Æskan - 01.01.1982, Page 43

BIFVELAVIRKI
Bifvélavirkjun er fjölbreytt og lifandi
starf. Venjuleg fólksbifreið er samsett
úr fjölda hluta úr ýmsum efnum. Allir
þessir hlutir verða að falla rétt saman
og starfa eðlilega. Hreyfillinn verður
að skila sem mestri orku til að knýja
bílinn áfram, jafnframt verður hann að
vera sparneytinn á eldsneyti. Hér
kemur bifvélavirkinn til sögunnar við
stillingu og viöhald og svo auðvitað
að finna og gera við bilun ef hreyfill-
inn hættir að ganga.
Jafnframt því að knýja bílinn áfram
snýr hreyfillinn rafalnum sem fram-
leiðir rafmagn til ýmissa nota í bílnum
svo sem að hlaða rafgeyminn svo
hægt sé að gangsetja hreyfilinn, til
Ijósa svo ökumaðurinn sjái til aksturs í
myrkri og aðrir sjái til ferða hans og til
að knýja útvarp og segulband öku-
manni og farþegum til ánægju. Ef
eitthvað bilar í rafkerfinu þarf bifvéla-
virkinn að gerast rafvirki. Þetta litla
dæmi sýnir að starf bifvélavirkja er
fjölbreytt og ef nefna ætti dæmi um
allt það sem krafist er af þeim þá þyrfti
heila bók.
Hvernig verður komist f bifvéla-
virkjanám við Iðnskólann í Reykja-
vík?
Sá eða sú sem hyggur á nám í bif-
vélavirkjun verður að vera að minnsta
kosti 15 ára og hafa lokið grunn-
skólaprófi með tilskildum lágmarks-
einkunnum.
Gott er að viðkomandi hafi meiri
menntun, til dæmis í erlendum tungu-
málum, því allar viðkomandi viðgerð-
arbækur og sumar skólabækur eru á
erlendum málum.
Viðkomandi skal Ijúka grunnnámi í
málmiðnadeild verknámsskóla (við
iðnskóla eða fjölbrautaskóla) en síð-
an tekur við verklegt nám í bifvéla-
virkjadeild við lönskólann í Reykjavík.
Nemendur sem lokið hafa grunn-
deild rafiðna eða 1. stigi vélskóla hafa
hér sömu möguleika og nemendur úr
málmiðnadeildum.
Aðbúnaður og vinnustaðir bifvéla-
virkja eru víðast hvar góðir og sums-
staðar sérlega aðlaðandi. Laun eru
sambærileg við aðra málmiðnaðar-
menn og oft jafnvel betri.
Bifvélavirkjun er alþjóðleg atvinnu-
grein enda eru bílar hluti af umhverf-
inu í nútíma samfélagi svo þeir sem
vilja reyna sig í útlöndum, eins og
lengi hefur verið siður íslendinga,
eiga vísa atvinnu.
Bifvélavirkjar eru gjarnan eftirsóttir
til annarra starfa til dæmis við akstur
flutningabíla, meðferð vinnuvéla og
starfa í varahlutaverslunum.
Bílum hefur fjölgað það hratt að
iðnfræðslan hefur vart undan, því er
skortur á góðum bifvélavirkjum.
Ekki sakar að geta þess að það eru
þó nokkur hlunnindi að geta gert
sjálfur við bílinn sinn ef hann bilar.
— Allar upplýsingar um nám bif-
vélavirkja er hægt að fá á skrifstofu
Iðnskólans og síminn þar er 26240. —
Sá, sem upplýsingar veitir um 'málm-
iðnadeildina heitir Sigurður Krist-
jánsson og er yfirkennari þar. Hann
hefur viðtalstíma í stofu 312 klukkan
11.20—12.00.
G. H.
PRENTLISTIN
Gutenberg hefur verið kallaður
faðir prentlistarinnar en árið 1436 var
hann farinn að raóa saman tréstöfum
til að þrykkja af. Ágæti aðferðar hans
fólst í því að hægt var að nota sömu
stafina aftur og aftur.