Menntamál - 01.08.1957, Blaðsíða 92
186
MENNTAMÁL
og nú nær 100 ára íþróttahús. Þau atriði, sem varða sögu
skólaíþrótta eru, að húsið er nothæft í nóv. 1857, en kennsla
hefst ekki í því fyrr en 3. marz 1858. Þá ganga íslenzk ung-
menni fyrsta sinni inn á fimleigkagólf til þess að njóta
kennslu í íþróttum. Þetta eru helztu æviatriði fyrsta
íþróttakennarans: „Carl Peter Steenberg (— oft í skýrsl-
um hins Lærða-skóla nefndur Steinberg —), fæddur 1809,
„sergeant" í danska hernum og leikfimikennari, skipaður
kennari í leikfimi við Lærða-skólann í Reykjavík 30. júní
1857. Dannebrogsmaður 16. sept. 1872. Fékk lausn frá
starfi sínu við skólann 23. júní 1877 með eftirlaunum.
Andaðist í Kaupmannahöfn snemma árs 1881. Kona hans
hét Dorthea Holberch, fædd 1814.“
Hér gefst því miður eigi rúm til þess að rekja frekar
áhrif hinnar fyrstu skipulegu íþróttakennslu í íslenzkum
skóla né sögu fyrsta íþróttahússins. Til þess gefst vonandi
tækifæri áður en langt líður. — En tilgangur minn með
þessum fáu sögulegu staðreyndum var sá að vekja athygli
ykkar, góðir íþróttakennarar, á því, að næsta ár eru 100
ár liðin frá því íþróttalcennarar komu við sögu íslenzkra
skólamála, og þó að starf þess manns, sem fyrstur sagði
fyrir um íþróttaiðkanir ísl. skólaæsku inni í fimleiksal
sé eigi upphaf íþróttaiðkana á íslandi — sjá fyrstu setn-
ingu þessarar greinar — né fyrsta tilsögnin um íþrótta-
iðkanir hérlendis — samber „fóstrana" á söguöld og sund-
námskeið þau, sem hófust 1821 í Eyjafirði —, þá er hér
um þáttaskil að ræða í 9 alda gamalli skólasögu Islands
og það opinberlega viðurkennt með stöðuveitingu og hús-
byggingu að: „.. . ekki er nóg að kenna og æfa sálina,
heldur verður að gjöra það við líkamann líka.“ (Bogi Th.
Melsted: Um menningarskóla, Khöfn 1888).
Þessara þáttaskila hljótum við ísl. íþróttakennarar að
minnast, því að hverjum ber það fremur?"
Tekið úr Skólaíþróttir U, 1956.