Æskan - 01.01.1982, Síða 42

Það virðist svo, sem
íslenska póststjórnin hafi
góða trú á tölunni 13, því aó á
árinu 1980 voru það 13 frí-
merki sem sáu dagsins Ijós og
aftur voru gefin út 13 frímerki
árið 1981.
Þau fyrstu sem komu út á
árinu 1981 voru tvö frímerki
með myndum af merkum ís-
lendingum og voru það þeir
---------------------------1
og ritstörf, gerðist auka-
prófessor við háskólann þar í
fornþókmenntum Norður-
landa, jafnframt því sem hann
varð aðstoðarmaður við
leyndarskjalasafnið og skip-
aður síðan forstöðumaður
þess 1829. — Hann var mjög
starfsamur og hafði á hendi
ýmis trúnaðarstörf auk emb-
ættis síns og starfaði mikið
Magnús Stephensen 170
aurar blátt og Finnur
Magnússon 190 aurar brúnt.
Teiknari merkjanna var
Þröstur Magnússon og voru
frímerkin prentuð í prent-
smiðju frönsku póstþjónust-
unnar. — Stærð frímerkjanna
er 26X40 mm og prentunar-
aðferð svokölluð djúpprent-
un. Útgáfudagurinn var 24.
febrúar. Útgáfunúmer er 199.
í auglýsingu frá póststjórn-
inni segir svo um þessi merki:
Magnús Stephensen, dóm-
stjóri, fæddist aö Leirá í Leir-
ársveit 27. desember 1762.
Foreldrar hans voru Ólafur
stiftamtmaður Stefánsson og
kona hans Sigríður Magnús-
dóttir. Hann tók stúdentspróf
utanskóla í Skálholti 1779 og
hóf nám í lögfræði 1781 við
háskólann í Kaupmannahöfn.
Lögfræðiprófi lauk hann í maí
1788. Frá 1793 til 1795 var
hann settur landfógeti.
Landsyfirdómurinn á Islandi
var stofnaður 11. júlí 1800, og
varð Magnús þá dómstjóri þar
og gegndi því embætti til
æviloka, 17. mars 1833. —
Hann bjó fyrst að Leirá, síðan
að Innra-Hólmi og síðast í
Viðey, sem hann keypti. Þar
rak hann þá einu prentsmióju,
sem til var í landinu, og hafði
umsjá með öllu, sem prentað
var þar. Eftir hann liggur mik-
ið á prenti af ýmiss konar ritum,
sem varða íslenskt þjóófélag
og þjóðfélagshætti. Enn-
fremur eru varðveittar í hand-
riti eftir hann ritgerðir í lögum
og tillögur um sveitarstjórn
svo og margvísleg málefni
önnur. — Hann var sæmdur
doktorsnafnbót í lögum við
Hafnarháskóla þann 6. apríl
1819. Kona hans var Guðrún
Vigfúsdóttir.
Finnur Magnússon,
leyndarskjalavörður, fæddist í
Skálholti 27. ágúst 1781. —
Foreldrar hans voru Magnús
Ólafsson lögmaður og kona
hans Ragnheiður Finnsdóttir.
— Hann varð stúdent 1797 og
innritaðist sama ár í háskól-
ann í Kaupmannahöfn og las
lögfræði, en hvarf frá því námi
og hélt til íslands þar sem
hann stundaði ýmis störf til
1812. Hélt hann þá aftur út til
Kaupmannahafnar og stund-
aði þar fornfræðirannsóknir
fyrir Hið íslenska bókmennta-
félag, var forseti Hafnardeild-
ar þess frá 1839 til dauðadags
24. desember 1847. — Hann
var merkur rithöfundur og
samdi fjölda ritgerða um
goðafræði Norðurlanda og
ýmsar greinar íslenskra
fræða. Þá annaðist hann
þýðingar á ýmsum fræðiritum
og lögfræðilegum tilskip-
unum á íslensku. Hann var
gerður heiðursdoktor við há-
skólann í Greifswald árið
1836. Kona hans var Nikolína
Barbara Frydensberg.
Upplag þessarar frímerkja-
útgáfu var 114 milljón merkja.
Framhald.
38