Æskan - 01.11.1971, Síða 55

Arni Johnsen
þjóðlagasöngvari
Pjóðlagasöngur á vaxandi vinsældum að fagna í
mörgum löndum, og á íslandi, eins og víða annars
staðar, er mikið keypt af hljómplötum með slíkri
tónlist. í desember gaf Fálkinn hf. út stóra hljóm-
plötu, þar sem Árni Johnsen þjóðlagasöngvari syngur um
20 þjóðlög, vísur og lög eftir sig sjálfan.
Árnl Johnsen er frá Vestmannaeyjum, en s.l. 4 ár hefur
hann starfað sem blaðamaður við Morgunblaðið. Hann er
kennaramenntaður frá Kennaraskóla íslands. Árni varð
þjóðkunnur, þegar hann bjó í Surtsey meðan gos var í
eynni, en þar vann hann á vegum Surtseyjarfélagsins, og
margir kölluðu hann í gamni Surtseyjarjarlinn.
Síðan hefur Árni ferðazt vítt um landið bæði til þess að
skrifa greinar um mannlíf á íslandi og málefni og til þess
að syngja þjóðlög og vísur. Þá má geta þess, að í sumar
sem leið kleif Árni ásamt félögum sínum hina frægu eyju,
Eldey, en þá voru liðin 30 ár frá því að menn höfðu klifið
þessa illkleifu eyju, sem hýsir stærstu súlubyggð í heimi.
Árni er mjög frjálsmannlegur í framkomu og t. d. á
hann mjög gott með að fá fólk til þess að syngja með sér,
en hann leikur sjálfur á gítar. Ungt fólk þarf margt að
varast í lífinu og læra til þess að búa sig undir að verða
nýtir og góðir þjóðfélagsþegnar. Eitt af því, sem unga fólkið
þarf að varast og leiða hjá sér, er vín og tóbak, því það
getur ekki leitt til neins nema óheilbrigði og óhamingju.
Sumir halda að vin og tóbak séu einhver meðul við feimni,
en þar skiptir mestu máli, að hver einstaklingur komi frjáls-
lega og eðlilega fram, og það hefur Árni Johnsen eins og
margt annað ungt fólk sannað með því að smakka aldrei
tóbak og áfengi.
Á þessari stóru hljómplötu Árna Johnsen syngur hann
9 lög, sem hann hefur sjálfur gert við Ijóð eftir Stein
Steinarr, Matthías Johannessen og Davíð Stefánsson frá
Fagraskógi, en hin lögin eru þjóðlög frá flestum Norður-
löndunum og auðvitað frá íslandi einnig. Á plötunni eru all-
ir textarnir íslenzkir nema einn við færeyskt lag, en þann
texta syngur Árni á færeysku, og er það í fyrsta sinn,
sem íslendingur syngur á færeysku inn á hljómplötu. Text-
arnir við erlendu lögin eru til dæmis eftir dr. Sigurð Þórar-
insson jarðfræðing og prófessor, Ása í Bæ og ýmsa fleiri
kunna íslendinga. Á plötunni syngur Árni ýmist með einum
gítar, eins og hann gerir oftast, eða að heil hljómsveit spil-
ar með, og þar eru í spilinu margir þekktir hljómlistar-
menn úr pop-heiminum eins og til dæmis Gunnar Þórðar-
son í Trúbrot, Bjöggi og Jonni í Ævintýri og Ari og Vignir
( Roof Tops.
Þó að Árni Johnsen sé ekki nema 27 ára gamall, væri
margt hægt að segja um hann, því að hann hefur víða kom-
ið við og ferðast til fjarlægra landa, sem fáir íslendingar
hafa komið til, eins og t. d. Brasilíu og Venesúela í Suður-
Ameríku, en hér látum við staðar numið að sinni.
ÚR HRING ER HÆGT AÐ GERA MARGT
Margir af yngstu lesendunum hafa gaman af að telkna.
Flestir teikna skip og bíla, fjöll og hús, og ekki má gleyma
blessaðri sólinni, sem allir hafa einhvern tima spreytt sig
á að teikna. En það er ekki eins erfitt og þið haldið að
teikna ýmis andlit. Bezt er að byrja á því að búa til hrlng
eftir tölu eða fimmeyringi, en svo er hægt að breyta
hringnum í ýmis andlit. Ef þið reynið, sjáið þið fljótt, að
þetta er auðvelt. Hérna fyrir ofan getið þið fengið nokkrar
hugmyndir, en ykkur dettur áreiðanlega eitthvað flelra í
hug, þegar þið eruð byrjuð að teikna.