Vikan - 19.09.1991, Page 64

SNYRTING
HELENA RUBINSTEIN
Haustlitirnir sóttir
til náttúrunnar
Haustlitirnir frá Helena
Rubinstein eru sóttir
til náttúrunnar. Eðlileg
og falleg förðun er ríkjandi
þetta haustið.
Nýju litirnir í augnskuggum
eru annars vegar heitur brons
með djúpum lit. Mjó lína er
dregin umhverfis augun með
svörtum blýanti og augnhárin
virðast þéttari með svörtum
augnháralit. Kinnaliturinn
Spicy Chestnut fer vel með
þessum litum.
Hins vegar er bjartur fjólu-
blár litur með djúpum plómulit
og augnblýanturinn Night
Violet er notaður umhverfis
augun. Á augnhárin er notaður
Black Amethyst, mjög dökkur
plómulitur.
Með þessum litum má til
dæmis nota farða númer 22
eða 12 (Contact Finish) og
litlaust púður númer 06.
Varir og neglur verða ekki
útundan. Terra, brúngylltur
jarðarlitur, og Precious Plum,
bjartur plómulitur, eru nýir litir
sem fara vel með áðurnefnd-
um litum. □
ROUG
ABSO
Nýr varalitur
frá Lancome
£ ROUGE ABSOLU línuna
I frá Lancome hafa nú bæst
I við hvorki fleiri né færri en
tuttugu nýir varalitir - í öllum
regnbogans litum, allt frá
bleikum og orangetónum upp í
brúna og rauða tóna.
ROUGE ABSOLU varalitirn-
ir innihalda E-vítamín í ríkum
mæli og vörn gegn skaölegum
sólargeislum. Þeir innihalda
jurtaolíur sem eiga að gera þá
mjög næringarríka.
Varalitirnir koma í svörtu
hulstri með gylltri rönd. □
64 VIKAN 19. TBL. 1991