýmt, er
náttúran þar með komin úr jafnvægi. Og
það er á móti þeirri röskun sem við viljum
vinna.
— Tófan var komin hingað á undan
landnámsmönnum, og sú staðreynd að
maðurinn flytur hingað með sitt búfé, ætti
ekki að breyta neinu. Annars er merkilegt,
að þó við höfum þannig búið með þessu
dýri í rúm 1100 ár, hafa engar kerfis-
bundnar rannsóknir farið fram á lífsháttum
hennar. Það er fyrst núna sem ungur
20 Vikan 21. tbl.