Vikan - 20.09.1979, Blaðsíða 21

Og þar líður okkur vel, þótt sól sé hátt á
lofti.
Við lítum vel í kringum okkur áður en
við setjumst. Víðast eru plaststólar, sem
gera okkur rassblaut. Einstaka mann-
vinir í stétt kaffiverta eiga þó tréstóla
eða tágasessustóla frá gömlum tíma. Við
leitum slíka uppi með ratsjáraugum.
Þjónusta á kaffihúsum er yfirleitt góð
í Aþenu. Við fáum óumbeðið ísvatn í
glasi, hvort sem við biðjum um kaffi eða
ouzo, anisbrennivín Grikkja. Síðan
amast enginn við þvi, hvort við drekkum
okkur undir borðið eða höngum yfir
einum kaffibolia í 16 klukkustundir. Við
getum líka fengið að borða ef við
nennum ekki á veitingahús.
Kolonaki torg er notalegast
Einna notalegast fannst mér að sitja
við efri enda Kolonaki torgs um 100
metrum norðan við Þjóðargarðinn og
um 700 metrum vestan Sintagma torgs,
hinnar eiginlegu borgarmiðju.
Bilaumferðin um Kolonaki er miklu
minni en um Sintagma. Torgið með
trjám sinum er eins og vin í eyðimörk.
Þarna fær verslunarstéttin í Aþenu sér
kaffi, enda er helsta verslunarhverfið i
Aþenu milli Kolonaki og Sintagma.
Aþeningar láta túristum eftir Sintagma,
en sitja sjálfir á Kolonaki og i götunni
upp af torginu. Þarna er notalegt að
hanga og horfa á fólk.
A Sintagma er meiri skarkali, þótt
torgið sé stórt og gróðri vaxið. Þar eru
um 3000 stólar fyrir þá, sem þyrstir I
kaffi eða ouzo. Þar sérðu allar tegundir
ferðamanna, frá hippum yfir í kerlingar.
Og þar sérðu snyrtilega Grikki gera
hosur sinar grænar fyrir fallegum ferða-
stelpum — eöa strákum.
Sintagma er miðja Aþenu. Þar eru öll
merkilegustu hótelin. Og þaðan eru
stystar leiðir til allra markmiða okkar,
bæði í fornu og nýju Aþenu. Þess vegna
höngum við ferðamenn þar löngum
stundum og skákum hádegis- og
síðdegissólinni.
Þriðja kaffihúsaþyrpingin er dálítið úr
leið, en getur hentað þeim, sem eru að
fara á Þjóðminjasafnið eða fara þaðan.
Það er Fokinos Negri, tiltölulega falleg
gata, gróðri prýdd. Þar situr hinn
aþenski almenningur yfir kaffi eða ouzo.
Fokinos Negri er meira ekta en
Kolonaki og Sintagma.
Ouzeri-in eru ódýrust
Við megum reikna með að borga um
eða rúmlega 200 krónur fyrir kaffibolla
eða brennivínsglas á gangstéttarkaffi-
húsunum. En það er hægt að komast af
með tæplega helminginn með því að
finna aþenskt ouzeri, sem útleggja mætti
sem brennivínsbúla á íslensku.
Tvær slíkar eru einmitt í næsta
nágrenni hótelanna við Sintagma. Það
eru Apotsos við Venezilou 10 og
Orfanides við Venezilou 7. Sú síðari er í
sömu byggingu og hið sögufræga
Grande Bretagne hótel og hefur nokkur
borð úti á gangstétt, en hin er I enda
undirganga handan götunnar.
Apotsos er talið elsta ouzeri í Aþenu,
frá aldamótum, og innréttingar eru í
samræmi við það. Þetta er kuldalegur
staður marmaraborða á marmaragólfi.
En grískum stjórnmálamönnum og
blaðamönnum þykir svalt og notalegt að
rifast þar I hádeginu yfir hræbillegum
kjötbollum og 100 króna brennivíns-
glösum. Orfanides er nútímalegri staður,
stammbúla margra griskra blaðamanna.
Bæði á Kolonaki og Sintagma eru
kaffihúsin opin sum hver fram á nótt. Á
Kolonaki er það Noufara og á Sintagma
er það Alkion. Ef við viljum svo drekka
kaffi eða ouzo til morguns, er opið allan
sólarhringinn á Byzantine Coffeeshop á
Hilton hótelinu.
Kaffihúsin eru vinjar Aþenu
nútímans. Þar líður okkur vel og þar
semjum við frið við hina ógnþrungnu
gullgrafaraborg.
Jónas Kristjánsson
/ næstu Viku: Hótel er ekki sama og hótel
38. tbl. Vifcan 21