Vikan - 01.05.1996, Blaðsíða 28

siiiái
tlið þið út að skemmta ykkur? Eru fötin í þrengra lagi? Viljið þið losna við 3-5
kíló á einni viku? Þetta getið þið gert ef þið notfærið ykkur þennan fljótvirka
megrunarkúr. Þið veljið úr eftirfarandi uppskriftum það sem þið hafið mestan
áhuga á og það sem ykkur hentar fjárhagslega séð.
Þessi 3 til 5 kíló sem þið hafið bætt á ykkur síðustu 3 eða 5 mánuðina skipta ekki svo
miklu máli, þið losið ykkur við þau á einni viku ef þið eruð viljasterk. Þessi kúr er afar
áhrifaríkur. Vigtið ykkur í dag og byrjið kúrinn. Vigtið ykkur svo aftur eftir viku og þið kom-
ist að raun um að þið hafið losnað við 3 til 5 kíló og fötin þrengja ekki að ykkur eins og áð-
ur. Hann er góður þessi megrunarkúr og þið sjáið árangurinn þegar fyrsta vikan er liðin.
Þá er ekki ráðlegt að byrja aftur á fyrri matarvenjum því þá bætast þessi kíló sem þið hafið
losnað við fljótt á ykkur aftur. Breytið smátt og smátt matarvenjum ykkar svo þið verðið
með tímanum ein af þessum mörgu sem ekki þurfa að fara í megrunarkúr tvisvar á ári.
Þegar þið hafið náð réttri þyngd og getið haldið ykkur við hana í eitt ár þá ættuð þið
ekki að þurfa að hugsa svo mikið um hvað þið borðið eða drekkið upp frá því.
„Þið ættuð ekki að borða neina fitu“ stendur í þriðju Mósesbók. Það má taka sem
kveðju frá fyrsta megrunrsérfræðingi heimsins.
Gangi ykkur vel.