Heima er bezt - 01.05.1963, Blaðsíða 5

Fjölskyldan í Garpsdal.
hugsun og vel glöggur á málfar manna. Hann fór í
bændaskólann á Hvanneyri haustið 1909 og dvaldist þar
í þrjú missiri. Var mikil gróska í Hvanneyrarskóla um
þessar mundir, skólastjóri og kennarar ungir vel mennt-
aðir bjartsýnismenn. Áhugi og framtak gneistuðu af
orði hverju og athöfn. Var þar því góður jarðvegur
og gróðurskilyrði framgjörnum og greindum mönnum.
Júlíus mun vart hafa verið jafn vel undirbúinn til
náms sem margir bekkjarbræður hans, og skólinn mun
hafa ætlast til, og ósagt skal látið, hvort hann þess vegna
hefur átt við mikla erfiðleika að stríða í fyrstu; en við
burtför sína þaðan hlaut hann bezta vitnisburð.
Að lokinni skóladvöl sinni að Hvanneyri hélt Júlíus
heim aftur og vann að búi foreldra sinna þar til 1918,
er hann hóf búskap sjálfur, fyrst að hluta úr Garpsdal,
en 1920 kaupir hann Ingunnarstaði í Geiradal og býr
þar til 1927, er hann flytur heim aftur í Garpsdal.
Þar í sveit varð hann fyrstur bænda að hefja ýmsar
nýjungar í landbúnaði, svo sem votheysverkun og notk-
un tilbúins áburðar (Noregs-saltpéturs). Er túnið var
orðið svo véltækt, að hann taldi hvggilegt að nota hey-
vinnsluvélar, var hann þar fyrstur manna til að afla sér
þeirra. Hefur hann ávallt fylgzt vel með öllum nýj-
ungum í búnaðarmálum. Hann hefur því gott bú og
afurðamikið. Túnið er stórt og fallegt, og nú nýskeð
hefur hann látið ræsa fram stórt mýrarflæmi, sem gef-
ur fögur fyrirheit um aukinn, fallegan töðuvöll. Þá
hefur hann einnig byggt öll bæjarhús með miklum
myndarbrag.
Á fyrstu búskaparárum sínum í Garpsdal tók Júlíus
bæjarlækinn til rafvirkjunar og aflaði sér þannig nægi-
legs rafmagns til ljósa og suðu.
Júlíus var kosinn í hreppsnefnd Geiradals 1919 og
hefur setið þar síðan. En 1922 var hann kjörinn odd-
viti hreppsnefndar og hefur síðan verið það óslitið til
þessa dags. Um 25 ára skeið hefur hann og verið sýslu-
nefndarmaður Geiradalshrepps.
Eitt kjörtímabil var Júlíus einnig kjörinn fulltrúi
Búnaðarsambands Vestfjarða. Formaður skilanefndar
Kreppulánasjóðs Austur-Barðastrandarsýslu var hann
einnig og fulltrúi sýslunefndar í Mæðiveikivörnum, og
stóð hann þar þeim megin, sem hann taldi mestar líkur
til, að þeirri plágu yrði létt af bændum.
Þá er ungmennafélag var stofnað í Geiradalshreppi
1909, tók Júlíus þegar virkan þátt í því starfi, og þó
einkum eftir að hann kom heim úr skóla. Var hann for-
maður þess félags um nokkur ár, en er önnur störf hlóð-
ust á hann, tóku hinir yngri menn við, en ávallt hef-
ur Júlíus verið þeim traustur ráðgjafi og hollur.
Fyrir fáum árum, er ungmennafélagið og hreppsfé-
lagið reistu í sameiningu hið myndarlega félagsheim-
ili „Vogaland“, gekkst hreppsnefndin fyrir því, að
hreppurinn tæki myndarlegan þátt í kostnaðinum.
Þegar Pöntunarfélag Dalamanna skipti um sölufyrir-
komulag, var stofnað Kaupfélag fyrir Saurbæjar- og
Geiradalshrepp með stjórnarnefndarmenn úr báðum
hreppum, en meiri hluti stjórnarinnar og framkvæmd-
arstjóri var sunnan fjarðarins. Þó var á fyrstu árunum
reist sölubúð fyrir Geiradalsdeildina í Króksfjarðar-
nesi. En er tímar liðu, og viðskipti fóru að aukast vest-
an fjarðarins, tóku og að kveða við raddir, hvort ekki
myndi tímabært, að Geirdælir stofnuðu sjálfstætt kaup-
félag. Var þetta ekki ákveðið fyrr en 1911.
Þetta vor kom Júlíus heim frá Hvanneyri, og var
hann strax kjörinn endurskoðandi kaupfélagsins og
var það, þar til hann var kosinn í stjórn þess og for-
maður hennar, síðan Jón sál. Olafsson kaupfélagsstjóri
lét af því starfi, og er hann formaður þess, eftir lát Jóns
Ólafssonar.
Störf Júlíusar við Kaupfélag Króksfjarðar eru svo
mörg og margþætt, að lítt þýðir þau að þylja, en þeir
sem fylgzt hafa með 50 ára starfsemi þess, framvindu
og menningarauka í héraðinu, vita gleggst, hvern þátt
Júlíus Björnsson á þar á þeim vettvangi.
Frá Garpsdal.
Heima er bezt 157