Vikan - 27.02.1986, Page 28

yniivos
Fyrir nokkru kom ritstjóri Vik-
unnar að máli við einn okkar
og bað hann að annast viku-
legan þátt í blaðinu um læknis-
fræðileg efni. Verkefnið þótti áhugavert
og ákveðið var að takast á við það en
fara að dæmi fornmanna og safna liði
áður en átök hæfust. Farið var í smiðju
til vina og félaga og þannig myndaður
hópur sérfræðinga úr hinum ýmsu grein-
um læknisfræðinnar. Hópurinn á það
sammerkt að allir útskrifuðumst við frá
læknadeild Háskóla islands sumarið
1975. Að afloknu námi hér heima tvístr-
aðist hópurinn og menn héldu til sérnáms
út í heim en sneru svo aftur heim í fyllingu
tímans, fullir af góðum áformum, reynsl-
unni og þekkingunni ríkari. Allir höfum
við nú haslað okkur völl innan heilbrigð-
isgeirans hver á sínu sviði og glímum þar
við óheilsu fólks og heyjum jafnframt
eigin lífsbaráttu eins og aðrir.
Við teljum fulla þörf á fræðslu- og
spurningaþætti um heilbrigðis-
mál í vikuriti sem þessu og ber
margt til. Líkamleg og andleg
heilbrigði er undirstaða þeirrar lífsham-
ingju sem við öll keppum að. Sjálf berum
við að verulegu leyti ábyrgð á eigin heilsu
og grundvöllur þess að geta axlað þá
ábyrgð er þekking á eigin líkama, einkenn-
um ákveðinna sjúkdóma og vitneskja um
nánasta umhverfi og þær hættur sem þar
leynast.
Heilbrigðismál eru dýr málaflokkur og
miklu fé til þeirra varið. Með sívaxandi
tækni og framförum hefur djúpið milli
þeirra sem ráða yfir tækninni og þekking-
unni og hinna sem eiga að njóta þessa alls
aukist til muna. Læknar og sjúklingar tala
oft ekki sama tungumálið og skilja ekki
hvorir aðra. Læknar kvarta undan fáfræði
fólks um eigin líkama og heilbrigði og
grípa á stundum til útskýringa sem eru
illskiljanlegar. Sjúklingurinn undrast þá
vanhæfni læknisins til að tjá sig og leggur
oft út á verri veg. Afleiðingin verður sú
að bilið milli þessara aðila breikkar. Þetta
bil verður því einungis brúað að til komi
aukin fræðsla og upplýsingaflæði. Orð eru
til alls fyrst og með þáttum þessum viljum
við koma til móts við lesendur Vikunnar
og ræða á síðum blaðsins einstök vandamál
þeirra og auk þess vandamál almenns eðlis
sem varða heilbrigðisþjónustu yfirleitt.
Upplýsingar til almennings í fjölmiðlum
eru því miður oft villandi og stundum er
hroðvirknislega að verki staðið. Greinar
eru stundum þýddar gagnrýnislaust úr
erlendum blöðum, hvort heldur efni þeirra
á við þær aðstæður sem hér ríkja eða ekki.
Því gætir á stundum misskilnings varðandi
nýjustu tækni og framfarir á sviði lækna-
vísinda bæði hér og annars staðar. Fram-
farir í læknisfræði eru auk þess svo örar
að kennslubækur geta ekki fýlgst með og
því erfitt að hafa þá yfirsýn sem nauðsyn
krefur. I þessum þáttum ætlum við að
reyna að kynna þær nýjungar sem okkur
þykja áhugaverðastar hverju sinni. Viljum
við leitast við að svara spurningum lesenda
um læknisfræðileg efni, bæði um einstök
heilsufarsleg vandræði fólks, svo og yfir-
gripsmeiri mál. Við förum ekki í launkofa
með að við erum skeikulir eins og aðrir
og álit okkar verður aldrei annað en skoð-
un þessa hóps á einhverju tilteknu máli
en enginn stóridómur um neitt. Við ýtum
hér með úr vör og lýsum eftir spurningum
frá lesendum um allt mögulegt sem varðar
læknisfræði og heilbrigði.
GESTUR ÞORGEIRSSON
HELGIKRISTBJARNARSON
JÓHANN ÁGÚST SIGURÐSSON
LEIFUR BÁRÐARSON
ÓTTAR GUÐMUNDSSON
SIGURÐUR GUÐMUNDSSON
28 Vikan9. tbl.