Menntamál - 01.03.1950, Blaðsíða 24

18
MENNTAMÁL
HELGl ÞORLÁKSSON:
Landssamband
framhaldsskólakennara.
í ársbyrjun 1948 samþykkti Félag framhaldsskólakenn-
ara í Reykjavík að beita sér fyrir stofnun landssamtaka
kennara við framhaldsskólana. Félag þetta hafði þá starf-
að um nokkurt skeið og unnið að ýmsum hagsmunamálum
kennara, einkum launamálum. Áður höfðu verið til nokk-
ur samtök við framhaldsskóla, svo sem félag héraðsskóla-
kennara, félag gagnfræðaskólakennara og félag mennta-
skólakennara. Öll höfðu þessi félög beitt sér fyrir ýmsum
velferðarmálum þessara skólaflokka, en sum þeirra voru
nú hætt störfum að mestu eða öllu leyti.
Þriggja manna nefnd vann nú að undirbúningi sam-
bandsstofnunar og ritaði öllum framhaldsskólum lands-
ins bréf þar að lútandi. Síðan var stofnþing boðað og háð
í Reykjavík dagana 17.—19. júní 1948. Til þings mættu 47
fulltrúar frá 21 skóla víðs vegar um landið.
Höfuðverkefni þingsins varð að sjálfsögðu að ganga
frá lögum fyrir samtökin, en auk þess tók það til meðferð-
ar ýmis skólamál og hagsmunamál kennara. Með ályktun-
um markaði þetta þing þegar stefnu sambandsins í ýmsum
þessara mála. Meðal annars lýsti þingið ákveðnum vilja
sínum um náið samstarf allra, sem að uppeldismálum vinna
og æskti samvinnu við S. í. B. um útgáfu tímarits.
Framhaldsstofnþing var síðan háð sumarið 1949, og
jafnhliða stóð sambandið fyrir þingi fagkennara. Ræddu
þeir ýtarlega um kennslubækur og námsskrár framhalds-