Vikan - 07.02.1985, Page 54

~a Barna
Vikan
Nú er febrúarmánuður genginn í
garð og febrúar hefur aðeins 28
daga. Þótt þessi mánuður sé stysti
mánuður ársins á hann marga
skemmtilega daga. 18. febrúar er
bolludagur og þá er nú eins gott að
eiga bolluvönd til að flengja pabba
og mömmu og fá bollur að launum.
19. febrúar er sprengidagur en þá
borða flestir hér á landi saltkjöt og
baunir eins og þeir geta í sig látið.
Eftir sprengidag kemur svo ösku-
dagur sem er oft mikill fjördagur
hjá ykkur krökkunum. Dagana í
kringum öskudag eru haldin grímu-
böll hér og þar og sumir klæða sig í
grímubúninga á sjálfan öskudaginn
og fara um með öskupokana sína og
slá jafnvel köttinn úr tunnunni.
Það getur verið gaman að útbúa
sjálf grímubúningana eða jafnvel
bara grímu til að bera á öskudaginn.
Það sem þið þurfið er hvítur pappi,
teygja, skæri og litir og kannski
smáhjálp frá eldra heimilisfólki.
Ef þið fáið einhvern til að hjálpa
ykkur við að útbúa reiti á hvítan
pappann (sem verður að vera nógu
stór fyrir andlitið á ykkur) þá getið
þið sjálf teiknað grímurnar. Þegar
þið eruð búin að því klippið þið gat
fyrir augun og tvö lítil göt á
hliðunum til að festa teygjurnar. Að
lokum er ekkert eftir nema að klippa
grímurnar, lita þær og festa
teygjurnar (eða lita þær fyrst og
Bráðum koma
grímuböllin
54 Vlkan 6. tbl.