Vikan - 08.11.1979, Blaðsíða 10

birgðir af yngra árgangi niunu liklega
lækka einkunnina.
Ætti aö fá aö sofa lengur
Franska rauðvínið i öðru sæti er líka
Bordeauxvín frá Haut-Medoc, úr
hreppnum Margaux, sem er sunnar við
ána Garonne en hreppurinn Saint-
Julien. Það er vínið Chateau Paveil de
Luze 1976.
Þessi árgangur hefur leyst af hólmi
árganginn 1974, sem prófaður var I
vetur sem leið. Búast hefði mátt við
nokkurri framför milli áranna, því að
1974 var lólegl miðlungsár, en 1976 með
bestu árum á Bordeaux-svæðinu.
Það kom hins vegar í Ijós í prófun
Vikunnar, að nýi árgangurinn var engu
betri og fékk aðeins einkunnina 7. Þetta
vín er líka ekki enn orðið nema þriggja
ára. Og samkvæmt ættgöfgi ætti það að
fá að liggja og sofa nokkur ár til
viðbótar.
Ilmurinn var góður, en bragðið var of
þunnt. Það var að vísu furðanlega milt,
miðað við ungan aldur, en vantaði þann
klassa. sem búast má við af chateau-
vinuni frá Haut Mcdoc. C'hateau Paveil
de Luze skortir nánast kjölfestu.
Eigi að siður eru sæmileg kaup I þessu
vini. þvi að það cr gott og kostar þó ekki
nema 3.100 krónur. Nokkurn veginn
jafngóð frönsk rauðvín fást þó á lægra
verði í Ríkinu.
Alveg nýtt og allt of hrátt
Annað af þremur frönskum rauð-
vinum, er besta útkomu hlutu i vetur
sem leið. má muna fifil sinn fegri.
Árgangurinn 1978 hefur tekið við af
1976 hjá Chateauneuf-du-Pape, Les
C'édrcs, vinbúi á nágrenni Avignon í
Suður-Frakklandi.
Árgangurinn 1976 var I rauninni of
ungur til drykkjar síðasta vetur. Og á
þessum vetri hlýtur árgangurinn 1978
að teljast hreinlega hrár. Kaupmenn
eiga ekki að bjóða upp á aðeins árs-
gamlan Chateauneuf-du-Pape. Ekki Jón
Kjartansson heldur.
Vinið fær þó einkunnina 6,5. Það er
öflugt vin, sem verður drykkjarhæft og
siðan gott, ef flaskan er látin standa opin
í nokkra klukkutima. Að vísu er það
gróft, næstum hart, en um leið persónu-
legt. Það gæti verið gott til geymslu í
kjallaranum. Verðiðer 3.050 krónur.
Meinlaus blanda stóð sig vel
Vegna árgangaskiptanna féll
ofangreint vín niður í fjórða sæti, en upp
I þriðja komst meinleysisieg _______
frá Búrgund, Geisweiler Grand Vin.
sem ekki má rugla saman við hið dýrara
og lakara Geisweiler Reserve.
Vinblanda þessi án árgangs reyndist
hafa dálitla blómaangan, svo og milt og
höfugt bragð, sem bar ekki hinn minnsta
keim aukaefna. Þetta þægilega vin bar
óljós einkenni Búrgundar. var ekki
persónulegt, en minnti á góð „vin
hússins” á erlendum veitingastofum.
Verðið er tiltölulega hagstætt, 2.500
krónur. Einkunnin er 7.
Sjálfur er ég ekki mjög spenntur fyrir
hlutlausum vínum af þessu tagi. Ég
viðurkenni þó, að þau henta vel með
mat, ekki síst ef svo mikið er lagt í
matinn. að vinið má ekki skyggja á
hann. Og raunar ætti þetta vín fáa að
styggja.
Öflugt og jarðbundiö
í fimmta sæti, efst þeirra vína, sem
fengu 6 i einkunn, varð Saint-Emilion
1977, frá samnefndu héraði á norður-
bökkum árinnar Dordogne á Bordeaux-
svæðinu. Verðið á flöskunni er sóma-
samlegt, 2.300 krónur.
Árgangurinn 1977 leysti af hólmi
árgang 1976 í Áfengis- og tóbaksverslun
ríkisins. Það ætti að vera breyting til
hins verra, því að 1976 var mjög góður
árgangur í Bordeaux, en 1977 hins vegar
í tæpu meðallagi.
Saint-Emilion hafði samt ekki tapað
neinu milli ára. Það var öflugt vín og
jarðbundið, ekki eins sætt og árið á
undan og þvi hentugra matarvín. En
það var líka hversdagslegt og þoldi ekki
aðstanda lengi í glasi.
Næst I röðinni, einnig með 6 í
einkunn, varð Paralelle „45", árgangur
1978 frá hliðum árinnar Rhone. Það er
að vísu nokkuð ungt, en er samt i góðu
meðallagi, þægilegt að ilmi og bragði og
kostar ekki nema 2.000 krónur.
Sjöunda vínið var svo Geisweiler
Reserve. árgangur 1977, sem nýlega
hefur tekið við af árgangi 1971. Nýi
árgangurinn er að meðaltali nokkuð
góður hjá Búrgundarvinum, enda er
þetta vín sæmilegt. en hversdagslegt.
Einkunnin er 6 og vcrðið allt of hátt.
2.900 krónur.
Mercurey, án árgangs, frá Búrgund,
kom næst hinna frönsku rauðvína og
fékk 6 i einkunn. Um þetta vín er nánast
ekkert að segja, svo hlutlaust var það.
2.650 krónur er fullhátt verð.
Gróft en gott á vægu verði
í niunda sæti, einnig með 6 í einkunn.
varð dálitið sérkennilegt vin, Chateau de
Saint-Laurent 1976 frá héraðinu
Corbieres í Suður-Frakklandi. Siðasta
vetur var árgangurinn 1975 hér til sölu.
raunar heldur betri en þessi.
Vín þetta hafði örlitla ilman og gróft
en gott bragð. Ef til vill er það ekki við
allra hæfi. Það er þó heiðarlegt og
persónulegt franskt búgarðsvin á einkar
hagstæðu verði, 1.800 krónur flaskan.
Ég gæti látið mér detta í hug að
kaupa þetta vín í kjallarann og bjóða svo
upp á það að ári liðnu í von um, að það
batni á meðan. Og fjárfestingin er ekki
óskapleg. aðeins 21.600 krónur kassinn.
Mikið hrun hefur orðið á Hospices de
Beaune, siðan Cuvée Clos des Avaux,
Beaune 1975, tók viðafCuvée Billardet,
Pommard 1969. Nýja afbrigðið af Hospices
de Beaune er hreinlega ekki í jafnvægi, þótt
einkunnin sé náðarsamlegast 6.
llmurinn ber þess merki, að vínið
hefur ekki náð að eldasl og blandast.
Ekki er vist. að það gerist nokkru sinni,
þvi að árgangurinn 1975 var einkar
lélegur i Búrgund. Vinið var hrátt og
skarpt, en fékk einkunnina sem áhuga-
vert vin. Verðið er uppi í skýjunum.
6.250 krónur flaskan!
Rauður vökvi í glasi.
Það skal tekið fram, að hvorki í þessu
tilviki né öðrum var einkunn gefin eftir
flöskumiðum. í öllum tilvikum var um
„blinda prófun” að ræða. Ég fékk ekki
að vita, hver vínin voru, og varð ein-
göngu að dæma nafnlausan rauðan
vökva í glasi. Ég gat ekki byggt á því,
sem ég vissi um virðingarstiga rauðvína.
Á eftir þessum tíu rauðvinum sem hér
hafa verið rakin, komu fimm, sem
slefuðu í meðaltalseinkunnina 5 og
leljast vera þolanleg. Það voru Le
Vallon Hanappier á 1.800 krónur frá
Bordeaux, Cotes du Rhone Mommesin á
2.100 krónur frá Beaujolais, Chateau
des Jacques 1977 á 2.800 krónur frá
Molin-a-Vent og loks ættlausa vinið
Tervigny á 2.800 krónur. Tvö hin
síðastnefndu eru allt of dýr.
Ekki er ástæða til að mæla með
þessum vínum, en þau má nota í neyð.
Rétt er að benda á, að Chateau des
Jacques hefur heldur betur halaðsig upp
síðan síðast, þegar innihald flösku af ár-
ganginum 1975 reyndist hafa ýldufýlu
og vera ódrykkjarhæft.
Niu frönsk rauðvín féllu i annað sinn í
gæðaprófun Vikunnar. Nöfn þeirra
verða ekki rakin að þessu sinni, enda eru
þau sennilega best gleymd.
Bestu kaupin í frönskum
rauövínum
Ef einkunnir ofangreindra vína eru
bornar saman við verð, ættu bestu
kaupin að vera í Chateau Talbot 1976 á
4.700 krónur, Geisweiler Grand Vin á
2.500 krónur, Saint Emilion 1977 á
2.300 krónur, Paralelle „45” 1978 á
2.000 krónur og Chateau de Saint-
Laurent 1978 á 1.800 krónur.
Vonandi verða þessi verð enn í gildi.
þegar lesendur fá þetta eintak Vikunnar
i hendur. Þótt svo verði ekki, má búast
við, að verðhlutföll verði hin sömu og
áður. Samanburðurinn ætti því að gilda
áfram.
FUNA rafhitunarkatlar
GÓÐ LEIÐ TIL ORKUSPARNADAR
Rafhitunarkatlar af öllum stærðum
mpö og án noysluvatnsspírals.
Gott varð og hagkvæm kjör.
Uppfylla kröfur Öryggiseftirlits
og raffangaprófana ríkisins.
Eingöngu framleiööir með
fullkomnasta öryggisutbiinaði .
|—»FUNA
*^4lOFNAR
HVERAGERÐI
AUSTURMÖRK 9 — SÍMI 4454
Jónas Kristjánsson