Vikan - 14.11.1991, Side 72

TEXTI OG MYNDIR: FRÍÐA BJÖRNSDÓTTIR
KEISARALEG
HABSBORGARA-TERTA
Það er alls ekki sama í
hvers konar umhverfi
við njótum góðs matar
eða annarra kræsinga. Það
getur því vel verið að hin keis-
aralega - konunglega Habs-
borgaraterta frá Gmunden hafi
smakkast enn betur en ella
þegar ég fékk mér sneið af
henni um borð í elsta hjóla-
skipi í heimi, sem kynt er meö
kolum. Gisela heitir þetta
fræga skip og siglir enn með
káta ferðamenn á Traunsee í
Austria
Imperialis
i
-W
Skjaldarmerki
keisaraættarinnar.
Hin uppruna-
lega Habs-
borgaraterta
frá Gmunden.
Uppskriftin er
frá dögum
keisaranna.
Þeir komu
gjarnan og
nutu hvíldar í
Gmunden sem
er þekktur
ferðamanna-
staður fyrr og
nú.
iiBSáSé
Það var um borð í Giselu sem tækifæri gafst til að gæða sér á tertunni sem tileinkuð
var Habsborgaraættinni - ætt fyrrum Austurríkiskeisara. Gisela er hjólaskip, knúið
áfram af gufu sem myndast þegar kynt er undir vatnskötlunum með kolum. Gisela
hélt upp á 120 ára afmæli sitt í september siðastliðnum og er elsta skip sinnar
tegundar í heiminum. Hún ber nafn elstu dóttur Franz Jóseps Austurríkiskeisara.
Austurríki.
Til þess að gefa lesendum
kost á að reyna sjálfir tertuna
bað ég um uppskriftina og hin-
ir keisaralegu bakarar í
Gmunden sögðu fátt gleðja sig
meira en fá tækifæri til þess að
leyfa lesendum Vikunnar að
reyna sig við baksturinn. Upp-
skriftin er eiginlega svo einföld
að undrum sætir. Rétt er þó að
taka fram að engar leiðbein-
ingar fylgja með um hvernig
hana skuli skreyta, líklega
vegna þess að það er ekki á
færi annarra en keisaralegra
bakara að koma merki aust-
urrísku keisarafjölskyldunnar
almennilega til skila úr súkku-
laði ofan á marsipanhúðaða
^ kökuna.
-n Hér kemur uppskriftin og nú
| er bara að sjá hvernig bakstur-
| inn tekst á ósköp venjulegum
fj. íslenskum heimilum, þar sem
s lítið er um konunglegt blóð í
o æðum bakaranna:
|
□. 150 grömm marsipan
— 8 eggjarauður
90 grömm smjör
8 eggjahvítur
200 grömm sykur
150 grömm hveiti
150 grömm saxaðar hnetur
150 grömm saxað súkkulaði
75 grömm saxaðir, sykraðir
ávextir (appelsínubörkur,
sítrónubörkur, kirsuber og
grasker) sítróna, vanillusykur
og ögn at salti.
Marsipanið og eggjarauðurnar
er hrært vandlega saman,
smjörið hrært en ekki um of og
því síðan bætt út í. Eggjahvít-
ur og sykur stífþeytt, öllum
aukaefnum bætt út í eggja-
hræruna og aö síðustu stíf-
þeyttum eggjahvítunum og
sykrinum.
Kakan er bökuð í einu móti
við þann hita sem venjulega er
notaður við bakstur á kökum
af þessari stærð og þykkt.
Kannið hvort kakan er bökuð
með því að stinga í hana
prjóni. Ef hann hreinsar sig er
hún tilbúin.
Skreytinguna leggjum við
alfarið á herðar hvers og eins
en auðvitað gætu menn reynt
að teikna upp skjaldarmerki
keisarafjölskyldunnar svo tert-
an verði ekki bara góð á
bragðið heldur líka glæsileg,
eftir að marsipanhúð hefur
verið sett ofan á hana og
súkkulaðihjúpur á hliðarnar,
eins og sést á myndinni að
gert hefur verið.
72 VIKAN 23. TBL. 1991