Vikan - 08.11.1979, Blaðsíða 19
í svona litlum krúsum koma kóka-kóla undir-
stöðuefnin til íslands. í þeim er tvenns konar
tjara, önnur svört, en hin glær. Úr 50 svona
krúsum fást 7100 lítrar af sírópi sem úr má gera
11.000 kassa af kóka-kóla.
á að þeir sendu sérstakar kóka-kóla sveitir á
vígstöðvarnar til að stappa stálinu í
langþreytta ameriska hermenn þar um
slóðir. Sveitir þessar voru búnar einkennis-
búningum eins og hverjir aðrir hermenn,
nema hvað í barminum voru þeir með
kóka-kóla merkið og voru kallaðir Coca-
cola colonels. Sveitir þessar fóru vítt og
breitt um vígstöðvarnar, tóku viðtöl við
hermenn og fjölskyldur þeirra, sem þar
voru staddar, og höfðu forréttindi á við
blaðamenn. Markmið þeirra var að reyna
að bjarga „móralnum” á staðnum en hann
var í lágmarki urn þessar mundir, menn
þreyttir og vonsviknir. En þegar kóka-kóla
merkið var komið á staðinn var eins og
mönnum ykist kraftur, þeir fundu að þeir
voru að komast heim eða alla vega nær því
en áður. Svona mikið sameiningartákn
var kókið Bandaríkjamönnum. Roosevelt
forseti hlaut ákúrur fyrir að leyfa þetta en
hann svaraði því til að ef eínhver gæti bent
honum á nafn eða hugtak sem væri
þekktara meðal Bandaríkjamanna, þá
skyldi hann viðurkenna mistök sín. En til
þess kom ekki þar sem enginn gat bent á
annað þekktara nafn. Seinna var þetta mál
kannað betur og kom þá í ljós að 90% af
því fólki, sem kóka-kóla ofurstarnir höfðu
rætt við, taldi að návist þeirra, það að sjá
þá á þessum erfiðu tímum og umgangast,
hefði haft bætandi áhrif á sálarlif sitt og því
hafi þótt það vera nær heimaslóðum en
ella. Þetta segir sína sögu um kóka-kóla.
— En hvað er drukkið mikið af þessum
undradrykk hérlendis?
— Við erum ekki vanir að gefa upp
framleiðslutölur, en fyrir stuttu var hér
staddur Spánverji nokkur sem reiknaði út
að hvert mannsbarn drykki eina flösku af
kóka-kóla á dag. Sjálfur drekk ég 3-4
flöskur daglega en stundum enga. Svo eru
aðrir sem drekka 10-12 flöskur.
Nú er kókið búið úr flöskunum, bæði hjá
Pétri og VIKUNNI, þannig að ekki er
lengur til setunnar boðið. En við stóðumst
ekki mátið að spyrja íslenska kóka-kóla
forstjórann hvað hann gerði í frístundum
sinum.
— Ég flýg vítt og breitt um heiminn,
skoða mig um og reyna að njóta þeirra lysti-
semda sem veröldin hefur upp á að bjóða.
Til þeirra hluta er New York best, þar
finnur maður allt það besta sem er að
gerast í heiminum, á hvaða sviði sem er.
Við þökkum fyrir okkur, öslum í
rigningunni út í sjoppu og seljum glerin ...
EJ
45. tbl. Vikan 19