Vikan - 05.02.1981, Page 8

Þetta er svarkortifl sem þeir i Gufunesi senda til staðfestingar 6 þvi að
sending hafi néðst Kvfttun eða QSL-card er það kallað.
Frá Rikisútvarpinu eru þessi kort send til staðfestingar ð þvi að viðkomandi hafi náð útsendingu þess.
Kanadamaðurinn Kirkland var hrifinn af blómskrúðinu á Þingvölium.
Kanada, sendi bréf ekki óáþekkt
mörgum þeim upplýsingabréfum sem
sífellt berast. Svo þegar hann var búinn
að fá svarkortið skrifaði hann aftur, var
stórhrifinn af kortinu og islenskum
kynningarbæklingum, sem honunt
höfðu verið sendir, og sendi mynd af sér
með. Og auðvitað hjá tækjunum sínum.
Auk þess að vera áhugahlustari er hann
líka mikill blómaræktunarmaður í frí-
stundunum.
Þetta eru nokkur dænti um þau
mannlegu samskipti sem geta sprottið af
þvi að hlusta á fjarlægar útvarps-
stöðvar.
Aðeins örlítið brot
En hvaðan koma svo sendingarnar?
Við lögðum leið okkar upp I fjarskipta-
stöðina i Gufunesi, þar sem sending-
arnar leggja í loftið.
Þessar sendingar eru reyndar aðeins
örlítið brot þeirrar starfsemi sem fram
fer í Gufunesi. Þar eru tæki í hverjum
krók og kima og forvitnilegt að litast
um.
„Hér er haft samband við allar flug-
vélar sem leið eiga yfir Atlantshafið,
innan þessara marka," segir Stefán og
sýnir um leið linu á korti af íslandi,
hafinu umhverfis landið og nágranna-
löndin i austri og vestri. Allt, er hlaðið
tækjum og tólum og stöðugar sendingar
út og inn fara fram á enskri tungu.
Fjarskiptastöðin í Gufunesi sér um
samband við flugvélar á leið austur og
vestur um haf, og þá er kallmerkið
Iceland-Radio. Þeir hafa einnig
samband við skipin, eru liður í neti
strandarstöðva Landsímans, sem oft er
getið í útvarpi þegar talað er um
tilkynningaskyldu íslenskra skipa. Þeir
sem vinna við strandarstöðvarnar kalla
þær aldrei öðru nafni.
Kallmerkið til að hafa samband við
skipin er Reykjavík-radíó. Og kallmerkið
sem flestir tengja fjarskiptastöðinni í
Gufunesi, Gufunes-radíó, er svo notað
þegar samband er haft við bíla á landi.
Sendingar á stuttbylgju
En við slítum okkur frá tækjum og
kortum, annarlegum kallmerkjum og
fleiru fróðlegu og tyllum okkur inn á
skrifstofu til Stefáns. Hann ætlar að gera
lesendum smágrein fyrir hvaða tæki
megna að senda útvarpsbylgjur allar
götur suður fyrir höf.
Eins og hann hefur þegar upplýst
okkur um hófust þessar sendingar fyrir
mörgum árum og með þarfir sjómann-
anna okkar í huga fyrst og fremst.
Sendirinn sem nú er notaður, og stýrt
er frá Gufunesi, er á Rjúpnahæð. Við
sjáum tækin best á myndunum með
þessari grein, bæði þau sem notuð eru
við stýringu frá Gufunesi og Marconi-
sendinn á Rjúpnahæð.
Þessar sendingar eru á stuttbylgju og
eru sendar út með 10 kw styrk. Stefán
getur þess í framhjáhlaupi að sendi-
styrkurinn segi svo sem ekki alla söguna
í þessum málum því loftnet og aðstæður
allar og móttakari og móttökuloftnet
koma hér inn i dæmið. Og tíðnisviðið
skiptir mjög miklu máli. Einnig sjálf
senditíðnin. Að hún sé hrein, það er að
segja truflanafrí, er geysimikið atriði.
Talsverðar truflanir eru öðru hverju á
tíðni þeirri sem nú er notuð til
útsendinga, sem að sjálfsögðu veldur
því að sendingarnar nýtast ekki sem
skyldi.
Unnið er að því að fá sem besta mögu-
leika til þess að koma útvarpsdagskránni
til þeirra sem ætlunin er að þjóna.
Áhugahlustarar eru ekki inni í þvi
dæmi, heldur einungis Islendingar
erlendis og sjómenn á hafi úti.
Þar verður að vinna vel að og fylgst er
gjörla með því hvernig þessar sendingar
heyrast á íslendingaslóðum eystra og
vestra.
8 Vikan 6. tbl.