Vikan - 30.01.1986, Blaðsíða 18

lowe
þess með. Hins vegar er það
oftast svo að viðkomandi heim-
ilar húsleit án undangengins
úrskurðar. Okkur er yfirleitt
vel tekið hjá fólki, þegar slíks er
óskað, enda njóta RLR menn
trausts og velvildar.
Derrick og miðaldra konur
— Svo við snúum okkur að
ímynd leynilögreglumanna þá '
eru þeir alltaf tveir og tveir
saman eins og Derrick og félagi
hans og Poirot og Hastings í
sögum Agöthu Christie. Hvað
eigið þið sameiginlegt með
þessum félögum ykkar?
,,Við eigum það sameigin-
legt að við berum sama eða
svipaðan starfstitil og þeir og
við vinnum að rannsóknum
mála og reynum að upplýsa
þau. í fljótu bragði sé ég nú
ekki annað. Mér sýnist fæst ef
nokkuð, sem þessir menn taka
sér fyrir hendur, gefa mynd af
eða hugmyndir um okkar starf.
Jú, reyndar má nefna kannski
eitt sem við eigum sameigin-
legt með þeim, en það er að við
vinnum eins og þeir á hvaða
tíma sólarhringsins sem er og
þurfum stundum að leggja
nótt við dag við rannsókn
ákveðinna mála.
— Hvað fínnst þér um
Derrick?
,,Um Derrick? Ja, það er nú
eiginlega frekar að spyrja konur
á mínum aldri um hvað þeim
finnist um hann,” segir Helgi
og brosir breitt, ,,mér skilst að
þær séu betur fallnar til þess en
ég. Eg get sagt þér að mér leið-
ist hann frekar og myndir hans
eru ekki í neinu sérstöku upp-
áhaldi hjá mér. Hins vegar er
afslappandi að horfa á myndir
með honum því maður er alltaf
öruggur um leikslokin. Það
væri tilbreyting í því að fá ein-
hvern tíma að sjá mynd þar
sem honum mistekst að leysa
morðgátuna.”
— Er ekki ónotalegt að
þurfa að horfa upp á „erlenda
starfsbræður” sína leysa hin
flóknustu mál á hálftíma?
,, Ekki hef ég nú fundið
fyrir því.”
— Gerið þið eins og Derrick
og félagi hans, að mæta til
dæmis í fimmtugsafmæli ein-
hvers ókunnugs manns, bara
svona, að manni sýnist, til að
athuga stemmninguna?
, ,Nei. það er af og frá að við
gerum slíkt. Eins og ég sagði
gera þessir ,,kollegar” okkar
margt það sem við könnumst
ekki við úr okkar starfi og ég ef-
ast stórlega um að það gefi
mynd af starfi rannsóknarlög-
reglumanna í þeim löndum þar
sem myndirnar eiga þó að ger-
ast.
Toppurinn á ísjakanum
■ — Nú segja margir að það
sé rólegt í glæpamálum hér á
landi og að þið séuð mest að
fást við reiðhjólaþjófnaði og
innbrot í geymslur?
..Það þarf auðvitað að sinna
ýmsum smærri málum og svo
er kannski guði fyrir að þakka
að við erum ekki með stór
glæpamál til úrlausnar á hverj-
um degi. Það er svo alltaf mats-
atriði hvað teljast stór glæpa-
mál og hvað ekki. Rannsóknar-
lögreglan hefur í gegnum árin
fengið mörg og erfið mál til
rannsóknar en frásagnir af öllu
slíku hafa ekki verið á síðurn
blaðanna á þann hátt að al-
menningur átti sig á umfangi
þeirra. Það kann að vera að fólk
sjái þessi mál á svipaðan hátt og
við sjáum toppinn á ísjakan-
um.”
— Geta skrif blaða torveld-
að rannsókn mála?
, Já, það er hugsanlegt. En
þau geta einnig aðstoðað við
rannsókn mála. Lögreglumál fá
mikla umfjöllun í blöðum og
öðrum fjölmiðlum, mun meiri
heldur en maður áttar sig á í
fljótu bragði. Hins vegar vil ég
segja íslenskum blaðamönnum