Vikan - 27.02.1986, Síða 23

CHUCK
NORRIS
Chuck Norris hefur hingað til verið eins
konar samnefnari fyrir þá leikara er gera það
gott í ódýrum hasarmyndum. Þó hefur þetta
álit breyst á síðustu misserum með myndum sem
eru ekki lakari en þær myndir sem Charles
Bronson og fleiri slíkar stjörnur senda frá sér.
Chuck Norris kom sparkandi inn í kvik-
myndirnar. Fyrstu myndir hans voru allar um
karatemeistara sem á í höggi við undirheima-
lýð. Það er engin furða þar sem hann er frægur
karatemeistari. Meðal afreka hans á því sviði
má nefna að árið 1968 varð hann heimsmeistari
í milliþungavikt í karate og hélt þeim titli þar
til 1974. Þá hætti hann ósigraður.
I nýrri myndum sínum hefur Chuck Norris
aftur á móti tekið sér byssu í hönd og lætur
sér nægja að freta andstæðingana niður enda,
mun auðveldari leið en að útjaska líkamanum
að óþörfu. Og þessi karakter hefur svo sannar-
lega fallið bandarískum kvikmyndaáhorfendum
vel í geð. Þessi þögli byssumaður kom fyrst
fram í Missing in Action og strax var gerð
framhaldsmynd af henni. Síðan kom Code of
Silence, þar sem meira að segja gagnrýnendur
tóku hann í sátt. Sá friður stóð stutt því þrátt
fyrir að nýjasta mynd hans, Invasion USA, sé
meðal vinsælustu mynda á seinni hluta síðasta
árs þá hötuðu gagnrýnendur hana og opin-
berlega tóku þeir til baka hrósyrði um Norris.
Svona er þeim málum komið þegar hann er að
leika í nýjustu mynd sinni, Delta Force, þar
sem meðleikari hans er Lee Marvin. Þar leikur
Chuck Norris ofurmenni sem sprengir sér leið
til að frelsa bandaríska gísla í Austurlöndum
nær.
Flestir eru víst sammála um að kvikmyndir
Chuck Norris séu frekar ómerkilegar frá kvik-
myndalegu sjónarmiði. Hvað er það þá sem
gerir þær svo vinsælar sem raun ber vitni? Jú,
Chuck Norris hefur haft vit á því að feta nokk-
urn veginn í fótspor dollaraprinsins Sylvester
Stallone, sem sagt að búa til hetjur sem alla
Bandaríkjamenn dreymir um að verða, frelsa
föðurlandið þrátt fyrir að mannkynssögunni sé
örlítið breytt: samanber vinsældir Missing in
Action myndanna er fjalla um hið tapaða
Víetnamstríð. Bandaríkjamenn eru nú óðum
að vinna það á hvíta tjaldinu, þrátt fyrir gang
sögunnar. Ekki hefur það skaðað feril Chuck
Norris að hann er ákafur stuðningsmaður
Reagans forseta og situr í framboðsnefnd hans
og Norris lætur ekkert tækifæri ónotað til að
lýsa aðdáun sinni á forsetanum.
Um ofbeldi í kvikmyndum sínum segir Norr-
is: „Það er rétt að ofbeldi er mikið. Þó er það
að mestu leyti í sjálfsvörn. Og í lokin er það
alltaf vondi maðurinn sem fær það vel útilátið.
Áhorfendur skilja þetta viðhorf og því fjöl-
menna þeir á myndir mínar. Ég hef miklar
áhyggjur af hryðjuverkum í heiminum. Þess
vegna fjalla tvær nýjustu kvikmyndir mínar,
Invasion USA og Delta Force, um hryðju-
verkamenn og baráttuna gegn þeim.“
Chuck Norris getur þakkað hinum látna
leikara Steve McQueen að hann skuli vera
kvikmyndastjarna í dag: „Það var Steve sem
hvatti mig til að fara að leika í kvikmyndum.
Hann var á tímabili nemandi minn í karate og
um leið og hann hvatti mig til kvikmyndaleiks
gaf hann mér nokkur ráð sem ég hef alltaf farið
eftir: Vertu öruggur um að þegar þú tekur að
þér hlutverk þá hafir þú ekki of mikið að segja.
Láttu aukaleikarana um hið talaða mál. Vertu
samt öruggur um að þær fáu línur, sem þú
segir, skipti máli fyrir kvikmyndina í heild.
Þessu hef ég reynt að fara eftir og byggt upp
persónu eftir persónu á þessu heillaráði.“
I dag er ekki hægt að ganga fram hjá Chuck
Norris þegar talað er um vinsælustu leikarana
vestanhafs. Er hann settur á bekk með Charles
Bronson og Clint Eastwood sem eru ímynd
hinna sterku og þöglu leikara. Þetta er staða
sem fáir reiknuðu með að Chuck Norris næði
í byrjun ferilsins.
Hjá Chuck Norris skipta athafnir meira
máli en orð og leikur hann öll áhættuatriði
sjálfur. Það er Aaron bróðir hans sem hefur
yfirumsjón með áhættuatriðum í þeim myndum
sem hann leikur í. Eitt áhættuatriði í Invasion
USA þótti það gott að Chuck Norris var nýlega
tilnefndur til verðlauna sem áhættuleikari
ársins fyrir þetta eina atriði. „Fyrir mér er
þetta jafnmikill heiður og að verða tilnefndur
til óskarsverðlauna," segir Chuck Norris.
Vikan 9. tbl. 23