Vikan - 01.05.1996, Blaðsíða 34

Harpa Rós Gísladóttir var bæöi kjörin fegurðardrottning og
Ijósmyndafyrirsæta Reykjavíkur 1996. Hún fæddist suður með sjó
12. mars 1978. Hún er í Fiskamerkinu.
Grunnskólanám stundaði hún í Laugarnesskóla til 11 ára aldurs
er hún flutti í Garðabæ. Hún er á öðru ári I Fjölbrautaskólanum í
Garðabæ og ætlar sér að útskrifast þaðan sem stúdent af mark-
aðs- eða hagfræðibraut jólin 1997. Því næst gerir hún ráð fyrir að
hefja nám í viðskiptafræði við Háskólann og starfa síðan af krafti í
viðskiptalífinu.
Hún er iðin við ýmiskonar líkamsrækt, einkum sund og aerobik,
en hún hefur einnig lagt stund á jassballett. Systkini hennar eru
fimm og nýtur Harpa Rós fjölskyldulífsins og ætlar sér sjálf að
eignast mörg börn og rækta fjölskylduna af kostgæfni.
Foreldrar hennar eru Helga Ólafsdóttir og Gísli Matthías Eyj-
ólfsson. Fósturforeldrar Hörpu Rósar eru Ólafía Ólafsdóttir og
Halldór Arason.
Harpa Rós er 176 sm á hæð.
Ásta Andrésdóttir er tvítug Reykjavíkurmær, fædd 4. janúar,
og er í Steingeitarmerkinu.
Hún les nú af kappi fyrir stúdentspróf i M.R. Þar er hún á for-
nmálabraut. Hún hefur lært ensku, þýsku, frönsku, dönsku og lat-
ínu. Auk þess hefur hún verið að læra ítölsku og hefur hug á að
læra hana betur á Ítalíu en þangað fer hún í sjöunda skipti í sum-
ar til að vinna fram á vetur. Ástu langar til að læra fatahönnun í
Mílanó en hún hefur gaman af fatasaumi og -hönnun. Af öðrum
áhugamálum má nefna tónlist. Sjálf er hún útskrifuð frá Tón-
menntaskóla Reykjavíkur eftir margra ára píanónám.
Ásta hefur m.a. unnið í Sambíóunum og við garðyrkjustörf.
Foreldrar hennar eru Valgerður Ingimarsdóttir og Andrés Indr-
iðason. Hún á eitt systkini.
Ásta er 170 sm á hæð.
34 VIKAN 2. TBL. 1996