Vikan - 17.09.1987, Blaðsíða 31

Umsjón: Hilmar Karlsson
Max kostaði aðeins 30 þúsundj
dollara eða 1,2 milljónir íslensk-
ar, sem þykir ekki mikið, mein
að segja lítið á íslenska vísu.
Mad Max hefur aftur á móti
skilað 100 milljónum dollara
kassann fyrir framleiðendu
myndarinnar.
Mad Max gerði Mel Gibso:
þekktan. Hann lék næst þroska-|
heftan mann í Tim og fyrir þa<
hlutverk fékk hann verðlau
áströlsku kvikmyndaakademí-j
unnar sem besti leikari það árið.
Ekki stóð hann sig verr í hinn
rómuðu mynd Peters Weir.
Gallipoli. Það var svo Mad Ma:
II sem gerði hann heimsfrægan.
Stóðu honum nú allar dy
opnar. Hann lék næst i Tb
Year of Living Dangerousl
undir stjórn Peters Weir. Þar e:
hann í hlutverki blaðamann
sem lendir í miðjum átöku
skæruliða og stjórnarsinna
Indónesíu. Virkilega mögnu'
kvikmynd.
Nú lá leið hans yfir hafið
Fyrst lék hann i endurgerð Upp-
reisnarinnar á Bounty, lék
Christian og fetaði þar í fótspor
Clarks Gable og Marlons
Brando. Tók nú hver myndin
við af annarri. í The River lék
hann bónda á móti Sissy Spac-
ek. Hann lék sakamann á móti
Diane Keaton í Mrs. Soffel
Þrátt fyrir að þessar þrjái
inyndir séu gæðamyndir gengu
þær illa. Það er aftur á móti
ekki hægt að segja um síðustu
tvær myndir hans, Mad Max
Beyond Thunderdome, þar sem
hann endurtók hlutverk mótor-
hjólatöffarans í þriðja skiptið
og Lethal Weapon sem verið
hefur vinsælasta myndin vestan
hafs undanfarna mánuði og
ástæða þótti til að sýna samtím-
is i tveimur kvikmyndahúsum
hérlendis.
í Lethal Weapon tekst Mel
Gibson aldeilis vel upp í hlut-
verki lögreglu sem teflir á tvær
hættur. Tekst honum að lýsa
lögreglumanninum Martin
Riggs á mannúðlegan hátt, innri
baráttu sem ytri. Nokkuð sem
minni leikurunum myndi aldrei
takast svo vel færi.
Aðeins þrjátíu og eins árs hef-
ur Mel Gibson afrekað mikið.
Það er samt öruggt að hann á
eftir að láta mikið að sér kveða
í framtíðinni því hér er á ferð-
inni leikari sem bæði er glæsileg-
ur og býr yfir miklum leikhæfi-
leikum.
PRISONERS OF WAR ★ ★
Leikstjóri: Buzz Kulik.
Aðalleikarar: Susan Sarandon og Kristy McNichol.
Sýningartimi: 95 mín. - Utgefandi: Steinar.
Prisoners of War gerist í seinni heimsstyrjöldinni. Segir þar af bandarísk-
um hjúkrunarkonum sem Japanir taka til fanga. Susan Sarandon leikur
Maggie Jessop sem af yfirmanni fangabúðanna er sagt að bera ábyrgð á
öðrum föngum. Grimmd japönsku fangavarðanna er mikil og hefur Maggie
í nógu að snúast við að reyna að vernda félaga sína. Prisoners tíf War er
ekki mjög merkileg kvikmynd. Oft í tíðum verður myndin að melódrama-
tískri vellu þar sem gamlar handritsklisjur eru ofnotaðar. Mikil áhersla er
lögð á hugrekki kvennanna og um leið grimmdina hjá Japönum. Þrátt fyr-
ir ýmsa galla er Prisoners of War ekki leiðinleg kvikmynd, heimsstyrjöldin
síðari er bara orðin svo útjaskað efni að ekkert nýtt getur komið fram.
Hin ágæta leikkona Susan Sarandon stendur upp úr leikaraliðinu og sú
eina er gerir sína persónu sannfærandi.
SURVIVOR ★ ★
Leikstjóri: Michael Shackleton.
Aðalleikarar: Chip Mayer, Sue Kiel og Richard Moll.
Sýningartími: 103 mín. - Útgefandi: Laugarásbíó.
Þær eru orðnar nokkrar, kvikmyndirnar er látnar eru gerast eftir að kjarn-
orkustyrjöld hefur nær eytt öllu lífi á jörðu, og er Survivor ein þeirra. í
uppbyggingu minnir hún helst á Mad Max myndirnar. Geimfari sá er vitni
varð að því er kjarnorkusprengjur eyddu lífi á jörðinni er kominn til jarðar
og leitar að öðrum lifandi manneskjum. Eftir átök við ræningja og annað
illþýði nær hann til gamals raforkuvers þar sem hópur manna hefur tekið
sér bólfestu. Þar ræður ríkjum hermaður sem beygir aðra til hlýðni við sig.
Uppgjör mannanna tveggja er óumflýjanlegt og þótt geimfarinn hafi sigur
er okkur orðið ljóst að fólkið á enga framtíð fyrir sér. Survivor er að
nokkru leyti ágætlega gerð mynd. Kvikmyndataka er til að mynda mjög
góð og myndin er spennandi, en eins og með margar álíka myndir lenda
handritshöfundar í vandræðum og lausnir þeirra eru ekki merkilegar.
I.F.O. ★
Leikstjóri: Ulli Lommel.
Aöalleikarar: Carey Shearer og Kim Kincaid.
Sýningartími: 86 mín. - Útgefandi: Steinar.
I .F. O. er þvílík endemis þvæla að þrátt fyrir sniðuga hugmynd er ekkert
sem getur bjargað myndinni. Aðalleikarinn er lítill flúgandi hlutur sem lík-
ist mest þyrlu. Þessi þyrla er þó tölvuknúið vopn sem nokkrir vísindamenn
hafa hannað. Gallinn við hlutinn er bara sá að hann getur hugsað og er
ekkert ánægður með að vera haldið innandyra. Því er það að þegar forvit-
inn, tölvusjúkur skólastrákur finnur þennan undrahlut og startar honum
óvart er hann fljótur að hverfa á brott og hans fyrsta verk er náttúrlega
að gera þá sem hönnuðu hann óvirka. Annars er húmor í hlutnum og sér
hann oft á tíðum meinlegu hliðarnar á mannfólkinu... Stærsti gallinn við
I.F. O. er þessi undrahlutur er líkist þyrlu, að öllu leyti svo illa gerður að
ég held meira að segja að krakkar myndu ekki nenna að leika sér með
hann og leikararnir í myndinni ættu sem fyrst að snúa sér að einhverju öðru.
SSSSNAKE ★
Leikstjóri: Bernard L. Kowalski.
Aðalleikarar: Strother Martin, Dirk Benedict og Heather Menzies.
Sýningartími: 94 mín. - Útgefandi: Laugarásbíó.
Er hægt að breyta hugsandi manni í hugsandi kóbraslöngu. Ábyggilega
ekki, myndu allir heilvita menn hugsa með sér, en dr. Stoner, sem er aðal-
persóna Ssssnake, er á öðru máli og hefur eytt ævi sinni í tilraunir í þessa
átt og er mannslífið honum engin hindrun. Nýjasta fórnarlamb dr. Stoner
er háskólastúdent, Blake að nafni. Stoner telur sig vera búinn að fullkomna
tilraun sína og sprautar hvað eftir annað í Blake einhverju sem hann segir
vera mótefni gegn snákabiti... Sjálfsagt hefur verið ætlun aðstandenda
myndarinnar að hræða áhorfendur upp úr skónum en það tekst svo sannar-
lega ekki, til þess er myndin alltof illa gerð og hugmyndin gengur út yfir
allt sem þolanlegt er. Arangurinn verður dýr mistök þar sem eina ánægjan
er að sjá og fræðast um hinar ýmsu tegundir snáka, hættulega sem hættu-
lausa.
3a TBL VIKAN 31