Vikan - 07.10.1993, Blaðsíða 64

UÓSM.: OG TEXTI: GÍSLIEGILL HRAFNSSON
Iþessari Viku birtum við
myndir af sýningu á haust-
og vetrartískunni hjá Soniu
Rykiel í París. Óhætt er að
segja að Sonia sé í hópi þekkt-
ustu fatahönnuða Frakka. Hún
skipaði sér þar á bekk strax í
upphafi ferils síns á sjöunda
áratugnum. Hún hefur reyndar
ekki einungis verið áberandi í
tfskuheiminum því hún hefur
lagt sinn skerf til menningar-
mála og óhrædd veitt ýmsum
baráttumálum liðsinni sitt.
Það var snemma á sjöunda
áratugnum að hún vakti fyrst
athygli með frumlegum út-
færslum á prjónafatnaði og
kjólum fyrir vanfærar konur.
Þessi fatnaður öðlaðist strax
miklar vinsældir og nafn
hennar varð á allra vörum í
tískuheiminum jafnt í heima-
landi hennar, Frakklandi, sem
og utan þess. f Bandarfkjun-
um fékk hún viðurnefnið
„prjónadrottningin". En þó að
fatnaður hennar teljist sfgildur
og hönnun hennar sé ekki
byltingarkennd má rekja
nokkrar athyglisverðar nýj-
ungar í hönnun til hennar, svo
sem úthverfa sauma. Hún var
einnig fyrsti tískuhönnuðurinn
sem sórhannaði fatnað fyrir
vörulista en það gerði hún fyr-
ir 3 Suisses árið 1977.
Sonia Rykiel hefur oftsinnis
verið kjörin á lista yfir best
klæddu konur heims og hún er
meðlimur í og stjórnar hinum
furðulegustu klúbbum. Til
dæmis er hún forseti Lista- og
vínakademíunnar, meðlimur f
klúbbi áhugamanna um
Havanavindla, á sæti í
Súkkulaðisælkeraklúbbnum og
fleira í þeim dúr. □
64 VIKAN 20.TBL. 1993