Bjarmi - 01.12.1999, Blaðsíða 4

jólum minnumst
við þess að Guð
vitjaði mannanna,
kom inn í neyð
þeirra. Hann hefur
sent kirkju sína út með fagnaðarerind-
ið. Hann hefur líka minnt okkur á sína
minnstu bræður, gestkomandi, klæð-
lausa, sjúka og fanga. Á næstu síðum
eru þrjú viðtöl sem er ætlað að gefa
nokkra innsýn í kristilegt starf meðal
fanga.
Hafa heimsótt
fangelsin í 17 ár
Tíðindamaður Bjarma bankaði upp á
hjá hjónunum Láru Vigfúsdóttur og Jó-
hanni F. Guðmundssyni eitt síðdegi í
nóvember. Tilgangurinn var að fræðast
um starf þeirra meðal fanga. Móttök-
urnar voru einkar hlýlegar og áður en
tíðindamaður kvaddi hafði hann þegið
kaffi og glóðvolgar pönnukökur, hlýtt á
söng húsmóðurinnar og notið frásagn-
argleði húsbóndans.
Það eru komin 17 ár síðan við fórum
að heimsækja fangelsin. Við byrjuðum
árið 1982. Áður höfðum við farið á
sjúkrahús á Þorláksmessu og sömu-
leiðis dreift smáritum niðri í bæ.
Einnig höfðum við heimsótt fangelsi
með Ingunni Gísladóttur og Helga Hró-
bjartssyni.
Lára Vigfúsdóttir og Jóhann F. Guðmundsson.
Var eitthvað sérstakt sem kom ykkur af
stað?
Já, við lítum á það sem köllun, svarar
Jóhann. Þannig var að ég var á gangi á
götu og bað til Guðs að hann sýndi mér
hvemig ég gæti þjónað honum. Þá hitti
ég konu úr Hjálpræðishemum sem sagði
mér að það vantaði Biblíur á Litla-
Hraun. Ég fór upp í Biblíufélag, fékk
Biblíurnar þar og fór með þær á Litla-
Hraun. Síðan höfum við farið reglulega í
fangelsin. Við höfum reynt að fara mán-
aðarlega á Litla-Hraun og vikulega á
Kópavogsbraut og Skólavörðustíg, ef frá
er skilinn tveggja mánaða timi á sumrin.
Þegar við fórum af stað vissum við
ekki um sams konar starf annars stað-
ar. Síðar kynntumst við alþjóðasamtök-
unum Prison Fellowship International.
Það kom í ljós að þau störfuðu á sama
hátt og við. Við gengum nýlega í þessi
samtök og stofnuðum formlega félag hér
til að það gæti orðið. Þó að við hjónin
höfum að mestu farið tvö í fangelsin, þá
eigum við okkur fyrirbiðjendur sem
standa með okkur í starfinu.
Við höfum farið að minnsta kosti 150
sinnum á Litla-Hraun og sömuleiðis
höfum við farið í önnur fangelsi, á
Kópavogsbraut, Skólavörðustíg, Kvía-