Æskan - 01.02.1992, Blaðsíða 17

EYJAR
mála.
„Stundum hringi ég í Orð lífs-
ins, síma 10000, til að heyra les-
ið úr Biblíunni," segir Lea. „En
þá er ég ekki að gera at. Mér
finnst gaman að hlusta á Biblíu-
sögurnar."
Þær Eva Björk og Lea segjast
báðar vera í sunnudagaskóla á
veturna.
„Ég reyni að fara í hvert skipti
sem hann er haldinn," segir Eva
Björk. „Mér finnst mjög gaman í
honum.“
„Stundum sef ég yfir mig á
sunnudögum," segir Lea. „Ég
vakna oft klukkan hálf tíu en
stundum ekki fyrr en tólf á há-
degi.“
Eva Björk: Ég bið mömmu
alltaf að vekja mig þegar hún fer
á fætur klukkan átta á sunnu-
dagsmorgnum til að hugsa um
bróður minn. Það er alls ekki
erfitt að vakna svo snemma.
- Hvenær farið þið að sofa um
helgar?
Lea: Stundum fer ég að sofa
klukkan tíu, stundum klukkan eitt
eftir miðnætti. Ég fer seint að sofa
þegar ég er að horfa á skemmti-
legar myndir í sjónvarpinu. Það
lengsta sem ég hef vakað er til
fjögur að nóttu en þá var mamma
mín að vinna og lofaði mér að
vaka eftir sér.
Eva Björk: Ég hef vakað lengst
til hálf þrjú en oftast er ég sofn-
uð fyrir miðnætti því að ég vakna
alltaf svo snemma á morgnana.
REIF í HÁRIÐ
Þær Eva Björk og Lea segjast
eiga margar vinkonur f Eyjum.
Sfðan byrja þær að telja upp
nöfn þeirra stelpna sem alls
ekki teljast til vina þeirra -
en ág læt ógert að birta þá
runu alla.
„Veistu hvað ein stelpan gerði
við hana Evu Björk?“ spyr Lea og
er mikið niðri fyrir. „Einn daginn
ætlaði hún að sækja hjólið sitt
heim til stelpunnar en þá sagði
stelpan við hana: „Þú færð ekki
að taka hjólið þitt! Þetta er mín
lóð!“ En þegar Eva ætlaði síðan
að taka það reif stelpan í hárið á
henni. Svo stríddi hún okkur báð-
um ásamt vinkonu sinni.“
Síðan sýna Eva Björk og Lea
mér hvar stelpan reif í hár þeirr-
ar fyrrnefndu og lýsa því í smáat-
riðum.
Að síðustu spyr ég stelpurnar
hvort þær eigi sér drauma um
framtfðarstarf.
„Ég er ekki búin að ákveða mig
alveg,“ svarar Eva Björk.
„En ég ætla að verða flug-
freyja," segir Lea.
Og þar með lauk viðtalinu við
þessar hressu og skemmtilegu
telpur í Eyjum.
-E.l.
Æ S K A N 17