Æskan - 01.01.1988, Side 18

Föndurdagur
P i _ x ' i /1 _ r i • o . •
Svona er það í Skútuskóla - framhaldssaga eftir Iðunni Steinsdóttur
I þessu blaði og þeim næstu ætla ég að segja ykkurfrá
Skútuskóla. Hann er enginn venjulegur skóli eins og
þið sjáið þegar þið lesið söguna.
Skútuskóli er góður skóli.
Börnin þar eru alltaf í góðu
skapi eða næstum því.
Kennararnir eru líka
oftast glaðir.
í Skútuskóla eru
sumir litlir, aðrir stórir,
sumir feitir, aðrir mjóir.
En allir eru ánægðir með lífið.
Það er bara eitt
sem er dálítið erfitt.
Stofurnar eru svo litlar
en börnin svo mörg.
Þegar börnin eru sest
við borðin sín
og búin að hengja skóla-
töskurnar á krókana
þá er ekkert pláss
fyrir kennarann.
Það er að segja
ekki á gólfinu.
Hins vegar er nóg pláss
í loftinu.
Þess vegna ferðast
kennarinn um á kaðli
sem hangir niður úr loftinu.
Alveg eins og Tarsan.
18
Fía og Frikki eru nemendur
í Skútuskóla.
Kennarinn þeirra heitir
Margrét.
Hún er kölluð Magga sveifla
af því að hún er svo dugleg
að sveifla sér á kaðlinum.
Einn daginn áttu þau að föndra.
Þau hafði hlakkað mikið til
af því að þeim þótti
svo gaman að föndra.
Magga kennari kom með
alla vega litan pappír.
Þau áttu að búa til mósaik-
myndir.
Þau rifu pappírinn í smá-
búta sem þau ætluðu að
líma á stór spjöld.
Þegar þau voru búin
að rífa niður pappírinn
byrjuðu þau að kalla:
- Spjöld, Magga, spjöld,
við viljum fá spjöld!
- Já, nú kem ég með spjöldin,
hrópaði Magga sveifla,
og sveiflaði sér af stað
í glæsilegum boga
með öll spjöldin
undir annarri hendinni.
En þá fór heldur illa.
Magga var nefnilega í víðu
og síðu pilsi.
Þegar hún sveiflaði sér
varð svo mikill súgur
að allir marglitu
htlu bréfsneplarnir
fuku út í loftið.
Þeir fuku um allt.
Það var engu líkara
en komin væri hríð.
Ekki venjuleg hvít snjókoma,
heldur gul og rauð og
græn og blá.
Öll börnin æptu.
Það var meiri hávaðinn.
Svo stukku þau upp á borðin
og reyndu að ná í
litlu sneplana.
Þeim fannst þetta
ógurlega gaman.
Þegar Magga var búin að
afhenda öll spjöldin
settist hún aftur
við borðið sitt.
Þá kyrrði í stofunni.
ÆSKAN