Vikan - 14.11.1991, Page 99

þyrftu að geta skipt fríinu í
tvennt - hluta að sumri og
hluta að vetri. Þó að nokkur
þúsund manns fari í frí að vetri
til er það ósköp fátt í sjálfu sér.
Sjálfri finnst mér það jaðra við
guðlast að fara í frí til útlanda í
júní, júlí og ágúst, þó er ég
búin að vinna að ferðamálum í
aldarfjórðung."
Kristín fullyrðir að Kanarí-
eyjar séu hagkvæmasti kost-
urinn fyrir íslendinga á vet-
urna, ætli þeir að fara í mildara
loftslag. „Ef þeir hyggjast fara
lengra suður á bóginn verður
ferðin umtalsvert dýrari. Það
er nefnilega svo skemmtilegt
við veðurfarið á Kanaríeyjum
á veturna að hitinn er afar
þægilegur fyrir okkur íslend-
inga, í kringum 20 gráðurnar.
Það er því ekki neinn steikj-
andi hiti. Segja má að loftslag-
ið sé kjörið til útivistar, hvort
sem er að liggja í sólbaði, án
þess að eiga á hættu að stikna
úr hita, eða að stunda íþróttir—
golf sem gönguferðir.
Aðspurð um það hvers kon-
ar fólk fari í vetrarferðirnar
segir hún að flestir farþeganna
í Kanaríeyjaferðunum séu fólk
sem hefur komið börnum sín-
um á legg og jafnvel komið á
eftirlaun. Ástæðuna segir hún
vera þá að almennt komist fólk
ekki í frí yfir vetrartímann - í
jólaferðina fari aftur á móti fólk
á öllum aldri og þar á meðal
fjöldi foreldra með börn sín.
í GÓÐU YFIRLÆTI
Algengt er að eldra fólkið dvelji
þarna í fimm til sex vikur í
góðu yfirlæti. Með því móti
styttir það skammdegið
umtalsvert og kemur endur-
nært til baka að fríinu loknu.
Þarna býr fólk mjög skemmti-
lega og séð er til þess að allir
finni eitthvað við sitt hæfi. Það
hefur orðið æ algengara að
ferðamenn stundi einhvers
konar íþróttir meðan á fríinu
stendur og eru margir kostir í
boði. Nefna má að á Kanarí-
eyjum eru afbragðs golfvellir.
Þar má einnig iðka tennisleik
eða hnit, sund eða blak, sjó-
skíði og siglingar svo fátt eitt
sé nefnt. Það er heldur ekki
amalegt að stunda gönguferð-
ir um eyjarnar, þó ekki sé ann-
að - og skokka."
Þegar Kristín er spurð að
því hvort aðeins sé búið á
fyrsta flokks hótelum í ferðum
þessum svarar hún því til að í
' raun sé varla lengur um eigin-
leg hótel að ræða. „Nú á tím-
um er algengast að gestir eyj-
anna búi í hótelíbúðum eða
svokölluðum „bungalóum".
Þetta er mun hagkvæmari
kostur en að dvelja um lengri
eða skemmri tíma á hóteli. [
íbúðunum eru fullkomin eld-
hús og geta dvalargestir haft
sína hentisemi í eldamennsk-
unni. Unnt er að kaupa í mat-
inn á lágu verði auk þess sem
um er að ræða fjölmarga
ódýra og góða matsölustaði.
íslendingar eru farnir að
leggja mikið upp úr því að nota
fríið í sólarlöndum til annars
en að liggja einungis í sólbaði.
Þeir vilja hafa sem flesta
möguleika bæði til þess að
hreyfa sig og skoða sig um. í
raun eru möguleikarnir ótæm-
andi á Kanaríeyjum þó svo að
landsvæðið sé ekki stórt. Á
síðustu árum hefur verið kom-
ið upp feiknagóðri aðstöðu til
heilsuræktar og dægra-
styttingar fyrir unga og gamla.
Við bjóðum síðan bæði upp á
ferðir innan eyjanna og í stutt-
ar flugferðir yfir til Afríku. Þær
eru afar vinsælar meðal far-
þega okkar.
ÍSLENDINGAR VEL
SÉÐIR OG VINSÆLIR
íslendingar vilja nota ferðina
út í hörgul. Það heyrir nú til al-
gjörra undantekninga að sjá
vín á fólki en því miður var
drykkjuskapur áberandi fyrr á
árum. Á Kanaríeyjum jafnt
sem annars staðar eru íslend-
ingar vel séðir. Þeir eru þekktir
fyrir að njóta lífsins og því eru
þeir aufúsugestir bæði í versl-
unum sem á veitingahúsum.
Þeir eru líka vinsælir fyrir það
að þeir koma mjög kurteislega
fram við þjónustufólk á hótel-
unum til dæmis, á jafnréttis-
grundvelli. íslendingar fá því
ávallt mjög góðar móttökur og
þeirra er sárt saknað þegar
þeir halda heim á leið.
Nefna má nokkrar af þeim
ferðum sem fararstjórar Ver-
aldar bjóða fólki sínu upp á.
Þar á meðal er vinsæl dags-
ferð til Gambíu, þar sem farið
er með hópana til dæmis í
ævintýralega safaríferð. Einn-
ig er farið í stuttar og skemmti-
legar ferðir innan eyjanna og
þar á meðal er verslunar-
leiðangur til höfuðborgarinnar,
Las Palmas. Borgarlífið er
vissulega spennandi og tölu-
verð tilbreyting frá bað-
stranda- og hótelbæjunum,
þar sem allt snýst um ferða-
menn.“
Glæsilegt úrval af nærfatnaði
23. TBL. 1991 VIKAN 99