Vikan - 16.05.1991, Blaðsíða 6

TEXTI: ÞORSTEINN ERLINGSSON / LITLJÓSM.: M, HJÖRLEIFSSON
Feguröardrottning íslands 1990, Ásta Sigríður Elnarsdóttir, krýnir arftaka sinn, Svövu Haraldsdóttur. Til vinstri situr Sigrún
Eva Kristinsdóttir sem hreppti 2. sæti og t.h. Sólveig Kristjánsdóttir í 3. sæti.
VANN VIÐ AÐ ÞRÍFA
EFTIR FÆÐINGAR
Svava Haraldsdóttir var kjörin ungfrú
ísland 1991 með pompi og prakt á
Hótel íslandi föstudagskvöldið 3.
maí. Svava er vel að sigrinum komin
þar sem hún hefur allt til að bera til að
hljóta þennan titil og margir spá henni frama í
sams konar keppnum sem bíða hennar á er-
lendri grund.
Svava er átján ára Reykjavíkurmær, fædd í
Keflavík á því herrans ári 1972, dóttir Haraldar
Þórs Skarphéðinssonar garðyrkjufræðings og
Hafrúnar Albertsdóttur húsmóður.
( Keflavík stundaði Svava nám í Barnaskóla
Keflavíkur og eitt ár í Gagnfræðaskólanum
þar. Á sumrin vann hún stundum í fiski í Garð-
inum eða í Grindavík og var þá aðalstarfinn að
skrúbba humar, pakka ferskfiski eða raða salt-
fiski f stæður. Störf af þessu tagi líkaði henni
þó ekkert sérstaklega vel þannig að starfsferill-
inn varð ekki ýkja langur. Hún var lengst af í
því að passa börn. Einnig vann hún hjá kirkju-
görðum Reykjavíkurborgar við viðhald á Foss-
vogskirkjugarði. Á Landspítalanum vann hún
ýmis störf, meðal annars að þrífa eftir fæðing-
ar, þríf á vökudeildinni, býtibúrinu og sem
deildarritari þvagfæradeildar Landspítalans.
Foreldrar Svövu slitu samvistum þegar hún
var fjögurra ára. (Keflavík átti hún heima til níu
ára aldurs. Þá flutti hún í fyrsta sinn til Reykja-
víkur en þar hafði faðir hennar búið um árabil.
Þegar til Reykjavíkur kom gat hún ekki gert
það upp við sig hvort hún vildi búa þar eða í
Keflavík þar sem móðir hennar bjó. Það varð
því þannig að næstu þrjú árin flutti hún nokkr-
um sinnum á milli þessara tveggja staða. Á
Svava og Sigurveig Guömundsdóttir ganga fram
á sviöið á Hótel íslandi í sundbolum.
tólfta ári ákvað hún endanlega að hún vildi búa
í Reykjavík.
( Reykjavík gekk hún í ýmsa skóla, svo sem
Hlíðaskóla og Laugalækjarskóla sem henni
líkaði ekki alls kostar. Hún flutti því ásamt vin-
konum sínum yfir í Hvassaleitisskólann og var
þar í áttunda og níunda bekk. Eftir níunda-
bekkjarprófið fór hún í eitt ár til Rhode Island í
Bandaríkjunum þar sem hún bjó hjá föður sín-
um sem hafði flutt þangað þar sem stjúpmóðir
Svövu var í doktorsnámi í hjúkrun og stundaði
Svava nám í menntaskóla þar.
Var þaö ekki skemmtileg reynsla?
„Nei, það var ekkert sérstaklega skemmti-
legt,“ segir Svava. „Mér fannst skólinn hræöi-
lega leiðinlegur en fyrir utan hann var mjög
gaman að vera þarna. Þetta var mjög góð
reynsla fyrir mig og var mikil lyftistöng fyrir
enskukunnáttuna. Ég fór aftur þangað síðasta
sumar og var þá bara að slappa af og passa
hálfsystkini mín. Veðrið var mjög gott og það
var mjög gaman að vera þarna."
Eftir að Svava kom frá Bandaríkjunum bjó
hún hálft ár hjá vinkonu sinni í Reykjavík eða
þangaö til Ragnheiður Eiríksdóttir, stjúpsystir
hennar, sem er á fyrsta ári í hjúkrunarfræði, og
kærasti Ragnheiðar, Jóhann Pálmason garð-
yrkjumaður, sem bæði eru um tvítugt, hófu
búskap í íbúð sem móðir Ragnheiðar og faðir
Svövu eiga saman í Hraunbænum og hefur
hún búið þar með þeim síðan.
LANGAR AÐ SKOÐA
JÖKULSÁRGLJÚFUR
Núna stundar Svava nám í Menntaskólanum
við Hamrahlíð á náttúrusviði og vinnur með
skólanum aðra hverja helgi og eitt kvöld í viku
Frh. á næstu opnu

6 VIKAN 10. TBL. 1991