Menntamál - 01.03.1950, Síða 44

38
MENNTAMÁL
2. Nemendafjöldi og aldursskeið.
1 skólann hafa innritazt 225 nemendur. Fimm nemend-
ur hafa hætt vegna veikinda, eða fengið undanþágu vegna
annarra ástæðna. Hafa þær undanþágur verið veittar í
samráði við fræðslufulltrúa.
Nemendur eru fæddir árin 1935 og 1936, þeir eldri eru
í 2. bekk en þeir yngri í 1. bekk. Örfáir fyrstubekkingar
eru fæddir árið 1937. Höfðu þeir lokið barnaprófi með til-
skilinni einkunn síðast liðið vor. Fáeinir annarsbekkingar
eru fæddir fyrr en 1935.
3. Kennarafjöldi. ,
Auk skólastjóra eru fjórir kennarar ráðnir til eins árs.
Fjórir stundakennarar kenna bóklegar greinar. Einn
þeirra kennir fulla kennslu (30 vikustundir). Leikfimi og
verklegt nám annast stundakennarar.
á. Röðun í bekki.
Við röðun í bekkjardeildir var stuðzt við vitpróf, sem
síra Ingimar Jónsson, skólastjóri, hefur notað við sinn
skóla í mörg ár. Prófskrár viðkomandi barnaskóla voru
auk þess hafðar til hliðsjónar. Eftir fyrra vetrarpróf í
byrjun desember voru svo gjörðar fáeinar tilfærslur, þó
færri en æskilegt hefði verið.
5. Verknám.
Verknámsdeild er ekki starfrækt í skólanum. Allir nem-
endur stunda þó nokkurt verknám. Stúlkum er kennd
handavinna í skólanum tvær vikustundir hverri bekkjar-
deild. Piltar fá kennslu í smíði tvær stundir á viku. Mat-
reiðsla er kennd stúlkum í fyrsta bekk. Hver deild fær
kennslu hálfan veturinn. Smíða- og matreiðslukennsla fer
fram í Austurbæjarbarnaskólanum,