Æskan - 01.08.1994, Side 54

BARNAFRÍMERKI
8. september gaf Póstmálastofnun
Þýskalands út bamafrímerki. „Fyrir okk-
ur, börn“ heitir útgáfan. Að þessu sinni
var gefin út blokk með einu frímerki sem
kostar eitt þýskt mark.
Víst er að ekki verður sagt um nokkurt
heilbrigt barn að það hafi ekki einhvern
tíma notað hugmyndaflug sitt til þess að
skapa alls kyns furðuverur. Þið kannist
flest við hvað það er gaman að skapa
eitthvað með því að teikna það á blað. Á
undanförnum árum hefur saga dýra frá
miðöld jarðar eins og risaeðla og annarra
slíkra oft verið rifjuð upp. Flestir vilja sjá
þau og teikna þau af því að það er svo
mikið gefið út af bókum með myndum
og sögum af þeim. Þarna verða ekki síð-
ur til alls konar drekar og aðrar furðuver-
ur sem ekki hafa verið þekktar nema af
teikningum eftir fundnum beinagrindum
og lýsingum fræðimanna. Þegar hugar-
flugið hefur unnið úr þessu öllu verða til
hin skemmtilegustu dýr! Þau verða okkur
sem teiknum þau til ánægju og líka er
gaman að sýna þau öðrum.
Á öllum tímum hafa menn skrifað um
þessi furðudýr og ort um þau Ijóð. Flví
skyldu börn þá ekki einnig teikna þau og
jafnvel semja sögur og Ijóð um þau. Á
þýsku frímerkjablokkinni sjáið þið nokkur
dæmi sem Lou Romboy í Munchen hef-
ur tekið saman eftir furðudýrateikning-
um. Drekinn, sem flýgur með farþega
sinn á sjálfu frímerkinu upp í hæðir, er
mun vingjarnlegri en drekinn sem heilag-
ur Georg varð að granda. Svo eru sex
önnur furðudýr á jaðri blokkarinnar.
Þetta eru dýr sem hinir tveir fjaðurkrýndu
menn á baki drekans fá að sjá á ferð
sinni um loftin blá. Hver vildi ekki fara í
slíkt ferðalag með góða drekanum?
GRÍMA FRÁ TANSANÍU
Þjóðverjar gáfu út fleiri frímerki á
sama degi. Þar á meðal er eitt til að
minnast 125 ára afmælis Þjóðfræð-
isafnsins í Leipzig sem er eitt hið elsta
og virðulegasta safn sinnar tegundar í
heiminum. Þar finnast margir furðulegir
hlutir. Safnið er rekið af fríríkinu
Saxlandi. Myndin á frímerkinu er af
grímu frá Suðaustur-Tansaníu, frá
Makondum. Hún var gerð snemma á
tuttugustu öldinni, öldinni okkar. Silvía
Runge í Daun hefur unnið frímerkið.
FRÍMERKJASÝNING
UNGLINGA
En höldum okkur áfram við furðudýr-
in. Það var norræn frímerkjasýning ung-
menna á Kjarvalsstöðum 16.-18. sept-
ember í haust. Hún heitir NORDJUNEX
eins og allar hinar árlegu unglingasýn-
ingarnar á Norðurlöndum. Það voru
Grænlendingar sem voru fyrstir til að
segja frá þátttöku sinni í sýningunni og
senda okkur mynd af stimplinum sem
þeir notuðu. Það er mynd af einu furðu-
dýrinu enn, einhyrningi, sem er í miðju
hans. Þetta er eitt af furðudýrum þjóð-
sagna. Um það eru svo fornar sagnir að
gamlir grískir fræðimenn eins og Aristo-
teles og Plínus skrifuðu um dýrið sem
var eins og hestur með eitt snúið horn út
úr enninu. Þá er einhyrningur nefndur í
Biblíunni, álitinn eiga heima í Indlandi
eða Afríku.
Talið var að lækningarmáttur hornsins
væri ákaflega mikill. Oft voru því ná-
hvalstennur seldar sem einhyrningshorn
og áttu að lækna alla kvilla. Þá var ein-
hyrningurinn einnig tákn meydóms á
miðöldum. Þannig var hann oft í tákni
Maríu meyjar.
Griman frá safninu i Leipzig.
S 4 Æ S K A N
Furðudýrablokkin frá Þýskalandi.