Vikan - 20.09.1995, Qupperneq 31
Ef þú ert til dæmis að
vinna að verkefni um efni
eins og miðborgir getur þú
viðað að þér upplýsingum
samhliða því sem verkinu
miðar áfram, skrifað hjá þér
heimildir eða einstakar nyt-
samlegar staðreyndir eins
og um húsnæði, samgöngur,
ríkisstjórn, glæpi, atvinnu,
helstu kaupstaði á íslandi
o.s.frv.
Spjaldskrár eru ekki ein-
ungis ákjósanlegar til geyma
allar upplýsingar á öruggum
stað. Þegar þú bætir upplýs-
ingum i sífellu við í skrána
færðu einnig skýrari mynd af
því hvernig best er að skipu-
leggja upplýsingarnar þegar
kemur að því að skrifa sjálfa
ritgerðina.
4. Gerðu tímaáætlanir
Tímaáætlanir auðvelda
þér að nýta sem best þann
tíma sem þú hefur. Þær
koma gagnlegu skipulagi á
dagleg störf. Og þegar þú
gerir þær taktu til greina að
þú afkastar meiru á ákveðn-
um tímum dags en öðrum.
SKIPULAGNING
TÍMAÁÆTLUNAR
Tímaáætlun þín byggist
eingöngu á persónulegri
stundaskrá. Aðalmarkmiðið
með tímaáætlun er að skipu-
leggja tímann með hliðsjón af
þörfum þínum, aðstæðum og
vinnuaðferðum.
Finndu út hversu mikinn
tíma þú þarft í heimanám.
Kennarar þínir munu án efa
hjálpa þér, annaðhvort með
því að útbúa fyrir þig áætlun
yfir heimanám eða með því
að benda á hversu miklum
tíma þú ættir að verja í hverja
grein fyrir sig yfir vikuna.
Tímaáætlanir ættu ekki að-
eins að gera ráð fyrir tíma til
ritgerðarskrifta, til að skrá
glósur, gera verkefni o.s.frv.
heldur einnig til að læra eitt-
hvað nýtt. Ekki er víst að
kennarar geri ráð fyrir þess-
um hluta í heimavinnuáætlun-
um en það er nauðsynlegt ef
þú ætlar að læra eitthvað nýtt
með eins góðum árangri og
mögulegt er (sjá bls. 38, 6
skref til ítarlegs náms).
Ef þú lærir einn eða í gegn-
um bréfaskóla skaltu fylgja
leiðbeiningum kennaranna.
Skrifaðu niður það sem þér
að gert að skila fyrir vikulokin.
Reiknaðu út hversu langan
tíma það mun taka þig að
Ijúka því. Sá tími ásamt
námstíma er samanlagt sá
tími sem að námstímaáætlun
þín ætti að gera ráð fyrir.
Skiptu tímanum sem þú
hefur upp f 30-45 mínútna
vinnustundir eftir því hvað þú
heldur einbeitingunni lengi
(því eldri sem námsmaðurinn
er því lengur getur hann hald-
ið einbeitingu).
Deildu niður vinnu- og
námstímum á hverja grein.
Reyndu að halda reglulega
tímaáætlun án breytinga því
kunnugleg vinnubrögð létta
þér verkin.
Gerðu ráð fyrir máltíðum.
Taktu frá tíma með reglu-
legu millibili fyrir likamsrækt
og útiveru.
Gerðu það sem mestu máli
skiptir á þeim tímum dagsins
þegar þú ert ferskastur og
orkan er mest.
Gerðu það sem minna máli
skiptir, og taktu þér hvíld, þeg-
ar einbeitingin fer að dvína.
(Þú ættir nú þegar að vita
hvenær þú afkastar mestu
eftir að hafa gert æfinguna
þar sem þú skráðir styrkleik-
ana og veikleikana þína).
Ef þú hefur öðrum skyldum
að gegna þá annaðhvort:
(a) gefðu þér tima frá nám-
inu og semdu sérstaka tíma-
áætlun fyrir önnur verk eða
(b) gerðu tímaáætlun yfir allt
sem við kemur þessum og
öðrum skuldbindingum.
Hengdu tímaáætlunina
þína upp þar sem hún blasir
við.
Notaðu tímaáætlunina
samhliða lista yfir verk sem
þarf að Ijúka á hverjum degi.
Um leið og þú lýkur sérhverj-
um námsáfanga strikaðu
hann af listanum og veittu
sjálfum þér þá ánægju að
skynja að þú ert aðeins nær
lokatakmarki þínu.
Ekki svindla á tímaáætl-
uninni. Þegar tíminn sem
ætlaður er hverju verkefni
fyrir sig er útrunninn, snúðu
þér að næsta verki; Ijúktu
við ólokin verk seinna.
Láttu vini og fjölskyldu
vita af þeim stundum sem þú
hefur tekið frá fyrir nám svo
þú verðir ekki fyrir ónæði.
Þú ættir einnig að láta vita
hvenær þú átt frí svo þau
haldi ekki að þú sért alltaf
lærandi og sinnir engu fé-
lagsltfi!
Ef þú ert alltaf í tímaþröng,
þarftu að endurskipuleggja
tímaáætlunina. Annaðhvort
hefur þú ekki ætlað hverri
grein nægan tíma eða þú ert
fastur í námsvenjum sem
eru óþarflega tímafrekar -
sjá kafla 6 um einbeitingu,
kafla 8 um gagnlegan lestur,
og kafla 9 um að skrifa niður
I og útbúa glósur. □
9. TBL. 1995 VIKAN 31
NAMSTÆKNI