Æskan - 01.01.1982, Qupperneq 3

Þann 21. október árið 1979 voru liðin
nákvæmlega eitt hundrað ár frá því að
bandaríski hugvitsmaðurinn Thomas Alva
Edison fann upp gióðarlampann eða
Ijósaperuna eins og þessi uppfinning er
kölluð í dag. Það var þann 21. október árið
1879 að það kviknaði á perunni hjá Edison
og síðan þá hefur ijósaperan veitt gjör-
völlu mannkyninu, eða því sem næst, birtu
og yl. Sagt er að þessi uppgötvun Edison
sé hin mesta sem hann gerði um ævina og
segir það meira en mörg orð, því alls mun
Edison hafa fengið einkaleyfi á um 1500
uppfinningum um ævina. Edison fæddist
11. febrúar 1847 og lést 18. október 1931.
VINNA, VINNA OG
AFTUR VINNA
Um þaö leyti sem Edison fann upp glóðarlampann,
unnu margir vísindamenn að sama takmarki, en hinn 32
ára gamli sjálfmenntaði hugvitsmaður skaut þeim öllum
ref fyrir rass og það ekki í fyrsta né síðasta skiptið á ferli
sínum. Edison var sagður maður afburða vinnusamur og
ef eitthvað misheppnaðist hjá honum, þá lagði hann ekki
árar í bát eins og margir kynnu að hafa gert, heldur
tvíefldist hann og lagði enn harðar að sér en fyrr, þar til
takmarkinu var náð. Sem dæmi um vinnusemi Edisons er
sagt, að eitt sinn er honum var hrósað sem snillingi, hafi
honum orðið að orði: Snillingur samanstendur af 2%
innblæstri og 98% framkvæmdum. Það eina sem þarf er
góð hugmynd og síðan kemur vinna, vinna og aftur
vinna.
Og ekki verður annað sagt, en að Edison og að-
stoðarmenn hans hafi fengið að kynnast vinnu. Oft lögðu
þeir nótt við dag og ef Edison var að vinna að einhverjum
merkilegum verkefnum sem ógjarnan máttu spyrjast út,
þá var dyrunum að vinnustofunni einfaldlega læst og
síðan unnið í einni striklotu þar til gátan var leyst. Þetta
geröist t. a. m. er Edison var að vinna að gerð talþráðar-
ins, undanfara plötuspilarans, en þá unnu Edison og
aðstoðarmenn hans í 5 daga samfleytt fyrir luktum dyrum
og eftir 120 tíma vinnu var björninn unninn.
MÖGULEIKAR EDISONS
ERU ENGIR
Tilraunir Edisons með glóðarþráðinn báru fyrst í stað
lítinn árangur. Hann byrjaði að nota hárfínan platínuþráð
við tilraunir sínar, sem hann hleypti síðan rafstraumi á. Ef
straumurinn var nógu mikill gat Edison fengið þráðinn til
3