Vikan - 01.05.1996, Blaðsíða 40

Sonja Þórisdóttir býr í Garðabæ. Hún er fædd 28. mars 1972
og er því 24 ára gömul og í Hrútsmerkinu.
Hafði lokið tveim árum á málabraut í Fjölbrautaskóla Garða-
bæjar er hún ákvað að taka sér frí frá námi. Hún dvaldi hálft ár í
Sviþjóð og vann í eitt ár sem au-gair í Bandaríkjunum. Hún segist
hafa gaman af að ferðast og vel geta hugsað sér að starfa sem
leiðsögumaður erlendis. Hér heima hefur hún komið nálægt ólík-
ustu störfum; unnið við malbikun, afgreitt á bar og á kaffiteríu
Perlunnar og um tíma vann hún við kynningarstörf. Núna rekur
hún sólbaðsstofuna Garðasól í Garðabæ ásamt foreldrum sinum.
Áhugamálin er m.a. útilegur, kvikmyndir og förðun. Einnig hefur
hún áhuga á leiklist og gæti jafnvel hugsað sér að hefja leik-
listarnám.
Foreldrar hennar eru Jónína H. Víglundsdóttir og Þórir Björns-
son. Hún er yngst fimm systkina.
Sonja er 171 sm á hæð.
Guörún Ragna Garðarsdóttir er Ijósmyndafyrirsæta Austur-
lands. Hún er fædd á Seyðisfirði 13. júní 1976 og er því 19 ára og í
Tvíburamerkinu.
Hún er á þriöja ári í Menntaskólanum í Reykjavík. Að loknu
stúdentsprófi hefur hún hug á að halda utan til náms og þá helst í
arkitektúr. Hún hefur gaman af að kynnast menningu annarra
þjóða og hefur komið til Finnlands, Svíþjóðar, Danmerkur, Portúg-
als, Spánar, Ítalíu og Sviss. Auk þess var hún skiptinemi í Frakk-
landi í eitt ár og við enskunám í Englandi í nokkrar vikur. Síðasta
sumar vann hún við skrifstofustörf en sumurin tvö á undan var
hún við fiskvinnslu. Það sem helst vekur áhuga hennar eru góðar
bækur, leiklist og ýmiskonar hönnun. í frístundunum leggur hún
nokkra stund á líkamsrækt.
Foreldrar hennar eru Arnbjörg Sveinsdóttir og Garðar Rúnar
Sigurgeirsson. Hún eina yngri systur.
Guðrún Ragna er 176 sm á hæð.
40 VIKAN 2. TBL, 1996